ନବରଙ୍ଗପୁର ବିଜେଡି ର ମଙ୍ଗ ଧରିଲେ ଲୋକପ୍ରିୟ ବିଧାୟକ ରନ୍ଧାରୀ
ନବରଙ୍ଗପୁର:(୧୬|୪)(ରବିନାରାୟଣମହାନ୍ତି)ନବରଙ୍ଗପୁର ଜିଲ୍ଲା ବିଜୁ ଜନତା ଦଳ ର ମଙ୍ଗ ଧରିଛନ୍ତି ଡାବୁଗାଁ ଲୋକପ୍ରିୟ ବିଧାୟକ ମନୋହର ରଙ୍ଗାଧର l ବିଜେଡ଼ି ସୁପ୍ରିମୋ ତଥା ପୂର୍ବତନ ବିଜେଡ଼ି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନବରଙ୍ଗପୁର ଜିଲ୍ଲା ସଭାପତି ଭାବେ ଶ୍ରୀ ରନ୍ଧାରୀ ଙ୍କୁ ମନୋନୀତ କରିଛନ୍ତି l ଏନେଇ ରାଜ୍ୟ ନିର୍ବାଚନ ଅଧିକାରୀ ପ୍ରତାପ କେଶରୀ ଦେଓ ଦଳ ପକ୍ଷରୁ ସ୍ପଷ୍ଟ କରିଛନ୍ତି l ଉକ୍ତ ଖବର ପ୍ରସାରଣ ପରେ ଲୋକପ୍ରିୟ ବିଧାୟକ ଶ୍ରୀ ରନ୍ଧାରୀ ଙ୍କ ସମର୍ଥକ ମାନଙ୍କ ମହଲରେ ଆନନ୍ଦର ଜୁଆର ଖେଳିଯାଇଛି l ସଭାପତି ହେବା ପରେ ଶ୍ରୀ ରନ୍ଧାରୀ କହିଛନ୍ତି, ଆଗାମୀ ଦିନରେ ତୃଣମୂଳ ସ୍ତରରୁ ଦଳୀୟ ସଂଗଠନ କୁ ସୁଦୃଢ କରିବାକୁ ଉଦ୍ୟମ କରାଯିବ l ସୂଚନା ଯୋଗ୍ୟ ଯେ, କୌଣସି ନା କୌଣସି ପ୍ରସଙ୍ଗକୁ ନେଇ ଜିଲ୍ଲାରେ ସବୁ ସମୟରେ ମନୋହର ଚର୍ଚ୍ଚାରେ ରହିଆସୁଛନ୍ତି l ସେ ଲଗାତାର ଚାରି ଚାରି ଥର ବିଧାୟକ ହୋଇ ଜନସାଧାରଣଙ୍କର ପ୍ରିୟ ହେବା ସହ ଲୋକପ୍ରିୟତା ଅର୍ଜନ କରି ପାରିଛନ୍ତି l ୨୦୦୯ ରୁ ୨୦୧୪ ରେ ନବରଙ୍ଗପୁର ରୁ ଦୁଇ ଥର ବିଧାୟକ ହେବା ପରେ ପୁଣି ଡାବୁଗାଁ ନିର୍ବାଚନ ମଣ୍ଡଳୀ ରୁ ୨୦୧୯ ଓ ୨୦୨୪ ରେ ଦୁଇ ଥର ବିଧାୟକ ଭାବେ ଡାବୁଗାଁ କଂଗ୍ରେସ ଗଡ଼ କୁ ଭାଙ୍ଗି ଦୁଇଥର ବିଧାୟକ ଭାବେ ନିର୍ବାଚିତ ହୋଇଥିଲେ l ବର୍ତ୍ତମାନ ସେ ବିଧାନସଭା ଷ୍ଟାଣ୍ଡିଂ କମିଟି ଅଧକ୍ଷ ଅଛନ୍ତି l ଜିଲ୍ଳାରେ ୨୦୧୯ ନିର୍ବାଚନରେ ୪ ଟି ବିଧାନସଭା ଆସନରୁ ବିଜେଡି ୩ ଟି ଆସନ ସମେତ ନବରଙ୍ଗପୁର ଲୋକସଭା ଆସନକୁ ହାତେଇ ଥିଲା l ସାଂସଦ ଆସନ ସମେତ ନବରଙ୍ଗପୁର, ଡାବୁଗାଁ ଓ ଝରିଗାଁ ୩ ଟି ବିଧାନସଭା ଆସନ ବିଜେଡ଼ି ଦଖଲରେ ରହିଥିଲା l୨୦୨୪ ନିର୍ବାଚନରେ ଓଡ଼ିଶାରେ ମୋଦୀଙ୍କ ସୁନାମୀରେ ନବରଙ୍ଗପୁର ଲୋକସଭା, ଝରିଗାଁ, ନବରଙ୍ଗପୁର ବିଧାନସଭା ରୁ ବିଜେଡି ପୋଛି ହୋଇ ଯାଇଥିଲା l
କେବଳ ଡାବୁଗାଁ ଆସନରୁ ମନୋହର ରନ୍ଧାରୀ ବିଜୟୀ ହୋଇ ନବରଙ୍ଗପୁର ଜିଲ୍ଲାରେ ଖାତା ଖୋଲି ବିଜେଡି ର ମାନ ରଖିଥିଲେ l ତାଙ୍କର ଅଭିଜ୍ଞତା ଆଧାରରେ ତାଙ୍କୁ ଜିଲ୍ଲା ସଭାପତି ଭାବେ ଚୟନ କରିଥିବା ଦଳର ବରିଷ୍ଠ ନେତା ସଚ୍ଚି ନନ୍ଦନ ସ୍ଵାଇଁ କହିଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
