ନାଗଭଣ ଗ୍ରାମ ରାଧାକୃଷ୍ଣ ମନ୍ଦିରରେ ଗୁରୁପୂର୍ଣ୍ଣିମା ମହାସମାରୋହରେ ଅନୁଷ୍ଠିତ
ମୟୂରଭଞ୍ଜ – ୨୧/୦୭ ( ମସିହା)ଆଜି ୨୧ ଜୁଲାଇ ପବିତ୍ର ଗୁରୁପୂର୍ଣ୍ଣିମା । ଗୁରୁ ବିନା ଭବନିଧି ତରହି ନ କୋହି ,ଯୋ ବିରଞ୍ଚି ଶଙ୍କର ସମ ହି ।
ଭକ୍ତ ଓ ଭଗବାନଙ୍କ ମଧ୍ୟରେ ସଂପର୍କ ଯୋଡ଼ିଥାନ୍ତି ଗୁରୁ । ଆତ୍ମା ଓ ପରମାତ୍ମା ମଧ୍ୟରେ ସଂପର୍କର ସେତୁ ଯୋଡ଼ିଥାନ୍ତି । ଏହି ଭଵରଙ୍ଗଭୂମିରେ ମୋହମାୟାରୁ ମୁକ୍ତି ତଥା ଜନ୍ମ ମରଣ ରୁ ମୁକ୍ତି ପାଇବା ପାଇଁ ଗୁରୁ ମୋକ୍ଷର ରାସ୍ତା ଦେଖାନ୍ତି । ଗୁରୁ ଵିନା ମୁକ୍ତି ନାହିଁ ।ଆମ ସଂସ୍କୃତିରେ ଗୁରୁପୂର୍ଣ୍ଣିମା ମହିମା ଅନନ୍ୟ ଅଟେ । ଭଗବାନ ଧରାଧାମରେ ଅବତରଣ କଲେ ବି ଗୁରୁଙ୍କ ଶରଣାପନ୍ନ ହୁଅନ୍ତି । ଆଜି ଏହି ଗୁରୁପୂର୍ଣ୍ଣିମା ଅବସରରେ ରାଇରଙ୍ଗପୁର ଠାରୁ ମାତ୍ର ୫ କିମି ଦୂର ନାଗଭଣ ଗ୍ରାମ ରାଧାକୃଷ୍ଣ ମନ୍ଦିର ପରିସରରେ ଜଗତଗୁରୁ କୃପାଳଜୀ ମହାରାଜାଙ୍କ ଗୁରୁ ପୂଜନ ଉତ୍ସବ ଶ୍ରଦ୍ଧାଳୁମାନଙ୍କ ଦ୍ବାରା ଧୂମଧାମରେ ପାଳିତ ହୋଇଯାଇଛି ।
ରାଇରଙ୍ଗପୁର ଆଖପାଖ ଅଂଚଳରୁ ଵହୁ ସଂଖ୍ୟାରେ ଶ୍ରଦ୍ଧାଳୁମାନେ ତାଙ୍କ ଗୁରୁଙ୍କ ପୂଜନ ଓ ବନ୍ଦନ ପାଇଁ ଛୁଟି ଆସିଥିଲେ । ପ୍ରାରମ୍ଭରେ ଗୁରୁ ପୂଜନ, ଅଭିଷେକ କରାଯାଇଥିଲା । ପରେ କୀର୍ତ୍ତନ ,ସତସଙ୍ଗ , ଆରତୀ କରାଯାଇଥିଲା । ପରେ ରାଧାକୃଷ୍ଣ ମନ୍ଦିର କମିଟି ତରଫରୁ କମିଟି ତରଫରୁ ଅନ୍ନପ୍ରସାଦ ବଣ୍ଟନ କରାଯାଇଥିଲା । ଆସ୍ଥା ଓ ବିଶ୍ବାସ ଅଛି ଯେଉଁମାନେ ଗୁରୁଙ୍କ ଶରଣାପନ୍ନ ସେମାନଙ୍କ ଜୀବନ ଧନ୍ୟ ଅଟେ । ସେମାନଙ୍କ ଜୀବନ ସୁଖ ଶାନ୍ତିରେ ବିତେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
