ଡାବୁଗାଁ ଧାନ ମଣ୍ଡି ରେ ଧାନ କିଣା ନୋହିଲା:ମିଲର୍ସ ମାନେ ଏଫ୍ ଏ କ୍ୟୁ ଧାନ ନେବାକୁ ଚାହିଁଲେ
ନବରଙ୍ଗପୁର:(୧୭|୧୨)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ନିୟନ୍ତ୍ରିତ ବଜାର କମିଟି ପ୍ରାଙ୍ଗଣରେ ଡାବୁଗାଁ ଧାନ ମଣ୍ଡି ଥିବାରୁ ବହୁ ସଂଖ୍ୟାରେ ଚାଷୀ ନିଜ ନିଜର ଧାନ ବିକ୍ରି କରିବା ପାଇଁ ଆଣିଥିଲେ lକିନ୍ତୁ ଧାନ କିଣା ହୋଇପାରି ନ ଥିଲା lଡାବୁଗାଁ ଲ୍ୟାମ୍ପ ଏମ୍ ଡି, ବଜାର ପରିଦର୍ଶକ ରହିଥିବା ବେଳେ ମିଲର୍ସ ମଧ୍ୟ ଉପସ୍ଥିତ ଥିଲେ l ଆସିଥିବା ଧାନ ଗୁଡିକ ଏଫ୍ ଏ କ୍ୟୁ ମାନର ଧାନ ନ ଥିବାରୁ ମିଲର୍ସ ମାନେ ଧାନ ନେବାକୁ ରାଜି ହୋଇ ନ ଥିଲେ l ଏଣୁ ଧାନ ମଣ୍ଡି ରୁ କିଛି ଗୋଦାମ ଘରେ ରହିଥିଲା ଓ ଅନ୍ୟ ଚାଷୀ ମାନେ ଆଣିଥିବା ଧାନ କୁ ନିଜ ଘରକୁ ଫେରାଇ ନେଇଥିଲେ। ଏଫ୍ ଏ କ୍ୟୁ ଧାନ ନ ହୋଇ ଥିବାରୁ ଚାଷୀ ତିନି କେଜି କାଟିବା ପାଇଁ ରାଜି ହୋଇ ଥିବା ବେଳେ ମିଲର୍ସ ମାନେ ରାଜି ହୋଇ ନ ଥିଲେ l ଏଣୁ ସମାଧାନ ଚାଷୀ ଓ ମିଲର୍ସ ମାନଙ୍କ ମଧ୍ୟରେ ହୋଇ ପାରି ନ ଥିଲା l ଆଜି ମଧ୍ୟ ବଜାର ନିୟନ୍ତ୍ରିତ ବିଭାଗ ଦ୍ଵାରା ମଣ୍ଡି ରେ ଧାନ ର ମାନ ନିର୍ଦ୍ଧାରଣ କରିବା ପାଇଁ କୌଣସି ଯନ୍ତ୍ରପାତି ରଖା ଯାଇ ନ ଥିବାରୁ ଚାଷୀ ମାନେ ଅସନ୍ତୋଷ ପ୍ରକାଶ କରିଥିଲେ l ଆସନ୍ତା କାଲି କୁ ଏ ବିଷୟରେ ବାଟ ବାହାରିବ ବୋଲି ଆନୁମାନ କରାଯାଉଛି l
( ମ ନି ସ )
