ଭିନ୍ନକ୍ଷମ ଯୁବତୀଙ୍କୁ ଧର୍ଷଣ ନେଇ ଥାନା ରେ ମାମଲା
ଡାବୁଗାଁ, ୩୦/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଞ୍ଚଳରେ ଜଣେ ଭିନ୍ନକ୍ଷମ ଯୁବତୀ ଙ୍କୁ ଧର୍ଷଣ ହୋଇଥିବା ନେଇ ଶନିବାର ରାତିରେ ଡାବୁଗାଁ ଥାନାରେ ଅଭିଯୋଗ ହୋଇଥିଲା | ସୂଚନାଯୋଗ୍ୟ:- ଡାବୁଗାଁ ଥାନା ଅଞ୍ଚଳର ଏକ ଗ୍ରାମର ୩୧ ବର୍ଷୀୟ ଜଣେ ଭିନ୍ନକ୍ଷମ ଯୁବତୀ ଙ୍କୁ ଅନ୍ୟ ଏକ ଗ୍ରାମର ଜଣେ ୪୫ ବର୍ଷୀୟ ବିବାହିତ ଯୁବକ ଚଳିତ ମାସ ୨୭ ତାରିଖ ଦିନ ରାତ୍ର ପ୍ରାୟ ୯ ଘ. ସମୟ ହେବ ଏକ ବୋଲେରୋ ଗାଡିରେ ଯାଇ ଭିନ୍ନକ୍ଷମ ଯୁବତୀ ଙ୍କୁ ତାଙ୍କ ଘରୁ ଉଠାଇ ଆଣିଥିଲା | ଗ୍ରାମରୁ କିଛି ଦୂର ରେ ଏକ ନିର୍ଜନ ସ୍ଥାନରେ ଥିବା ଏକ କୁଡିଆ ମଧ୍ୟକୁ ନେଇ ସେଠାରେ ରାତି ସାରା ଧର୍ଷଣ କରିବା ସହ ମାଡ ମାରିଥିଲା | ରାତ୍ର ପ୍ରାୟ ୪ ଘ. ସମୟ ହେବ ଯୁବକ ଜଣଙ୍କ ଯୁବତୀ ଙ୍କ ପାଖରେ ଥିବା ୫ ହଜାର ଟଙ୍କା ଛଡାଇ ନେଇଥିଲା ଓ ଏକଥା କାହାକୁ କହିଲେ ଜୀବନରେ ମାରିଦେବୀ ବୋଲି ଧମକ ଦେଇ ଯୁବତୀ ଙ୍କୁ ଏକୁଟିଆ ଛାଡି ସେଠାରୁ ଚାଲିଯାଇଥିଲା | ୨୮ ତାରିଖ ଦିନ ସକାଳୁ ଘଟଣାସ୍ଥଳର ନିକଟବର୍ତ୍ତୀ ଗ୍ରାମର ଜଣେ ପୁରୁଷ ବ୍ୟକ୍ତି ଭିନ୍ନକ୍ଷମ ଯୁବତୀଙ୍କୁ ସେହି ସ୍ଥାରେ ଏକୁଟିଆ ଦେଖି ଯୁବତୀର ମାମୁଁ ଙ୍କୁ ଖବର ଦେଇଥିଲା | ଖବର ପାଇ ଯୁବତୀ ର ମାମୁଁ ଆସି ତାଙ୍କୁ ଉଦ୍ଧାର କରି ନିଜ ଘରକୁ ନେଇଯାଇଥିଲେ | ୨୯ ତାରିଖ ଦିନ ଯୁବତୀ ଜଣଙ୍କ ନିଜ ଘରକୁ ଆସି ନିଜ ମା ଙ୍କୁ ଈଙ୍ଗିତ ମାଧ୍ୟମରେ ସମସ୍ତ ଘଟଣା ବିଷୟରେ ଜଣାଇଥିଲା | ଶନିବାର ରାତିରେ ପୀଡ଼ିତା ଙ୍କ ମା ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୬୦/୨୫ ରେ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଛି | ରବିବାର ପୀଡିତାଙ୍କୁ ଡାକ୍ତରୀ ମଇନା କରାଯାଇଛି | ନବରଙ୍ଗପୁର ପୋଲିସ ମୁଖ୍ୟାଳୟ ଆଇୟୁସିଏଡବ୍ଲ୍ୟୁ ଇନିସ୍ପେକ୍ଟର ସୀମା ସଙ୍ଗୀତା ଲୁଗୁନ ଘଟଣା ର ତଦନ୍ତ କରୁଛନ୍ତି ବୋଲି ଥାନା ଆଇଆଇସି ଗୋପାଳକୃଷ୍ଣ ଆଗୁପାତ୍ର ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
