ନାବାଳିକାକୁ ବିବାହର ପ୍ରଲୋଭନ ଦେଖାଇ ଧର୍ଷଣ, ଅଭିଯୁକ୍ତ ଗିରଫ
ଡାବୁଗାଁ, ୭/୪(ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ବିବାହର ପ୍ରଲୋଭ ଦେଖାଇ ଧର୍ଷଣ ହୋଇଥିବା ନେଇ ରବିବାର ରାତିରେ ଡାବୁଗାଁ ଥାନାରେ ଅଭିଯୋଗ ହୋଇଥିଲା | ସୂଚନାଯୋଗ୍ୟ:- ଡାବୁଗାଁ ଥାନା ଅଞ୍ଚଳର ଏକ ଗ୍ରାମର ୧୭ ବର୍ଷୀୟ ଜଣେ ନାବାଳିକାର ୨୩ ବର୍ଷୀୟ ନିଜର ମାମୁଁ ପୁଅ ଭାଇ ସହ ପ୍ରାୟ ୨ ବର୍ଷ ହେବ ପ୍ରେମ ସମ୍ପର୍କ ଗଢି ଉଠିଥିଲା | ଧୀରେ ଧୀରେ ପ୍ରେମ ସମ୍ପର୍କ ପ୍ରାୟ ଏକ ବର୍ଷ ତଳେ ଶାରେରିକ ସମ୍ପର୍କ ଗଢି ଉଠିଥିଲା | ଏପରି ବାରମ୍ବାର ଶାରେରିକ ସମ୍ପର୍କ ଦ୍ଵାରା ନାବାଳିକା ଗର୍ଭବତୀ ହୋଇଥିଲା | ଗର୍ଭବତୀ ହେବାପରେ ଝିଅ ଟି ଯୁବକ ଙ୍କୁ କହିବା ପରେ ଯୁବକ ବିବାହ କରିବାକୁ କହିଥିଲେ | ଏପରି ଭାବେ ଯୁବକ ଜଣଙ୍କ ବିବାହ କରିବ ବୋଲି କହି ପ୍ରାୟ କିଛି ମାସ ଗଡାଇ ଦେଇଥିଲା | ନାବାଳିକାର ପେଟ ବଢୁଥିବା ଦେଖି ନାବାଳିକାର ପରିବାର ଘଟଣା ବିଷୟରେ ପଚାରିଥିଲେ | ପରେ ନାବାଳିକା ପରିବାର ଆଗରେ ସବୁ ଘଟଣା କହିଥିଲା | ପରେ ଯୁବକର ପରିବାର ଝିଅ କୁ ଗ୍ରହଣ କରିବାକୁ ମନା କରିଥିଲେ | ଶେଷରେ ପୀଡ଼ିତା ନାବାଳିକା ରବିବାର ରାତିରେ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୬୬/୨୫ ରେ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଛି | ସୋମବାର ସକାଳୁ ଯୁବକ ଙ୍କୁ ତାର ଘରୁ ପୋଲିସ ଉଠାଇ ଆଣି ପଚରାଉଚରା କରିବାରୁ ଯୁବକ ଜଣଙ୍କ ଘଟଣା ଘଟାଇଥିବା ମାନିଥିଲା | ଯୁବକ ଜଣଙ୍କୁ ଡାକ୍ତରୀ ମାଇନା କରାଯାଇ ସୋମବାର ଅପରାହ୍ନରେ କୋର୍ଟ ଚାଲାଣ କରାଯାଇଛି | ବର୍ତ୍ତମାନ ନାବାଳିକା ଜଣଙ୍କ ୮ ମାସର ଗର୍ଭବତୀ ରହିଛନ୍ତି | ନବରଙ୍ଗପୁର ପୋଲିସ ମୁଖ୍ୟାଳୟ ଏଚଆରପିସି ଇନିସ୍ପେକ୍ଟର ସୁଶାନ୍ତା ସେବାୟିନୀ ହୋରୋ ଘଟଣା ର ତଦନ୍ତ କରୁଛନ୍ତି ବୋଲି ଥାନା ଆଇଆଇସି ଗୋପାଳକୃଷ୍ଣ ଆଗୁପାତ୍ର ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
