ଅଭିମାନ
ରାଗ (ତୋଡ଼ିପରଜ )
ଅଭିମାନୀଗୋ!କରନାତୁଅଭିମାନଗୋ
ତୁକଲେ ଗୁମାନ ଯିବମୋ ସମ୍ମାନ
ହେବଖାଲି ଅପମାନଗୋ(ଘୋଷା )
ଅଭିମାନ କରି ମୋତେ ଦେଲୁସାରି
ହଟାଇଲୁ ବୁଦ୍ଧିଜ୍ଞାନ
କିପରି ଚଳିବି ସଂସାର ସାଗରେ
ରହିବକି ମୋରମାନ
କହରେ ନାଗରୀ କିପରି ଭାଙ୍ଗିବୁ
ମନରୁ ଆଜିତୁ ମାନ ଗୋ |(1)
ଆଣିଛି ତୋପାଇଁ ମନକୁ ମନାଇ
ରତନ କୁଣ୍ଡଳ ମାନ
ପିନ୍ଧିବୁଲୁ ଥିବୁ ନିତିସାଇସାଇ
ସଜାଇବୁ ନାକକାନ
ଆଜ ଭାଙ୍ଗରେତୁ ସ୍ନେହ ପ୍ରୀତିମାନ
ଆନନ୍ଦ ଭରା ଗୁମାନ ଗୋ(2)
ଯାହା ଚାହିଁବୁତୁ ଆଣିଦେଵି ଗୋରୀ
ଆକାଶରରୂପା ଜହ୍ନ
ସରଗରୁ ତୋଳି ଆଣିଦେଵି ସଜ
ଫୁଟାସୁନ୍ଦର ସୁମନ
ସକେଇସକେଇ କାନ୍ଦନାମୋ ଧନ
ତୁତ ଜୀବର ଜୀବନଗୋ(3)
ତୁତମୋ ସ୍ୱର୍ଗର ପାରିଜାତ ଫୁଲ
ମରତର ସୁନାଚମ୍ପା
ଅଭିମାନକଲେ କିପରି ବଞ୍ଚିବି
ବାରେକର ଅନୁକମ୍ପା
ବୋଲେବିଦ୍ୟାଧର ସୁନୟନା ଆଜ
ଭାଙ୍ଗି ଚାହାଁ ଅଭିମାନ ଗୋ
ଶ୍ରୀ ବିଦ୍ୟାଧର ମହାନ୍ତ, ତମ୍ବାହରା
ହରଚନ୍ଦନପୁର, କେନ୍ଦୁଝର
