ପୁସ୍ତକ ଉନ୍ମୋଚନ ଉତ୍ସବ ” କୃଷ୍ଣଚୂଡ଼ା ର ହସ”
ଢେ଼ଙ୍କାନାଳ (ମ ସୀ ହା)୦୬/୧୨ କୃଷ୍ଣଚୂଡ଼ା ର ହସ ସଶକ୍ତ ଓଡ଼ିଶା ଗଠନ ପାଇଁ ସର୍ବଜନ ଆଦୃତ ହୋଇପାରିବ। ଅଦ୍ୟ ଢେ଼ଙ୍କାନାଳ ଜିଲ୍ଲା ଲେଖକ ସଂସଦ ଶାଣ୍ଡିଲ୍ୟ ବସନ୍ତ ଭବନ ପରିସରରେ କବି କେଶବ ବେହେରା ଙ୍କ ଦ୍ବାରା ରଚିତ କବିତା ପୁସ୍ତକ ” କୃଷ୍ଣଚୂଡ଼ା ର ହସ,”ଉନ୍ମୋଚନ ଉତ୍ସବ ଓ କବିତା ପୁସ୍ତକ ସମୀକ୍ଷା ଅବସରରେ ନ୍ୟାୟମୂର୍ତ୍ତି ଭିକାରୀ ଚରଣ ରାଉତ ସଭାପତିତ୍ବ କରିଥିଲେ। ମୁଖ୍ୟଅତିଥି ଭାବେ ସେବାନିବୃତ ପ୍ରାଧ୍ୟାପକ ଡ଼ଃ ଭବାନୀ ଶଙ୍କର ମିଶ୍ର ଓ ମୁଖ୍ୟବକ୍ତା ରୂପେ ଶରତ କୁମାର ମିଶ୍ର ଭରଦ୍ୱାଜ ଯୋଗଦାନ କରି କବିଙ୍କ ଲେଖା ଚାତୁରୀ, ଆଳଙ୍କାରିତା, ସାମାଜିକ ମଲ୍ୟବୋଧ, ସମ୍ପର୍କରେ ଉଦ୍ ବୋଧିତ କରିଥିଲେ। ଉକ୍ତ ପୁସ୍ତକକୁ ସମୀକ୍ଷା କରିଥିଲେ ଜିଲ୍ଲା ଲେଖକ ସଂସଦ ର ସଭାପତି ବସନ୍ତ କୁମାର ପଟ୍ଟନାୟକ ଏବଂ ଡ଼ଃ ପ୍ରମୋଦ କୁମାର ଦାଶ,ପୁସ୍ତକର ସମସ୍ତ କବିତା ଗୁଡିକ ଆଲୋଚନା କରିଥିଲେ।କବିତା ର ରସ, ଛାନ୍ଦ, ସମାଜ ସଂସ୍କାର, ଓଡିଆ ଜାତିର ମାନମହତ ରକ୍ଷା ନିମନ୍ତେ ଉଦ୍ ବୋଧିନୀ କବିତା ସମ୍ବନ୍ଧରେ,ଉପଯୁକ୍ତ ଶବ୍ଦ ସଂଯୋଜନା ଥିବାର କହିଥିଲେ। ପ୍ରଥମ ଅଧିବେଶନରେ କବିତା ପାଠୋତ୍ସବ ନିର୍ମଳା ମହାପତ୍ର ଙ୍କ ସଭାପତିତ୍ବ ରେ ଏବଂ ବୈଜୟନ୍ତି ପଟ୍ଟନାୟକ ଓ ସଂଯୁକ୍ତା ଶରଣ ଙ୍କ ସଂଯୋଜନାରେ ଅନୁଷ୍ଠିତ ହୋଇଥିଲା। ଜିଲ୍ଲା ଲେଖକ ସଂସଦ ର ସମ୍ପାଦକ ହୃଦାନନ୍ଦ ଦ୍ବିବେଦୀ ମଞ୍ଚ ସଞ୍ଚାଳନ କରିଥିଲେ l
ଢେଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
