ଜନ ଜାଗରଣର ପ୍ରତୀକ : ବହୁମୁଖୀ ପ୍ରତିଭା ମୋହନ ମହାରଣା
ସେବା ଇଶ୍ୱରଙ୍କ ବରଦାନ । ସେବା ଓ ସେବକ ସବୁ ମିଳେ ଆଦର ଓ ସତ୍କାର । ଆମ ସମୟର ସେବାପ୍ରାଣ ମଣିଷ, ଅସହାୟ ଲୋକଙ୍କ ବଂଧୁ, ଶ୍ରୀ ଜଗନ୍ନାଥ ଦର୍ଶନରେ ସମର୍ପିତ ବସ୍ତବ ମଣିଷ ହେଇଛନ୍ତି ମୋହନ ମହାରଣା । ଯାଜପୁର ଜିଲ୍ଲା ବଡ଼ଚଣା ବ୍ଲକ୍ ଅନ୍ତର୍ଗତ ଭୂଷଣ୍ଡପୁର ଗ୍ରାମ ୧୯୭୨ ମସିହାରେ ସେ ଜନ୍ମ ଗ୍ରହଣ କରିଛନ୍ତି । ତାଂକ ପିତାଙ୍କ ନାମ ପ୍ରଫୁଲ୍ଲ ମହାରଣା ଓ ମାତାଙ୍କ ନାମ ସରସ୍ଵତୀ ମହାରଣା । ସେ ଲାଲବାହାଦୁର ନୋଡାଲ ଉଚ୍ଚ ବିଦ୍ୟଳୟ ଦର୍ପଣଗଡ଼ ଯାଜପୁର ମାଟ୍ରିକ,ଗଣେଶ ଇନଷ୍ଟିଚ୍ୟୁଟ ଅଫ୍ ଇଂଜିନିୟରିଂ ଆଣ୍ଡ ଟେକ୍ନୋଲୋଜି ସୂଂଗୁଡା ଯାଜପୁର ମେକାନିକାଲରେ ଆଇଟିଆଇ ପାସ ଓ ପରେ ଇଂଜିନିୟରିଂ ଶିକ୍ଷା ସମାପ୍ତ କରି ବୈଷୟିକ ଜ୍ଞାନ କୌଶଳ ଓ ପ୍ରଯୁକ୍ତି ବିଦ୍ୟା ଦିଗରେ ନିଜର ଗବେଷଣା ଜାରୀ ରଖିବା ସହ ଘରୋଇ ଉଦ୍ୟୋଗ ପ୍ରତିଷ୍ଠା କରିଛନ୍ତି । ତାଙ୍କ ନିଶା ବା ବ୍ରତ ହେଉଛି ସମାଜସେବା ଓ ସମାଜର ବିକାଶ । ଦୁଃଖୀ ଅସହାୟ ମଣିଷଙ୍କୁ ଦେଖିଲେ ତାଙ୍କ ପ୍ରାଣ ଉଦବେଳିତ ହୋଇ ଉଠେ ସେ ସ୍ଵତଃ ଧାଇଁ ଯାଆନ୍ତି ତାର ସେବା ପାଇଁ । ସେବା ପାଇଁ ସେ ଦେବଦୂତ ଓ ଉଦାହରଣୀୟ ବ୍ୟକ୍ତିତ୍ଵ । ମାନସିକ ବିକୃତି ବା ପାଗଳଙ୍କୁ ଉଦ୍ଧାର କରି ଗାଧୋଇ ସ୍ୱଚ୍ଛକରି ସେମାନଙ୍କୁ ପ୍ୟାଣ୍ଟସାର୍ଟ ପିନ୍ଧାଇଥାନ୍ତି । ସେମାନଙ୍କ ସେବାରେ ସମୟ ଦୀୟନ୍ତି,ସେମାନଂକୁ ଔଷଧ ଦବା ଆଦି କାର୍ଯ୍ୟ କରି ଆଜି ଖୁବ୍ ଚର୍ଚ୍ଚାରେ । ଏଯାବାତ୍ ଦୁଇ ହଜାରରୁ ଉର୍ଦ୍ଧ ଲୋକଙ୍କ ସେବା କରିଛନ୍ତି । ତାଙ୍କୁ କୁହାଯାଏ ସବୁ ଅଲୋଡ଼ାଙ୍କ ପାଇଁ ମୋହନ ଲୋଡା ଆଉ ତାଂକ ସେବା ଆମ ସମୟର ଏକ ଆହ୍ୱାନ ଆଉ ସମାଜସେବାର ଏକ ବଲିଷ୍ଠ ଉଦାହରଣ । ଆଜିର ମଣିଷ ନିଜର ସ୍ୱାର୍ଥ ସାଧନାରେ ବ୍ୟସ୍ତ କିନ୍ତୁ ମୋହନ ଏହି ଦିଗରେ ଅନନ୍ୟ ଓ ଅତୁଳନୀୟ । ଆମେ ମୋହନ ଭାଇଙ୍କ ଠାରୁ ତାଙ୍କ ମହାନ କାର୍ଯ୍ୟରୁ କିଛି ଶିଖିବା ସହ ନିଜେ ବଞ୍ଚି ଅନ୍ୟକୁ ବଞ୍ଚିବା ପାଇଁ ସାହାଯ୍ୟ ସହାୟତା ପ୍ରଦାନ କରିବା ଜରୁରୀ । ମଣିଷର ମାନସିକତାର ପରିବର୍ତନ ଓ ସେବାର ମାହାତ୍ମ୍ୟ ବୁଝିବା ଦରକାର ତେବେ ହିଁ ଏ ଦୁର୍ଲଭ ମଣିଷ ଜନ୍ମ ଫଳପ୍ରଦ । ସେ ବହୁ ପଶୁପକ୍ଷୀଙ୍କୁ ସେବା,ଖାଦ୍ୟ,ଜଳଦାନ କରାଇ ଖୁବ୍ ମାନଵୀୟ କାର୍ଯ୍ଯ କରି ଚାଲିଛନ୍ତି ଯାହାର ତୁଳନା ନାହିଁ । ସେ କୁହନ୍ତି ଏହି ସେବାରେ ତାଙ୍କୁ ମିଳେ ଆନନ୍ଦ ଆଉ ଉତ୍ସାହ । ସେ ଜଗନ୍ନାଥ ପ୍ରେମୀ ଧାର୍ମିକ ବ୍ୟକ୍ତିତ୍ଵ ଓ ଜଗନ୍ନାଥଙ୍କ ଚେତନାରେ ସମର୍ପିତ । ଜଗନ୍ନାଥ ସଂସ୍କୃତିକୁ ଆପଣାଇବା ସହ ଏହି ଦିଗରେ ସେ ଶ୍ରଦ୍ଧାଭାବ ରଖିଛନ୍ତି । ଶ୍ରୀ ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ଦିଗରେ ଖୁବ୍ ସାଧନା ରତ ଏପରିକି ଓଡ଼ିଶା ଓ ଓଡ଼ିଶା ବାହାରେ ମଧ୍ୟ ଶ୍ରୀ ଜଗନ୍ନାଥ ସଂସ୍କୃତି ଉପରେ କାର୍ଯ୍ୟକରି ଏହାର ବାସ୍ତବତା ଦିଗରେ ଗବେଷଣା କରି ଜଣେ ମହାନ୍ ଅଧ୍ୟାତ୍ମିକ ଚିନ୍ତା ଚେତନାର ଦରଦୀ ମଣିଷ । ଏହି ଦିଗରେ ଜନଚେତନା ସୃଷ୍ଟି କରିବା ଦିଗରେ ସମାଜ ପାଇଁ ତାଙ୍କ ବାର୍ତା ରହିଛି ନୋ ଟୁ ହାଲୋ ଜୟ ଜଗନ୍ନାଥ ବୋଲୋ । ଜଣେ ସାଧାରଣ ମଣିଷ କିନ୍ତୁ କାର୍ଯ୍ୟଧାରା ଅସାଧାରଣ ଓ ସୁଦୂର ପ୍ରସାରୀ । ତାଂକ ସାରସ୍ଵତ ସାଧନାର ଶିକୃତି ସ୍ୱରୂପ ସେବା,ଧର୍ମ ପାଇଁ ତାଙ୍କୁ ମିଳିଛି ଅନେକ ସମ୍ବର୍ଧନା ଓ ଭୂୟସୀ ପ୍ରଶଂସା । ସେ ଇଣ୍ଟରର୍ନେଶନାଲ ହ୍ୟୁମ୍ୟାନ ରାଇଟ୍ସ ସୋସିଆଲ ଜଷ୍ଟିସ କାଉନସିଲର ରାଜ୍ୟ ସଭାପତି, ମଦର ଟେରେସା ଫାଉଣ୍ଡେସନର ରାଜ୍ଯ ସାଧାରଣ ସମ୍ପାଦନ ଏବଂ ବହୁ ସଙ୍ଗଠନ ସହ ଜଡ଼ିତ ଓ ସେବାରେ ବ୍ରତୀ । ସେ ରାଜ୍ୟ ଏବଂ ଜାତୀୟ ସ୍ତରୀୟ ସମ୍ମାନ ଲାଭ କରିଛନ୍ତି । ଜନସଚେତନତାର ବାର୍ତ୍ତା ନେଇ ବହୁ ସ୍କୁଲରେ ମାଇଁ ଟ୍ରି ମାଇଁ ସ୍କୁଲ ଭଳି ଆୱାରନେସ୍ କାର୍ଯକ୍ରମ,ଫୋକସ ଲେପର୍ସି କ୍ୟାମ୍ପ କାର୍ଯ୍ୟକ୍ରମ,ୱାନ୍ ଟ୍ରୀ ୱାନ୍ ସିଡ୍ ଆଦି ଜନଜାଗରଣ ସୃଷ୍ଟି କରିଛନ୍ତି । ମୋହନଙ୍କ ସେବା ଓ ତ୍ୟାଗ ଆଜିର ସମାଜ ପାଇଁ ଗର୍ବ ଗୌରବର ପରିଭାଷା ଓ ସୁସ୍ଥ ସମାଜ ଗଠନର ସୃଷ୍ଟି ଓ ସମ୍ଭାବନା । ରକ୍ତଦାନ ସେବା,ସ୍ବାସ୍ଥ୍ୟସେବା ଶିବିର,ପରିବେଶ ସୁରକ୍ଷା ସହ ସଫେଇ ଓ ବୃକ୍ଷ ରୋପଣ,ଆଶ୍ରମ ସେବା,ଅସହାୟ ମଣିଷଙ୍କ ସେବା,ଖାଦ୍ୟ ବସ୍ତ୍ର ବଣ୍ଟନ ଆଦି ଅନେକ ଜନ ହିତକର କାର୍ଯ୍ୟରେ ସେ ସୃଜନଶୀଳ ସ୍ରଷ୍ଟା ଯାହାଙ୍କ ଜୀବନୀ ଦର୍ଶନ ଆମ ସମୟର ଗର୍ବ ଗୌରବ ଓ ସ୍ବାଭିମାନ । ଏହି ସେବା ପ୍ରାଣ ଯାଜପୁର ମାଟିର କୃତୀ ସନ୍ତାନ ମହାନ୍ ଦେଶ ସେବକ ମୋହନ ଜୀଙ୍କ ସାଧୁ ଉଦ୍ୟମ ହେଉ ସଫଳ ସମଲବ୍ଧ ଓ ଶୁଭଙ୍କର ହେଉ ଏତିକି ପାର୍ଥନା ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
