ଡିଜିଟାଲ ଫସଲ ସର୍ଭେ ନେଇ ବ୍ଲକ ସ୍ତରୀୟ ତାଲିମ ଶିବିର
ଡାବୁଗାଁ, ୨୧/୮ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ କୃଷି, ସୂଚନା ଓ ପରାମର୍ଶ କେନ୍ଦ୍ର ଠାରେ ଡିଜିଟାଲ ଫସଲ ସର୍ଭେ ନେଇ ବ୍ଲକ ସ୍ତରୀୟ ତାଲିମ ଶିବିର ବୁଧବାର ଅନୁଷ୍ଠିତ ହୋଇଯାଇଛି | ସରକାରଙ୍କ ପ୍ରଚଳିତ କୃଷି ଓ ଆନୁଷଙ୍ଗିକ କ୍ଷେତ୍ରରେ ବିଭିନ୍ନ ଯୋଜନାରେ ସାମିଲ ହେବା ଆଗକୁ ସମସ୍ତ ସୁବିଧା କୃଷକ ମାନଙ୍କୁ ଉପଲବ୍ଧ କରାଇବା ପାଇଁ ସରକାର ଏକ ଅଭିନବ 
ପ୍ରୟାସ ସ୍ୱରୂପ ଡିଜିଟାଲ ଫସଲ ସର୍ଭେ ଆରମ୍ଭ କରିଛନ୍ତି । ସହକାରୀ କୃଷି ଅଧିକାରୀ ସୋମେନ୍ଦ୍ର ବିଶ୍ଵାସ ତାଲିମ ପ୍ରଦାନ କରି ସର୍ଭେ ସମୟରେ ଚାଷୀ ମାନଙ୍କ ଠାରୁ ନିର୍ଭୁଲ ଓ ସଠିକ ତଥ୍ୟ ସଂଗ୍ରହ ଉପରେ ଗୁରୁତ୍ୱାରୋପ କରିଥିଲେ । ଏହି ସର୍ବେକ୍ଷଣ ଡିଜିଟାଲ ଆପ ମାଧ୍ୟମରେ ଡାବୁଗାଁ ବ୍ଲକର ସମସ୍ତ ପଞ୍ଚାୟତର ସମସ୍ତ ଚାଷୀଙ୍କ ଚାଷ ଜମିରେ ସର୍ଭେ କାର୍ଯ୍ୟ ସେପ୍ଟେମ୍ବର ୧୫ ତାରିଖ ସୁଦ୍ଧା ଶେଷ କରିବା ପାଇଁ ଲକ୍ଷ୍ୟ ରଖାଯାଇଛି । ଏଥିରେ ସହକାରୀ ଉଦ୍ୟାନ ଅଧିକାରୀ ରବିଶଙ୍କର ପଣ୍ଡା, ମୃତ୍ତିକା ସଂରକ୍ଷଣ ରେଞ୍ଜର ନିରୋଜ କୁମାର ମଲ୍ଲିକ, ରାଜସ୍ୱ ନିରିକ୍ଷକ ଚୈତନ୍ୟ ବେହେରା, ଗଙ୍ଗାଧର ମହାଙ୍କୁଡ, ଯୋଗେଶ ପ୍ରସାଦ ଦାସ ଓ କେ. ମଦାଲସା, ଷ୍ଟାଟିଷ୍ଟିକ କ୍ଷେତ୍ର ପରିଦର୍ଶକ ଗୁପ୍ତ ପ୍ରସାଦ ମଲ୍ଲିକ, କୃଷି ଅଧିଦର୍ଶକ ମମତା ସାହୁ, ନୀଳକଣ୍ଠ ପଣ୍ଡା, ସୁଶାନ୍ତ କୁମାର ରାଉତ , ଅଙ୍ଗନୱାଡି ସୁପରଭାଇଜର ରୋଜାଲିନ ପ୍ରଧାନ, ବିମଳା କୁମାରୀ ନାୟକ ଓ ସାଇରା ବାନୁ, ଏଟିଏମ କେ. ଉଦୟା କୁମାରୀ, ସମସ୍ତ ସୁପରଭାଇଜର ଓ ୬୦ ଜଣ ସର୍ଭେୟର ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
