ସରସ୍ବତୀ ଶିଶୁ ବିଦ୍ଯାମନ୍ଦିରରେ ଜାତୀୟ ବିଜ୍ଞାନ ଦିବସ ପାଳିତ
ଖଇରା,୦୧/୩/୨୫- ବାଲେଶ୍ବର ଜିଲ୍ଲା ଖଇରା ସ୍ଥିତ ସରସ୍ବତୀ ଶିଶୁ ବିଦ୍ଯାମନ୍ଦିରର ଜାତୀୟ ବିଜ୍ଞାନ ଦିବସ ପରିଚାଳକ ଦିଲ୍ଲୀପ କୁମାର ଲେଙ୍କାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ଖଇରା ହାଇସ୍କୁଲର ବିଜ୍ଞାନ ଶିକ୍ଷକ ହେମନ୍ତ କୁମାର ବେହେରା ଯୋଗଦେଇ ପ୍ରଦୀପ ପ୍ରଜ୍ଜଳନ କରି ବିଜ୍ଞାନ ଦିବସକୁ ଉଦଘାଟନ କରିବା ସହିତ ବିସ୍ତୃତ ଆଲୋଚନା ମାଧ୍ୟମରେ ବିଜ୍ଞାନର ଅବଦାନ ବିଷୟରେ ପିଲାମାନଙ୍କୁ ବୁଝାଇଥିଲେ । ପିଲାମାନଙ୍କ ବୈଜ୍ଞାନିକ ଚେତନା ସୃଷ୍ଟି ପାଇଁ ସମସ୍ତ ଛାତ୍ରଛାତ୍ରୀ ମାନଙ୍କୁ ଭାରତୀୟ ବୈଜ୍ଞାନିକ ମାନଙ୍କର ଆବିଷ୍କାର ଓ ଉଦ୍ଭାବନ ବିଷୟରେ ଧାରଣା ଦେଇଥିଲେ । ପରିଚାଳନା କମିଟି ସଭ୍ୟ ଅନୁକୁଳ ଚନ୍ଦ୍ର ଗିରି ଓ ବିଦ୍ଯାମନ୍ଦିରର ବିଜ୍ଞାନ ଶିକ୍ଷକ କାର୍ତ୍ତିକ ଚନ୍ଦ୍ର ମୁଦୁଲି ଓ ସମସ୍ତ ଅଭିଭାବକ ମାନଙ୍କୁ ପିଲାମାନଙ୍କ ଦ୍ବାରା ପ୍ରସ୍ତୁତି ବିଭିନ୍ନ ବିଜ୍ଞାନ ପ୍ରକଳ୍ପ ଗୁଡ଼ିକୁ ଦେଖାଇଥିଲେ । ବିଦ୍ଯାମନ୍ଦିରର ଷଷ୍ଠ ଓ ସପ୍ତମ ଶ୍ରେଣୀର ସମସ୍ତ ଛାତ୍ରଛାତ୍ରୀ ମିଶି ୨୦ ଟି ପ୍ରକଳ୍ପକୁ ଜାତୀୟ ବିଜ୍ଞାନ ଦିବସ ଉପଲକ୍ଷେ ପ୍ରସ୍ତୁତି କରିଥିଲେ । ସେଥିମଧ୍ୟରୁ ନିଉଟନଙ୍କ ପେଣ୍ଡୁଲୋମ, ବାୟୁ ପ୍ରଦୂଷଣ, ଚୁମ୍ବକୀୟ ଶକ୍ତିରୁ ବିଦ୍ଯୁତ୍ ଶକ୍ତି ଉତ୍ପାଦନ, ଆବର୍ଜନାରୁ ବିଦ୍ଯୁତ୍ ଉତ୍ପାଦନ, ବର୍ଷା ସନ୍ଦେଶକ ଉଚ୍ଚକୋଟୀର ହୋଇଥିବାରୁ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା । ଉକ୍ତ ପ୍ରକଳ୍ପ ଗୁଡ଼ିକୁ ବିଜ୍ଞାନ ଶିକ୍ଷକ ଷ୍ଟାଲିନ୍ ରାଉତ, ପିୟୂଷ ରାଉତ, ଗୁରୁମା ଦୀପାଞ୍ଜଳି ବେହେରା, ସାବିତ୍ରୀ ପଣ୍ଡା, ଉଲ୍ଲାସିନୀ ମହାନ୍ତି, ବନ୍ଦନା ପ୍ରଧାନ, ପୁଷ୍ପାଞ୍ଜଳି ସାମଲ, ଗୁରୁଜୀ ପୂର୍ଣ୍ଣ ଚନ୍ଦ୍ର ସାହୁ ଓ ଭରତ ଲେଙ୍କା ସହଯୋଗ କରିଥିଲେ ।।
ବାଲେଶ୍ବର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
