ପ୍ରକାଶ ପାଇଲା ପ୍ରବନ୍ଧ ପ୍ରତିଯୋଗିତାର ଫଳାଫଳ
ଖଇରା,୨୦/୮/୨୪- ସାହିତ୍ୟ ସାଧନାରେ ଭରି ରହିଥାଏ ସମାଜ ପାଇଁ ଅନେକ ଗୁରୁତ୍ୱପୂର୍ଣ୍ଣ ବାର୍ତ୍ତା । ଏହା କେବଳ ସାଧକ ସାଧିକାଙ୍କୁ ଖୁସି ଆନନ୍ଦ ଦେଇନଥାଏ, ନିଜର ପରିଚୟ ସୃଷ୍ଟି ଓ ସମାଜ ପରିବର୍ତ୍ତନ ପାଇଁ ବାର୍ତ୍ତା ବହନ କରିଥାଏ । ଏଥିପାଇଁ ଏକ ପ୍ଲାଟଫର୍ମ ବା ଅନୁଷ୍ଠାନର ଆବଶ୍ୟକ ହୋଇଥାଏ । ସେଭଳି ଅନୁଷ୍ଠାନ ହେଉଛି ” ମୋ ଅନୁଷ୍ଠାନ ସାହିତ୍ୟ ସଂସଦ ” ଯାହା ଖଇରା ଠାରେ ଗଢି ଉଠିଛି । ପ୍ରତ୍ୟେକ ରବିବାର ସାହିତ୍ୟ ବନ୍ଧୁ ମାନଙ୍କ ହୃଦୟରେ କିଛି ନୂଆ ନୂଆ ବିଷୟବସ୍ତୁକୁ ନେଇ ସାହିତ୍ୟ ସୃଷ୍ଟିର ଆଗ୍ରହ ଭରି ଦେଇଥାଏ । ଯେଉଁଥିରୁ ସେମାନଙ୍କୁ କିଛି ଶିକ୍ଷା ମଧ୍ୟ ମିଳିଥାଏ । ପ୍ରସଙ୍ଗ ବା ଶୀର୍ଷକଟିଏ ପାଇଲେ ଆଗ୍ରହୀ ବନ୍ଧୁ ମାନେ ନିର୍ଦ୍ଧାରିତ ସମୟକୁ ଲକ୍ଷ କରି ଲେଖନୀ ଚାଳନା କରିଥାନ୍ତି କିଛି ଶିଖିବାର ଆଶାନେଇ । ଏଥିସହିତ ଶିଥିଳ ଲେଖନୀ ମୁନକୁ ଚଳଚଞ୍ଚଳ କରିଥାଏ ଅନୁଷ୍ଠାନ ଏହି ପ୍ରତିଯୋଗିତା ମିଧ୍ଯମରେ । ସେଥିପାଇଁ ମୋ ଅନୁଷ୍ଠାନ ହ୍ଵାଟ୍ସଆପ୍ ଗୃପ୍ ରେ ପ୍ରତ୍ୟେକ ରବିବାର ଗଦ୍ୟ ଏବଂ ପଦ୍ଯକୁ ନେଇ ପ୍ରତିଯୋଗିତା ରଖା ଯାଇଥାଏ । ଏହି ଅଵସରରେ ତା ୧୮/୮/୨୪ ରିଖ ଦିନ ପ୍ରତିଯୋଗୀଙ୍କ ନିମନ୍ତେ ପ୍ରବନ୍ଧକୁ ନେଇ ଏକ ସୁନ୍ଦର ବିଷୟବସ୍ତୁ ଥିଲା ” ନାରୀର ଭୁଲ୍ ରହିଲା କେଉଁଠି ?” । ଏହା ଏକ ଶିକ୍ଷଣୀୟ ବିଷୟବସ୍ତୁ ଥିଲା । ଏଥିରେ ରାଜ୍ୟର ବିଭିନ୍ନ ସ୍ଥାନରୁ ରଞ୍ଜୁଲତା ପାଢ଼ୀ, ରାଉରକେଲା, ସୁନ୍ଦରଗଡ, ରଶ୍ମିରେଖା ସାହୁ, ଭୁବନେଶ୍ୱର, ଖୋର୍ଦ୍ଧା, ଲିଳାମୟୀ ଦାଶ, କେନ୍ଦ୍ରାପଡା ଏବଂ ସୁକାନ୍ତି ସ୍ବାଇଁ, ରାଇପଲ୍ଲୀ, ଆସିକା, ଗଞ୍ଜାମ ପ୍ରମୁଖ ଅଂଶ ଗ୍ରହଣ କରିଥିଲେ । ସମସ୍ତଙ୍କ ଲେଖା ଗୁଡିକୁ ସମୀକ୍ଷା କରିଥିଲେ ଅନୁଷ୍ଠାନର ସଭାପତି ଡଃ ନାରାୟଣ ଚନ୍ଦ୍ର ସେନାପତି । ତାଙ୍କ ସମୀକ୍ଷାରୁ ରଞ୍ଜୁଲତା ପାଢ଼ୀ ପ୍ରଥମ ସ୍ଥାନ, ଲିଳାମୟୀ ଦାଶ ଦ୍ବିତୀୟ ସ୍ଥାନ ଓ ରଶ୍ମିରେଖା ସାହୁଙ୍କୁ ତୃତୀୟ ସ୍ଥାନ ମିଳିଛି । ଏହିଭଳି ସମାଜ ପରିବର୍ତ୍ତନ ଓ ଶିକ୍ଷଣୀୟ ଲେଖା ଲେଖିବା ପାଇଁ ସମସ୍ତଙ୍କୁ ପରାମର୍ଶ ଦେଇଛନ୍ତି ଅନୁଷ୍ଠାନର ସମ୍ପାଦକ ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
