ତେରେସିଂହାରେ ମେଗା ବୃକ୍ଷ ରୋପଣ କାର୍ଯ୍ୟକ୍ରମ
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଉଚ୍ଚ ମାଧ୍ୟମିକ ବିଦ୍ୟାଳୟରେ ଜାତୀୟ ସେବା ଯୋଜନା ଅନ୍ତର୍ଗତ ମେଗା ବୃକ୍ଷ ରୋପଣ କାର୍ଯ୍ୟକ୍ରମ ମାଧ୍ୟମରେ ଦୁଇ ଶହରୁ ଅଧିକ ମୂଲ୍ୟବାନ ଫଳ ଜାତୀୟ ବୃକ୍ଷ ସହିତ ଶିଶୁ, କରଞ୍ଜ, ଶାଗୁଆନ, ଅଇଁଳା ଓ ଦେବଦାରୁ ବୃକ୍ଷ ବିଦ୍ୟାଳୟ ପ୍ରାଙ୍ଗଣରେ ରୋପଣ କରାଯାଇଥିଲା l 
ଦୀର୍ଘ ତିନି ଦିନ ବ୍ୟାପୀ ଏହି ମହାନ୍ “ମାଆ ପାଇଁ ଗଛଟିଏ” ଆହ୍ବାନ ରେ ଅନୁପ୍ରାଣିତ ହୋଇ ବିଦ୍ୟାଳୟର ଜାତୀୟ ସେବା ଯୋଜନାର ସ୍ଵେଚ୍ଛାସେବୀ ମାନେ ଅତ୍ୟନ୍ତ ଆଗ୍ରହର ସହ ବୃକ୍ଷ ରୋପଣ କାର୍ଯ୍ୟକ୍ରମରେ ନିଜକୁ ସାମିଲ କରିଥିଲେ l ବିଦ୍ୟାଳୟ ପ୍ରାଙ୍ଗଣରେ ବୃକ୍ଷ ରୋପଣ କରିବା ସହ ସ୍ୱେଚ୍ଛାସେବୀ ମାନେ ହାତ ଯୋଡ଼ି ଲଗାଇଥିବା ବୃକ୍ଷକୁ ବଞ୍ଚାଇବା ପାଇଁ ଶପଥ ନେଇଥିଲେ l ଏହି ମହାନ୍ କାର୍ଯ୍ୟକ୍ରମର ଅନ୍ତିମ ଦିବସରେ ବିଦ୍ୟାଳୟର ଜାତୀୟ ସେବା ଯୋଜନାର ସ୍ଵେଚ୍ଛାସେବୀ ମାନେ ଓଡ଼ିଶାର ପ୍ରସିଦ୍ଧ ପୁରାତନ ଶ୍ରୀ ଶ୍ରୀ ଧବଳେଶ୍ୱର ପୀଠ ବେଲଖଣ୍ଡିରେ ନଡ଼ିଆ ଚାରା ରୋପଣ କରିଥିଲେ l ବିଦ୍ୟାଳୟର ଜାତୀୟ ସେବା ଯୋଜନା କାର୍ଯକ୍ରମ ଅଧିକାରି ଶ୍ରୀ ଶାନ୍ତନୁ କୁମାର ମହାକୁଡ଼ଙ୍କ ପ୍ରତ୍ୟକ୍ଷ ତତ୍ୱାବଧାନରେ ସମସ୍ତ କାର୍ଯକ୍ରମ ସୂଚାରୁ ରୂପେ ସମ୍ପାଦନା ହୋଇଥିଲା l ଏହି କାର୍ଯକ୍ରମରେ ବିଦ୍ୟାଳୟ ର କ୍ରୀଡା ଶିକ୍ଷକ ଶ୍ରୀ ଯଜ୍ଞ ଭୋଇ, ଶିକ୍ଷା ଅଧ୍ୟାପକ ଶ୍ରୀ ସୁବ୍ରତ ରଣାଙ୍କ ସମେତ ଦେବେନ୍ଦ୍ର ରଣା, ତପୋବନ୍ତ ଗହୀର, ରାଧାମୋହନ ଗହୀର, ଡୋଳାମଣି ଗହୀର ସହଯୋଗ କରିଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
