ଜାଲ ଜନଜାତି ଜମି ପଟ୍ଟା ରଦ୍ଦ କରିବା ପାଇଁ ତହସିଲଦାରଙ୍କୁ ଦାବିପତ୍ର
ଡାବୁଗାଁ, ୨୬/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଭାରତୀୟ ଭତରା ବିକାଶ ପରିଷଦ ତରଫରୁ ଜାଲ ଜନଜାତି ଜମି ପଟ୍ଟା ରଦ୍ଦ କରିବା ପାଇଁ ଡାବୁଗାଁ ତହସିଲଦାର ହରିଓମ ଭୋଇ ଙ୍କୁ ଏକ ଦାବିପତ୍ର ଗୁରୁବାର ପ୍ରଦାନ କରାଯାଇଛି | କୋରାପୁଟ ଜିଲା ର ଜୟପୁର ସହର 
ର ପାରାବେଡ଼ା ନିବାସୀ ପ୍ରଭୁଦାନ ଭତ୍ରା, ପିତା – ଉରିଆ ଭତ୍ରା ପ୍ରକୃତରେ ହେଉଛନ୍ତି ସଂଖ୍ୟାଲଘୁ ସଂମ୍ପ୍ରଦାୟ ର ବ୍ୟକ୍ତି ଅଟନ୍ତି | ବର୍ତ୍ତମାନ ସେ ଡାବୁଗାଁ ନିବାସୀ ଚମ୍ପା ସଉର, ସ୍ଵାମୀ- ବୁଦୁରୁ ସଉରା ଙ୍କ ଠାରୁ ଜମି କିଣି ରେଜିଷ୍ଟେସନ ନିମନ୍ତେ ଡାବୁଗାଁ ତହସିଲଦାରଙ୍କ ନିକଟରେ ଆବେଦନ କରିଛନ୍ତି | କ୍ରେତା ପ୍ରକୃତରେ ଡମ୍ବ ଖ୍ରୀଷ୍ଟିୟାନ ସଂମ୍ପ୍ରଦାୟର ହୋଇଥିବା ସତ୍ତ୍ୱେ ଉକ୍ତ ଆଦିବାସୀ ସଂପ୍ରଦାୟର ଜମିକୁ କିପରି କ୍ରୟ ନିମନ୍ତେ ଡାବୁଗାଁ ତହସିଲଦାର ଙ୍କ ଦ୍ଵାରା ଆଦେଶନାମା ଜାରି କରାଗଲା | ଉକ୍ତ ଜମିର କ୍ରେତା ଙ୍କ ନାମରେ ହେଉଥିବା ପଟ୍ଟାକୁ ରଦ୍ଦ କରାଯାଉ ବୋଲି ଦାବିପତ୍ରରେ ଉଲ୍ଲେଖ ରହିଛି | ଏହି ଦାବିପତ୍ର ପ୍ରଦାନ ସମୟରେ ଅଖିଳ ଭାରତୀୟ ଭତରା ବିକାଶ ପରିଷଦର ଡାବୁଗାଁ ବ୍ଲକ ସଭାପତି ମୋହନ ନାୟକ, ହିରଣ୍ୟ ମାଝି, ଧନସିଂ ଭତ୍ରା, ରମେଶ ମାଝି, ଦୟାନିଧି ଭତ୍ରା, ରାମକୁମାର ଗଣ୍ଡ ଏବଂ ଅନ୍ୟ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
