ବାଇକ ଧକ୍କାରେ ବୃଦ୍ଧ ମୃତ
ଗୋଲାମୁଣ୍ଡା ୨୪/୦୭ // କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଅନ୍ତର୍ଗତ ଖମାରହଳଦୀ ନିକଟସ୍ଥ ବିଜୁ ଏକ୍ସପ୍ରେସ ରାସ୍ତାରେ ବାଇକ ଧକ୍କାରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଛି। ମୃତକ ଜଣକ ହେଉଛନ୍ତି ଉକ୍ତ ଗ୍ରାମର ଅନ୍ତ ନାଏକ (୭୫) । ସୂଚନାରୁ ପ୍ରକାଶ ବୁଧବାର ମଧ୍ୟାହ୍ନ ୧୨ ଟା ରେ ବୃଦ୍ଧ ଜଣକ ନିକଟସ୍ଥ ସି ଏସ ସି କୁ କୌଣସି କାର୍ଯ୍ୟ ପାଇଁ ଯାଉଥିବା ବେଳେ ଗୋଲାମୁଣ୍ଡା ପଟୁ ଓଡି୦୮ ଡବ୍ଲୁ ୭୯୧୨ ନମ୍ବର ବିଶିଷ୍ଟ ଏକ ବାଇକ ଧକ୍କା ଦେଇଥିଲା । ଘଟଣାସ୍ଥଳରେ ବୃଦ୍ଧ ଜଣକ ତଳେ ପଡିଯାଇଥିଲେ । ସ୍ଥାନୀୟ ଲୋକେ ଖବର ପାଇ ଘଟଣାସ୍ଥଳରେ ପହଞ୍ଚି ଗୁରୁତର ବ୍ୟକ୍ତି ଙ୍କୁ ଉଦ୍ଧାର କରି ଧର୍ମଗଡ ଉପଖଣ୍ଡ ଡାକ୍ତରଖାନାକୁ ନେଇଥିଲେ ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ନେଇ ମୃତକର ପରିବାର ଗୋଲାମୁଣ୍ଡା ଥାନାରେ ଏକ ଲିଖିତ ଅଭିଯୋଗ କଲାପରେ । ଅଭିଯୋଗକୁ ଭିତ୍ତି କରି ଗୋଲାମୁଣ୍ଡା ପୋଲିସ ଏସ ଆଇ ରାଜେଶ ପରିଡା ଧର୍ମଗଡ଼ ଉପ ଖଣ୍ଡ ଚିକିତ୍ସାଲୟ ପହଞ୍ଚି ଶବଟିକୁ ଜବତ କରି କେଶ ନଂ ୧୧୮/୨୪ରେ ଏକ ମାମଲା ରୁଜୁ ଶବଟିକୁ ବ୍ୟବଚ୍ଛେଦ ପାଇଁ ପଠାଇଥିବା ସୂଚନା ଦେଇଛି ପୋଲିସ । ଏପଟେ ବାଇକ ଆରୋହୀ ମଧ୍ୟ ଗୁରୁତର ଅବସ୍ଥାରେ ଧର୍ମଗଡ଼ ଚିକିତ୍ସାଲୟରେ ଚିକିତ୍ସିତ ହେଉଥିବାର ପୋଲିସ ପକ୍ଷରୁ ପ୍ରକାଶ ପାଇଛି।
ଢଗ ନାଏକ ଙ୍କ ରିପୋର୍ଟ୍
