ଭଗବାନ ବୁଦ୍ଧଙ୍କ ପ୍ରତିମୂର୍ତ୍ତି କୁ NAC ପ୍ରଶାସନର ଜାଣିଶୁଣି ଅବହେଳା କି ନଜାଣିଲା ଭଳି ଅଭିନୟ
ଦୁଇ ତିନି ବର୍ଷ ପୂର୍ବେ ପାଟଣାଗଡ଼ NAC ଅନ୍ତର୍ଗତ ବଥର୍ଲା ଛକ ଠାରେ NAC ପକ୍ଷରୁ ଭଗବାନ ବୁଦ୍ଧଙ୍କ ଏକ ପ୍ରତିମୂର୍ତ୍ତି ସ୍ଥାପନ କରିଛନ୍ତି | NAC ର ଏହି ପଦକ୍ଷେପ ସ୍ୱାଗତ ଯୋଗ୍ୟ କିନ୍ତୁ ବୁଦ୍ଧଙ୍କ ପ୍ରତିମୂର୍ତ୍ତି ସ୍ଥାପନ କରି ଦେଲା ପରେ ବୋଧେ NAC କତୃପକ୍ଷ ରକ୍ଷଣାଭେକ୍ଷଣ କରିବା ଭୁଲି ଯାଇଥିବ କିମ୍ବା ପ୍ରତିମୂର୍ତ୍ତି ନଜର ଅଢୁଆଳରେ ରହି ଯାଇଥିବ | ଯେ କୌଣସି କାର୍ଯ୍ୟକ୍ରମ କରିଦେଲେ ତାହା ବଡ଼ କଥା ନୁହେଁ ସବୁଠୁ ବଡ଼ କଥା ହେଲା ତାର ଉପଯୁକ୍ତ ସୁରକ୍ଷା ଓ ଯତ୍ନ ନେବା | ବୁଦ୍ଧ ଜୟନ୍ତୀରେ ତାଙ୍କୁ ଫୁଲ ମାଳା ଟିଏ ଦେଇ ପାରିଲ ନାହିଁ ସତ କିନ୍ତୁ ତାଙ୍କ ପ୍ରତି ସମ୍ମାନ ଟିକିଏ ନଦେବା ପରିତାପର ବିଷୟ | କିଏ କହୁଛି ତୁମ୍ଭଙ୍କୁ ସେହି ମୂର୍ତ୍ତିକୁ ସବୁଦିନ ଧୂପ ଦୀପ, ଫୁଲମାଳା, ନୈବେଦ୍ୟ ଦେଇ ପୂଜା କର ବୋଲି | ଦୁଃଖର ବିଷୟ ଭଗବାନ ବୁଦ୍ଧଙ୍କ ମୂର୍ତ୍ତିର ବାମ କାନ ଓ ଡାହାଣ ହାତର ଦୁଇଟି ଆଙ୍ଗୁଠି ଭାଙ୍ଗି ଯାଇଛି | କେବେ ଟିକିଏ ପାଖକୁ ଯାଇ ବର୍ତମାନର ସ୍ଥିତି ଅନୁଧ୍ୟାନ କରିଛ କି | ସଜାଡ଼ିବା ପାଇଁ NAC ପାଖରେ ପାଣ୍ଠି ଅଭାବ ରହି ଯାଇଥିବ କିମ୍ବା ମୂର୍ତ୍ତିକୁ ସଜାଡ଼ି ଦେଲେ ଆମର ଲାଭ କଣ ବୋଲି ଭାବୁଥିବେ ? ଏଭଳି ଅବସ୍ଥାରେ ମୂର୍ତ୍ତିକୁ ରଖିବା ଅସମ୍ମାନ ନୁହେଁ କି ? ବିଗତ ଦିନରେ ଯେଉଁ ମାନେ ଏହି ମୂର୍ତ୍ତି ସ୍ଥାପନ କରିବା ପାଇଁ ଏତେ ତରତର ହେଉଥିଲ ସେମାନେ ଆଜି କୁଆଡେ ଗଲ ଏହା ଭଗବାନ ବୁଦ୍ଧଙ୍କୁ ତୁମର ସମ୍ମାନ କି ? ଦେଖାଯାଉ ପ୍ରଶାସନ କେତେ ଶୀଘ୍ର ମୂର୍ତ୍ତିକୁ ଉପଯୁକ୍ତ ସମ୍ମାନ ଦେଉଛି |
ବଲାଙ୍ଗିର ରୁ ଦୁର୍ଯ୍ୟୋଧନ ବର୍ଗେ ଙ୍କ ରିପୋର୍ଟ୍
