ଆମ୍ ଆଦମୀ ପାର୍ଟି କଳାହାଣ୍ଡି ଲୋକସଭା ସଭାପତି ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ପଦ ଓ ପ୍ରାଥମିକ ସଦସ୍ୟ ରୁ ଇସ୍ତଫା ଦେଲେ କୃତିବାସ ମୁଣ୍ଡ
ଆଜି ଆମ୍ ଆଦମୀ ପାର୍ଟିର ଜଣେ ସୁ ସଂଗଠକ, କଳାହାଣ୍ଡି ଲୋକସଭା ସଭାପତି ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶ୍ରୀ କୃତିବାସ ମୁଣ୍ଡ ଦଳ ର ସମସ୍ତ ପଦବୀ ଓ ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି। ସେ ତାଙ୍କ ର ଇସ୍ତଫା ପତ୍ର ରାଜ୍ୟ ସଭାପତି ଶ୍ରୀ ନିଶିକାନ୍ତ ମହାପାତ୍ର ଙ୍କ ପାଖକୁ ପଠାଇଛନ୍ତି। ଶ୍ରୀ ମୁଣ୍ଡ ଦଳର ବିଭିନ୍ନ ପଦ ପଦବୀ ଯଥା ରାଜ୍ୟ ଯୁବ ଉପ ସଭାପତି, ଜୋନାଲ ସଭାପତି, ଲୋକ ସଭା ସଭପତି, ଜିଲ୍ଲା ପର୍ଯ୍ୟବେକ୍ଷକ ଏବଂ ରାଜ୍ୟ କାର୍ଯ୍ୟକାରିଣୀ ସଦସ୍ୟ ରୂପେ ନିଷ୍ଠା ସହ ଦଳ ପାଇଁ କାମ କରିଛନ୍ତି, ତାଙ୍କ ନେତୃତ୍ବରେ କଳାହାଣ୍ଡି ରେ ଦଳ ପଞ୍ଚାୟତ ନିର୍ବାଚନ , ପୌର ନିର୍ବାଚନ ଓ ସାଧାରଣ ନିର୍ବାଚନ ରେ ମଧ୍ୟ ଅନ୍ୟ ଜିଲ୍ଲା ତୁଳନା ରେ ଭଲ ପ୍ରଦର୍ଶନ କରିଥିବା ନଜିର୍ ରହିଛି, ସେ ତାଙ୍କ ଇସ୍ତଫା ପତ୍ର ରେ ବ୍ୟକ୍ତିଗତ ସମସ୍ୟା କାରଣରୁ ଦଳ ଛାଡିଥିବା ଦର୍ଶାଇ ଥିବା ବେଳେ ଆମେ ତାଙ୍କ ଆଗମୀ ରାଜନୈତିକ ଯାତ୍ରା ବିଷୟରେ ପ୍ରତିକ୍ରିୟା ନେଇଥିଲୁ ସେ ତାଙ୍କ ପ୍ରତିକ୍ରିୟାରେ କହିଛନ୍ତି ଆଗ ମାଟି ତାପରେ ପାର୍ଟି, ମୁଁ ଯେମିତି ଲୋକଙ୍କ ପାଇଁ କାମ କରୁଥିଲି ସେମିତି ବିନା ପଦ ପଦବୀ ରେ ମଧ୍ୟ ଲୋକଙ୍କ ପାଖରେ ରହି କାମ କରିବି ଆଉ କୌଣସି ବିଷୟରେ ନିଷ୍ପତ୍ତି ନେଇନି ଆଗମୀ ଦିନରେ ନିଷ୍ପତ୍ତି ନେଲା ପରେ ନିଶ୍ଚିତ ଭାବେ ଆପଣ ମାନଙ୍କ ପାଖରେ ମତାମତ ରଖିବି ବୋଲି ଶ୍ରୀ କୃତିବାସ ମୁଣ୍ଡ ପ୍ରକାଶ କରିଛନ୍ତି।
କିଶନ ଶର୍ମା ଭବାନୀ ପାଟଣା
