ଏନ ଏ ସି ର ମଣ୍ଡି ଦାୟିତ୍ୱ ନେଲେ ପାର୍ବତୀ ସ୍ୱୟଂ ସହାୟକ ଗୋଷ୍ଠି
ଆସିକା ୦୩/୦୧/୨୫ // ଆସିକା ବିଜ୍ଞାପିତ ଅଞ୍ଚଳ ପରିଷଦ ରେ ମଣ୍ଡି ଦାୟିତ୍ୱ ନେଲେ ପାର୍ବତୀ ସ୍ୱୟଂ ସହାୟକ ଗୋଷ୍ଠି ର ମହିଳା ମାନେ l ମହିଳା ଙ୍କୁ ଆର୍ଥିକ ଉନ୍ନତି ପାଇଁ ଅଗ୍ରାଧିକାର ଦେଇ ଧାନ ମଣ୍ଡି ର ଦାୟିତ୍ୱ ସରକାର ପ୍ରଦାନ କରିଛନ୍ତି l ଚଳିତ ବର୍ଷ ଆସିକା ବ୍ଲକ ଏବଂ ଏନ ଏ ସି ର ଚାଷୀ ଠାରୁ ଧାନକୁ ମଣ୍ଡିକୁ ଯିବା ନିମନ୍ତେ ୧୪ ଗୋଟି ମହିଳା ସ୍ୱୟଂ ସହାୟକ ଗୋଷ୍ଠି ଏବଂ ୧୮ ଗୋଟି ସେବା ସମବାୟ ସମିତି (ପେକ୍ସ )ମିଶି ମୋଟ ୩୨ ଗୋଟି ମଣ୍ଡି କେନ୍ଦ୍ର ଖୋଲିବାକୁ ସ୍ଥିର ହୋଇଛି l ସେହି କ୍ରମ ରେ ଆସିକା ଏନ ଏ ସି ର ୱାର୍ଡ ନମ୍ବର ୧୧ ର ହରିହର ନଗର ଠାରେ ପାର୍ବତୀ ସ୍ୱୟଂ ସହାୟକ ଗୋଷ୍ଠି ଦ୍ୱାରା ଖୋଲାଯାଇଥିବା ମଣ୍ଡି ଆଜି ଉଦଘାଟନ ହୋଇଛି l
ଏହି କାର୍ଯ୍ୟକ୍ରମ ରେ ସ୍ଥାନୀୟ ବିଧାୟକ ସରୋଜ କୁମାର ପାଢ଼ୀ, ଭଞ୍ଜନନଗର ଉପଜିଲ୍ଲାପାଳ ଅନିଲ କୁମାର ସେଠୀ,ଅତିରିକ୍ତ ଉପ ଜିଲ୍ଲାପାଳ ବିଶ୍ୱରଂଜନ କଁଅର, ମଣ୍ଡି ର ନୋଡାଲ ଅଧିକାରୀ ଆସିକା ତହସିଲଦାର ସଂଗୀତା ସେନ, ଏନ ଏ ସି ଅଧକ୍ଷl ବିନେତା ସ୍ୱାଇଁ, ଉପାଧ୍ୟକ୍ଷା ଜୟନ୍ତୀ ବିଷୋୟୀ ଆତ୍ମା ର ଅଧକ୍ଷ ବିଜୟ ସ୍ୱାଇଁ,,ବରିଷ୍ଠ ସମାଜସେଵୀ, ସତ୍ୟ ନାରାୟଣ ସ୍ୱାଇଁ, ଗାୟତ୍ରୀ ମହାନ୍ତି, ପାର୍ବତୀ ସ୍ୱୟଂ ସହାୟକ ଗୋଷ୍ଠି ସଭାନେତ୍ରୀ ପୁଷ୍ପାଞ୍ଜଳୀ ପାତ୍ର ଓ ସମ୍ପାଦିକା ମାମି ଜେନା,ଯୋଗାଣ ନିରୀକ୍ଷିକା ଶର୍ମିଷ୍ଠା ଦଳବେହେରା, ଆସିକା ରାଜ୍ଵସ୍ ନିରୀକ୍ଷକ ବିଷ୍ନୁ ପ୍ରିୟା ରାଉତ ପ୍ରମୁଖ ଉପସ୍ଥିତ ଥିଲେ l ଏଥି ସହିତ ପାର୍ବତୀ ମହିଳା ସ୍ୱୟଂ ସହାୟକ ଗୋଷ୍ଠି ର ସମସ୍ତ ସଦସ୍ୟ ଉପସ୍ଥିତ ଥିଲେ l
ଆସିକା ରୁ ଶିବ ଶଙ୍କର ମିଶ୍ର ମସିହା ନ୍ୟୁଜ
