ଓରାମ ସାଂସ୍କୃତିକ ସମାଜର ବାର୍ଷିକ ସାଧାରଣ ସଭାରେ ଜୁଏଲ ଓରାମଙ୍କ କର୍ଣ୍ଣ ମନ୍ତ୍ର
ରାଉଲକେଲା: ରାଉରକେଲା ସ୍ଥିତ ସେକ୍ଟର -୩, ବି -୩୬ ପରିସରରେ, ଓଡ଼ିଶା ଓରାମ ସାଂସୃତିକ ସମାଜର , ବାର୍ଷିକ ସାଧାରଣ ସଭା, ସଭାନେତ୍ରୀ ସୁଶ୍ରୀ ସୁକେଶି ଓରାମଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ମାନ୍ୟବର କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଶ୍ରୀ ଓରାମ ତାଙ୍କ ବକ୍ତବ୍ୟରେ ଓରାମ ସମାଜ ଏକଜୁଟ ହୋଇ ରହିବା ସହିତ ଭାଷା ଓ ଶିକ୍ଷା ଉପରେ ବିଶେଷ ଗୁରୁତ୍ବ ଦେବା ପାଇଁ ପରାମର୍ଶ ଦେଇଥିଲେ । ବାଲ୍ୟାବସ୍ଥାରୁ 
ଛୁଆମାନେ ସମାଜର ଆଦର୍ଶରେ ଅନୁପ୍ରାଣୀତ ହେଲେ ଏହି ସମାଜର ବିକାଶ ହେବା ସହିତ ଦେଶର ଗଠନରେ ଯୋଗଦାନ କରିବାକୁ ସୁଯୋଗ ପାଇବେ ବୋଲି କହିଥିଲେ। ଓରାମ ସମାଜର କିଛି ଭାଷା ଅଛି ଯାହା କିଛି ଅଳ୍ପ ଲୋକ ଜାଣି ଛନ୍ତି । ଯଦି ଏହାର ପ୍ରସାର ପ୍ରସାର ନହୁଏ ତେବେ ଏହା କାଳ କ୍ରମେ ଲୋପ ପାଇ ଯିବ । ସମାଜର କିଛି ପରମ୍ପରା, ସଂସ୍କୃତି ଡୁବିଗଲାନି, ଆଉକିଛି କଳୁଷିତ ହୋଇଗଲାଣି । ମୂଳ ଭାଷା , ସଂସ୍କୃତି ଓ ପରମ୍ପରାକୁ ବଞ୍ଚାଇବାକୁ ପଡ଼ିବ । ଏଣୁ ବାଲ୍ୟ କାଳରୁ ପିଲାମାନଙ୍କୁ ଏ ବିଷୟରେ ଶିକ୍ଷା, ଗୀତ , ନାଚ ପ୍ରଦାନ କରିବା ଓ ଭାଷଣ ଦେବାର ଅଭ୍ୟାସ କରିବାକୁ ପଡ଼ିବ । ସମାଜର ସଂଖ୍ୟା ବୃଦ୍ଧି କରିବାକୁ ହେବ । ଭାଷାକୁ ଲୋପ କରିବାକୁ ଦିଆ ଯିବ ନାହିଁ ।ପ୍ରତ୍ୟେକ ଗ୍ରାମରେ ପ୍ରାର୍ଥନା ସଭା କରିବା ଆବଶ୍ୟକ । ଯାହା ଆବଶ୍ୟକ ସେ ଯୋଗାଇ ଦେବେ ବୋଲି କହିଥିଲେ । ସମସ୍ତେ ଜାଗ୍ରତ, ସଚେତନ, ହେବା ସହିତ ନିଜର ମତାମତ ପୋଷଣ କରିବାକୁ ଉପରେ ଗୁରୁତ୍ୱାରୋପ କରିଥିଲେ । ମୋଦୀ ସରକାର ଆଦିବାସୀ ମାନଙ୍କ ଉନ୍ନତି ଓ ବିକାଶ ପାଇଁ ଶିକ୍ଷା, ସ୍ଵାସ୍ଥ୍ୟ, ଜୀବିକା ପୋଷଣ ପାଇଁ ବିବିଧ ଯୋଜନା କରିଛନ୍ତି। ଏହି ଯୋଜନାରୁ ଆମେ କିପରି ସୁଯୋଗ ନେଇ ପାରିବା ତାକୁ ଧ୍ୟାନ ଦେବା ଆବଶ୍ୟକ ବୋଲି କହିଥିଲେ । ଏହି କାର୍ଯ୍ୟାଳୟ ସମସ୍ତ ଆଦିବାସୀଙ୍କ କାର୍ଯ୍ୟରେ ବ୍ୟବହାରରେ ଲାଗିବା ଆବଶ୍ୟକ । ଏହି କାର୍ଯ୍ୟକ୍ରମରେ ମାଙ୍ଗେ ଏକ୍କା, ସୋମା ଓରାମ, ସମାଜ ସେବୀ ପଦ୍ମିନୀ ପାଣିଗ୍ରାହୀ, କାନ୍ଦ୍ରୁ ଟୋପୋ, କଲାକୃଷ୍ଣ ଓରାମ, ବିଜୟ ଖାଲକୋ , ସୁବୋଧ ଟପୋ ପ୍ରମୁଖ ମଞ୍ଚାସୀନ ଥିଲେ । ସମରା ଏକ୍କା ଏହି କାର୍ଯ୍ୟକ୍ରମର ମଞ୍ଚ ପରିଚାଳନା କରିଥିଲେ । ବହୁ ସଂଖ୍ୟାରେ ସମାଜର ସଭ୍ୟ ଓ ସଭ୍ୟା ମାନେ ଉପସ୍ଥିତ ଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
