ମା’ ଦାଣ୍ଡକାଳୀ ମନ୍ଦିର ପ୍ରାଙ୍ଗଣରେ ୧୫ ପର୍ଯ୍ଯାୟ କମ୍ବଳ ବାଣ୍ଟିବ ” ମୋ ଅନୁଷ୍ଠାନ “
ବାଲେଶ୍ବର,୧୫/୦୧/୨୫ -ରାଜ୍ୟର ବିଭିନ୍ନ ବ୍ଲକ ଓ ଜିଲ୍ଲାରେ ” ମୋ ଅନୁଷ୍ଠାନ ସାହିତ୍ୟ ସଂସଦ ” ତରଫରୁ କମ୍ବଳ ଓ ଶୀତ ବସ୍ତ୍ର ବଣ୍ଟନ ଜାରି ରହିଛି । ପ୍ରକୃତରେ ଯୋଗ୍ୟ ବ୍ଯକ୍ତିଙ୍କୁ କମ୍ବଳ ଦେଉଛି ଅନୁଷ୍ଠାନ । ଗତକାଲି ମକର ସଂକ୍ରାନ୍ତି ଉପଲକ୍ଷେ ଔପଦା ବ୍ଲକରେ ୧୪ ପର୍ଯ୍ଯାୟ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆସନ୍ତା ତା ୧୯/୦୧/୨୫ ରିଖ ରବିବାର ବାଲେଶ୍ବର ଜିଲ୍ଲା ଖନ୍ତାପଡା ସ୍ଥିତ ମା’ ଦାଣ୍ଡକାଳୀ ମନ୍ଦିର ପ୍ରାଙ୍ଗଣରେ ୧୫ ପର୍ଯ୍ଯାୟ କମ୍ବଳ ବାଣ୍ଟିବ ” ମୋ ଅନୁଷ୍ଠାନ ” । ଯେଉଁ ମାନଙ୍କୁ ଶୀତ ବସ୍ତ୍ର ଏବଂ କମ୍ବଳ ପ୍ରଦାନ କରାଯାଉଛି, ସେହି ଧରଣର ବ୍ଯକ୍ତିଙ୍କୁ ଶୀତ ପରେ ମେଲେରିଆ ଓ ଡେଙ୍ଗୁ ନିରାକରଣ ପାଇଁ ମଶାରୀ ବଣ୍ଟନ କରିବ ଅନୁଷ୍ଠାନ । ଅନୁଷ୍ଠାନର ଏଭଳି ମହତ୍ତ୍ୱପୂର୍ଣ୍ଣ ସମାଜସେବା କାର୍ଯ୍ୟ ପାଇଁ ମେମ୍ବର ମାନଙ୍କ ଉତ୍ସାହ ବଢ଼ିବାରେ ଲାଗିଛି, ସମସ୍ତେଙ୍କୁ ଆନନ୍ଦ ଦେଉଛି । ସମସ୍ତଙ୍କ ସାହାଯ୍ୟ ସହଯୋଗ ସର୍ବଦା ସ୍ମରଣଯୋଗ୍ୟ ନିଶ୍ଚୟ । ଗରିବଙ୍କ ସେବା କାର୍ଯ୍ୟ ନିମନ୍ତେ ସବୁଠାରୁ ବେଶି ଉତ୍ସାହ ପ୍ରଦାନ କରୁଛନ୍ତି ଅନୁଷ୍ଠାନର କାର୍ଯ୍ୟକାରୀ ସଭାପତି ଭଉଣୀ କୁଞ୍ଜଲତା ମାହୁଁନ୍ତ । ଶୀତ ପରେ ଆଉ କମ୍ବଳ ବଣ୍ଟନ ହେବନାହିଁ । ମଶାରୀ ବଣ୍ଟନ ଆରମ୍ଭ ହେବ ଯାହା ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମସ୍ତଙ୍କୁ ସୂଚନା ପ୍ରଦାନ କରିଛନ୍ତି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
