ରାଇରଙ୍ଗପୁର ସିଭିଲ କୋର୍ଟ ପରିସରରେ ତାଲୁକ ଆଇନ ସେବା କମିଟି ତରଫରୁ ପ୍ରଥମ ରାଷ୍ଟ୍ରୀୟ ଲୋକ ଅଦାଲତ;୧୨୦ ପଞ୍ଜିକୃତ ମାମଲାରୁ ୬୦ ଟି ତୁରନ୍ତ ଫଇସଲା
ମୟୂରଭଞ୍ଜ- ୮/୦୩ // ରାଇରଙ୍ଗପୁର ସିଭିଲ କୋର୍ଟ ପରାମର୍ଶରେ ଆଜି ଶନିବାର ଦିନ ପ୍ରଥମ ରାଷ୍ଟ୍ରୀୟ ଲୋକ ଅଦାଲତ ଅତିରିକ୍ତ ଜିଲ୍ଲା ଓ ଦୌରାଜଜ ଡଃ ଭି ସୁଜାତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ଏଡିଜେ କୋର୍ଟରେ ୧୬ ଟି କେଶ ମଧ୍ଯରୁ ମୋଟର ଭେଇକିଲ କେଶ ୧୫ ଟି ଏବଂ କ୍ରିମିନାଲ କେଶରୁ ୧ ଟି ରୁ ଶୁଣାଣି ହୋଇଥିବାବେଳେ କେଵଳ କ୍ରିମିନାଲ କେଶର ଫଇସଲା କରା ଯାଇଥିଲା ।ସେହିଭଳି ସିନିଅର ସିଭିଲ ଜଜ୍ କୋର୍ଟରେ ୪୧ ଟି ମାମଲାରୁ ମନି ରିକୋଭରି ୧୨ ଟିରୁ ୨ ଟି ମାମଲାର ଫଇସଲା,ବୈବାହିକ ୭ ଟି ମାମଲା, ଏବଂ ଅନ୍ୟ ସିଭିଲ କେଶ ୨୨ ଟି ମାମଲାରୁ ୧ ଟି ଫଇସଲା କରାଯାଇଛି ।
ସେହିଭଳି ଏସଡିଜିଏମ କୋର୍ଟରେ ୫୫ ଟି ମାମଲାରୁ ଏନଆଇ ଏକ୍ଟର ୩ ଟି ମାମଲା ମଧ୍ୟରୁ ୨ ଟି ଫଇସଲା, ବୈବାହିକ ମାମଲା ୨ ଟିରୁ ୨ ଟି ଫଇସଲା ଏବଂ ୫୦ ଟି କ୍ରିମିନାଲ କେଶରୁ ୫୦ ଟି ଫଇସଲା କରାଯାଇଛି ।ସେହିଭଳି ଜେଏମଏଫସି କୋର୍ଟରେ ୮ ଟି ମାମଲାରୁ କ୍ରିମିନାଲ କେଶ ୩ ଟି ଥିଲା । ବୈବାହିକ ବିବାଦୀୟ ମାମଲା ୫ ଟିରୁ ୨ ଟି ଫଇସଲା କରାଯାଇଥିଲା । ସମୁଦାୟ ୧୨୦ ଟି ମାମଲାରୁ ୬ଠ ଟି ଫଇସଲା କରାଯାଇଛି । ଏଥିରେଏଡିଜେ ଡଃ ଭି ସୁଜାତାଙ୍କ ସମେତ ସବଜଜ୍ ଆଲୋକ ପଣ୍ଡା,ଏସଡିଜିଏମ ମନୀନ୍ଦ୍ର ଭୂଷଣ ସାହୁ ,ଜେଏମଏଫସି ଚେତନା ପଟ୍ଟନାୟକ , ସମସ୍ତ ରାଷ୍ଟ୍ରୀୟ ବ୍ୟାଙ୍କ କର୍ମଚାରୀ ଏବଂ କୋର୍ଟର କର୍ମଚାରୀ ଲକ୍ଷ୍ମଣ ମାର୍ଣ୍ଡୀ, ବଟକୃଷ୍ଣ ମହାନ୍ତି, ଜୀତେନ୍ଦ୍ର ମହାନ୍ତ,ଦୀନେଶ ସର୍ଦ୍ଦାର,ଭୋଳାନାଥ ସିଂ,କମଲେଶ ଵଳ ପ୍ରମୁଖ ସହଯୋଗ କରିଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
