ଟ୍ରକକୁ ଧକ୍କାଦେଇ ବାଇକ ଚାଳକ ମୃତ
ନବରଙ୍ଗପୁର: ( ତା ୦୭/୦୮)(ରବି ନାରାୟଣମହାନ୍ତି)-ରାସ୍ତା ପାର୍ଶ୍ଵରେ ଦଣ୍ଡାୟମାନ ଥିବା ଏକ ଟ୍ରକ(ଏ ପି ୩୯ ଡି ଏମ ୬୫୬୮)କୁ ପଛପଟୁ ବାଇକ ଧକ୍କା ଦେବା ଫଳରେ ବାଇକ ଚାଳକ ଜଣକ ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିବା ଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି |ପ୍ରାପ୍ତ ସୂଚନା ମୁତାବକ, ଝରୀଗାଁ ବ୍ଲକ ଧାମନାଗୁଡା ପଂଚାୟତ ଅନ୍ତର୍ଗତ ଖୁଟୁବାଇ ଗ୍ରାମର ଗଣପତି ଭତରାଙ୍କ ପୁଅ ଲବ ଭତରା (୩୨) କୌଣସି ଏକ କାର୍ଯ୍ୟରେ ନିଜ ବାଇକ (ଓଡି ୨୪ ଯେ ୨୨୮୨)ରେ ଧୋଡ୍ରା ଗ୍ରାମକୁ ଯାଇଥିଲେ |ଆଜି ଅପରାହ୍ନରୁ ଝରୀଗାଁ ଅଂଚଳରେ ଝରୀ ବର୍ଷା ଲାଗିରହିଥିବା ବେଳେ ଲବ ନିଜ କାର୍ଯ୍ୟସାରି ପାଖାପାଖି ୭ଘଟିକା ସମୟରେ ନିଜ ଗ୍ରାମକୁ ଫେରୁଥିଲେ |ହେଲେ ଫେରିବା ବାଟରେ ବିଡ୍ରୀ ଢାବା ନିକଟରେ ଦଣ୍ଡାୟମାନ ରହିଥିବା ଏକ ଟ୍ରକକୁ ଭାରସାମ୍ୟ ହରେଇ ଧକ୍କା ଦେବା ଯୋଗୁଁ ଘଟଣା ସ୍ଥଳରେ ହିଁ ଲବଙ୍କ ମୃତ୍ୟୁ ଘଟିଥିବା ସୂଚନା ମିଳିଛି |ଖବର ପାଇ ଉମରକୋଟ ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରି ବ୍ୟବଛେଦ ପାଇଁ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠେଇଥିବା ସୂଚନା ମିଳିଛି |
ମସିହା ନିୟୁଜ ସର୍ଭିସ୍
