ଚଳିତ ମାଟ୍ରିକ ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବା ଛାତ୍ର ଛାତ୍ରୀଙ୍କୁ ସମ୍ବର୍ଦ୍ଧିତ କଲେ ରାୟଗଡ ଜିଲ୍ଲାପାଳ
ରାୟଗଡ:- ତା ୦୩.୦୬.୨୦୨୪ ରିଖ ସୋମବାର ଦିବା ୧୨.୦୦ ଘଟିକା ସମୟରେ ଜିଲ୍ଲାପାଳ ରାୟଗଡ଼ଙ୍କ ପ୍ରକୋଷ୍ଠରେ ଜିଲ୍ଳାର ଦଶମଶ୍ରେଣୀ ବୋର୍ଡ ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବା ଛାତ୍ରଛାତ୍ରୀଙ୍କ ନିମନ୍ତେ ଏକ ସମ୍ବର୍ଦ୍ଧନା ପର୍ବ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବ ଅବସରରେ ଜିଲ୍ଲାର ବିଭିନ୍ନ ବିଦ୍ୟାଳୟରୁ ସର୍ବୋଚ୍ଚ ନମ୍ବର ରଖିଥିବା ୧୦ ଜଣ କୃତୀ ଛାତ୍ରଛାତ୍ରୀଙ୍କ ସହିତ ସେମାନଙ୍କ ଅବିଭାବକ ମାନଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଜିଲ୍ଲାପାଳ ଛାତ୍ରଛାତ୍ରୀମାନଙ୍କୁ ସେମାନଙ୍କ ଜିଲ୍ଲାପାଇଁ ଗୌରବପ୍ରଦାନ ନିମନ୍ତେ ଉତ୍କର୍ଷତା ପ୍ରମାଣପତ୍ର ସହ କୃତିତ୍ଵ ପାଇଁ ମେମେଣ୍ଟୋ ପ୍ରଦାନ କରିଥିଲେ । ଭବିଷ୍ୟତରେ ନିଷ୍ଠା ଓ ସାଧୁତାର ସହ କାର୍ଯ୍ୟକରି ଜୀବନର ପ୍ରତ୍ୟେକ ସ୍ତରରେ ସଫଳତା ବଜାୟ ରଖିବାପାଇଁ ଜିଲ୍ଲାପାଳ ସମସ୍ତ ଛାତ୍ରଛାତ୍ରୀଙ୍କୁ ଉପଦେଶ ଦେଇଥିଲେ । ଛାତ୍ର ଜୀବନର ପ୍ରାରମ୍ଭରୁ ଉଚ୍ଚଆଶା ପୋଷଣ କରି ଓ ନକାରାତ୍ମକ ଭାବନାଠୁ ନିଜକୁ ଦୂରେଇ ରଖିଲେ ଜୀବନରେ ସଫଳତା ଆସିଥାଏ ବୋଲି ଜିଲ୍ଲାପାଳ ଛାତ୍ରଛାତ୍ରୀମାନଙ୍କୁ ଦିଗ୍ ଦର୍ଶନ ପ୍ରଦାନ କରିଥିଲେ। ଉକ୍ତ ସମ୍ବର୍ଦ୍ଧନା ଉତ୍ସବରେ ଜିଲ୍ଲା ଶିକ୍ଷା ଅଧିକାରୀ, ବସନ୍ତ କୁମାର ନାୟକ ,, ବ୍ଲକ ଶିକ୍ଷା ଅଧିକାରୀ, ରାୟଗଡ଼ ଓ ଜିଲ୍ଲା ବିଜ୍ଞାନ ନିରୀକ୍ଷକ, ରାୟଗଡ଼ ଉପସ୍ଥିତ ରହିଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
