ଫସିଗଲା ସ୍କୁଲ ଗାଡ଼ି,ଠେଲିଲେ କୁନିକୁନି ଛାତ୍ରଛାତ୍ରୀ
ତେନ୍ତୁଳିଖୁଣ୍ଟି , ୨୬/୦୯/୨୩ : ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ମୂଷାମୁଣ୍ଡିଗୁଡ଼ା ଛକ ଠାରୁ ଭାୟା ଅଞ୍ଚଳଗୁମ୍ମା ଦେଇ କଣ୍ଟାଗାଁକୁ ଯାଉଥିବା ରାସ୍ତାରେ ଗାଡ଼ି ଠେଲିଲେ କୁନିକୁନି କୋମଳମତି ସ୍କୁଲ ଛାତ୍ରଛାତ୍ରୀ । ଏଠାରେ ନୂତନ ଭାବେ ରାସ୍ତା ନିର୍ମାଣ କାମ ଚାଲୁ ରହିଛି ଅନ୍ୟପଟେ ଉମୁରି ନିକଟରେ ଥିବା ଏକ ପୁରୁଣା ପୋଲକୁ ଭାଙ୍ଗି ନୂତନ ପୋଲ ନିର୍ମାଣ କାମ ଚାଲୁ ରହିଛି । କିନ୍ତୁ ଜନସାଧାରଣଙ୍କ ଯାତାୟତ ସୁବିଧା ପାଇଁ ଭଲ ଡାଇଭର୍ଶନ ନକରି କେବଳ ମାଟି ପକେଇ ଛାଡ଼ି ଦେଇଛନ୍ତି ଏବଂ ନାଳରେ ଏକ ବିଦ୍ୟୁତ ଖୁଣ୍ଟ ଦେଇ ଡାଇଭର୍ଶନ ରାସ୍ତା ତିଆରି କରାଯାଇଛି । ଫଳରେ ଅନେକ ଲୋକଙ୍କ ଦୁର୍ଘଟଣା ବି ଘଟିଲାଣି । ଏପରି ବିପଦପୂର୍ଣ୍ଣ ଯାତ୍ରାକରି ଅନେକ ଲୋକଙ୍କ ଧନଜୀବନ ନଷ୍ଟ ହେଉଛି ।ଠିକାଦାରଙ୍କ ଏପରି ମନମାନି ପାଇଁ ଏହାର ଦାୟୀ କିଏ ହେବ ତାକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି କରିଛି । ଏହି ରାସ୍ତା ଏହି ଅଞ୍ଚଳର ମୁଖ୍ୟ ରାସ୍ତା ହୋଇଥିବା ବେଳେ ଉଭୟ ପାର୍ଶ୍ବରେ ଅନେକ ସରକାରୀ କାର୍ଯ୍ୟାଳୟ ହସ୍ପିଟାଲ ,ସ୍କୁଲ ,ବ୍ୟାଙ୍କ ରହିଥିବା ବେଳେ ନିତିଦିନିଆ ବ୍ୟବହାର ପାଇଁ ତେଲ ଲୁଣ ମଧ୍ୟ ଲୋକ ଏହି ରାସ୍ତା ଉପରେ ଭରସା କରିଥାନ୍ତି । ରାସ୍ତାକୁ ନେଇ ଏବେ ଅଞ୍ଚଳର ମୁଖ୍ୟ ସମସ୍ୟା ହୋଇଥିବା ବେଳେ ବାରମ୍ବାର ବିଭିନ୍ନ ଗଣମାଧ୍ୟମରେ ଖବର ପ୍ରାସସରଣ ପରେ ମଧ୍ୟ ଜନପ୍ରତିନିଧି କିମ୍ବା ଜିଲ୍ଲା ପ୍ରଶାସନ ତତ୍ପରତା ସହ ପଦକ୍ଷେପ ନେଉନଥିବାରୁ ଅଞ୍ଚଳବାସୀ ଦୁଃଖ ପ୍ରକାଶ କରିଛନ୍ତି । ଜିଲ୍ଲା କଂଗ୍ରେସ ସଭାପତି ମନରଞ୍ଜନ ତ୍ରିପାଠୀ ଜିଲ୍ଲା କଂଗ୍ରେସ ଆଦିବାସୀ ସେଲ ସଭାପତି ଦିଲିପ ପ୍ରଧାନୀ ମଧ୍ୟ ରାସ୍ତା କାମକୁ ନେଇ ବର୍ଷିବା ସହ ବିଭାଗୀୟ ଅଧିକାରୀ ଏବଂ ଠିକାଦାରଙ୍କ ମଧୁଚନ୍ଦ୍ରିକା ଏପରି ନିମ୍ନ ମାନର କାମ ହେଉଥିବା ଅଭିଯୋଗ କରିଛନ୍ତି । ଯଦି ସମସ୍ୟାର ସମାଧାନ ନହେଲେ ଜିଲ୍ଲା କଂଗ୍ରେସ ପକ୍ଷରୁ ଉଚିତ ଜବାବ ଦିଆଯିବ ବୋଲି କହିଛନ୍ତି ।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
