ଶ୍ରୀଗୋପୀନାଥ ଟ୍ରଷ୍ଟର ବାର୍ଷିକ ଉତ୍ସବ ଅନୁଷ୍ଠିତ
ଖଇରା,୨୦/୬/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଶ୍ଯାମସୁନ୍ଦରପୁର ପଞ୍ଚାୟତ ଅନ୍ତର୍ଗତ ରାଣ୍ଡଖେଜୁରୀ ଗ୍ରାମରେ ଶ୍ରୀଗୋପୀନାଥ ଟ୍ରଷ୍ଟର ବାର୍ଷିକ ଉତ୍ସବ ଉପଲକ୍ଷେ ଏକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗ୍ରାମର ଶିଶୁ ଓ ବୟସ୍କ କଳାକାର ମାନଙ୍କ ଦ୍ବାରା ଗଣେଶ ପ୍ରସାଦ ମହାନ୍ତିଙ୍କ ରଚିତ ସାମାଜିକ ନାଟକ ” ହସୁଛି ମାଳିକା କାନ୍ଦୁଛି ବେଦ ” ମଞ୍ଚସ୍ଥ କରାଯାଇଥିଲା । ସୁରେନ୍ଦ୍ର ଗିରି ନାଟ୍ୟ ନିର୍ଦ୍ଦେଶନା ଦେଇଥିବା ବେଳେ ଟ୍ରଷ୍ଟର ସଭାପତି ଯମୁନାରାଣୀ ଜେନା କୃତି କଳାକାର ମାନଙ୍କୁ ପୁରସ୍କୃତ କରିଥିଲେ । ଜ୍ଯୋତ୍ସ୍ନା, ଭାଗ୍ୟଶ୍ରୀ, ଅଞ୍ଜଳି, ଗୌତମ ମଧ୍ୟ ଉଚ୍ଚକୋଟୀର କଳା ପ୍ରଦର୍ଶନ କରି ପୁରସ୍କୃତ ହୋଇ ଆନନ୍ଦିତ ହୋଇଥିଲେ । ଏଥିରେ ଅତିଥି ଭାବେ ମାନସ ମହାନ୍ତି, ସୁଶାନ୍ତ କୁମାର ମହାପାତ୍ର ଓ ଲକ୍ଷ୍ମୀପ୍ରିୟା ମହାନ୍ତି ଯୋଗ ଦେଇଥିବା ବେଳେ ଟ୍ରଷ୍ଟ ମେମ୍ବର ପାର୍ବତୀ ମହାନ୍ତି, ନିରୂପମା ମହାନ୍ତି, ସ୍ନେହଲତା ଗିରି, ଗୌତମ ଗିରି, ନୀଳମଣି ଜେନା, ଚିତ୍ତରଞ୍ଜନ ମହାନ୍ତି, ଗୋପୀନାଥ ଜେନା ଓ ଅନ୍ୟମାନେ କାର୍ଯ୍ୟକ୍ରମ ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
