ସ୍ବସ୍ତି ଝଙ୍କାର, ରାଉରକେଲା
୨୫ତମ ରାଜ୍ୟ ସ୍ତରୀୟ ନାଟକ ମହୋତ୍ସବ
“ନାଟ୍ୟମ” ଅନୁଗୁଳର ନାଟକ “ତ୍ରିଶଙ୍କୁ “ମଞ୍ଚସ୍ଥ
ରାଉରକେଲା: ସ୍ବସ୍ତି ଝଙ୍କାର, ରାଉରକେଲା ର ୨୫ ତମ ରାଜ୍ୟସ୍ତରୀୟ ନାଟକ ମହୋତ୍ସବ ର ପ୍ରଥମ ଦିବସରେ ଅନୁଗୁଳ ର ନାଟ୍ୟ ସଂସ୍ଥା ନାଟ୍ୟମ ତରଫରୁ ନାଟକ ତ୍ରିଶଙ୍କୁ ମଞ୍ଚସ୍ଥ ହୋଇଯାଇଛି। ନାଟ୍ୟକାର ତଥା ନିର୍ଦ୍ଦେଶକ ସୁଧାଂଶୁ ମୋହନ ଦ୍ବିବେଦୀଙ୍କ ନିର୍ଦ୍ଦେଶିତ ଏହି ନାଟକର ବିଷୟବସ୍ତୁ ହେଲ ନିମ୍ନ ମଧ୍ୟବିତ୍ତ ପରିବାର ଟିଏ – ପତ୍ନୀ ଧାରା, ବଡ଼ ପୁଅ ଅଭୟ, ସାନପୁଅ ବିନୟ , ଝିଅ ମିନି ଓ ନାତୁଣୀ ପିଙ୍କି ଙ୍କୁ ନେଇ ଗୋବର୍ଦ୍ଧନ ଙ୍କ ପରିବାର । ଆର୍ଥିକ ଅଭାବ ହିଁ ଗୋବର୍ଦ୍ଧନ ଙ୍କ ଅଶାନ୍ତି ର ମୂଳ କାରଣ । ଅବସର ପରେ ଘର ର ସମସ୍ତ ଦାୟୀତ୍ବ ନେବା ପାଇଁ ବଡ ପୁଅ ଅଭୟ କୁ ହିଁ ବାପା ଗୋବର୍ଦ୍ଧନ ବାଧ୍ୟ କରନ୍ତି । ସାଧ୍ୟମତେ ଘର ପାଇଁ ଯେତେ ଯାହା କଲେବି ଅଭୟ ଉପରେ ଗୋବର୍ଦ୍ଧନ ଙ୍କ ଅସନ୍ତୋଷ ଦିନ କୁ ଦିନ ବଢି ଚାଲେ। ନ୍ୟାୟ, ନିଷ୍ଠା ଓ କର୍ତ୍ତବ୍ୟବୋଧ ଆଦି ର ଜ୍ୱଳନ୍ତ ନିଦର୍ଶନ ଅଭୟ ଚରିତ୍ର । ପିତା ଓ ପୁତ୍ର ଙ୍କ ମଧ୍ୟରେ ଉପୁଜିଥିବା ଏ ଅଶାନ୍ତି ପରିସମାପ୍ତି କେଉଁଠି ? ଗୋବର୍ଦ୍ଧନ କଣ ପୁତ୍ର ଅଭୟର ତ୍ୟାଗ ବୁଝିବାରେ ସମର୍ଥ ହେବେ,କର୍ତ୍ତବ୍ୟ କୁ ନିଷ୍ଠା ର ସହିତ ପାଳନ କରି ଅଭୟ କଣ ବାପାଙ୍କ ର ହୃଦୟ ଜିଣି ପାରିବେ,ଏହି ସବୁ ସମସ୍ୟା ର ସମାଧାନକୁ ନେଇ ଗତିଶୀଳ ହୋଇଛି ନାଟକ ” ତ୍ରିଶଙ୍କୁ” । ଏହି ନାଟକରେ ସୁଧାଂଶୁ ମୋହନ ଦ୍ବିବେଦୀ , ରବୀନ୍ଦ୍ର ନାଥ ସାହୁ , ପ୍ରଶାନ୍ତ ଆଚାର୍ଯ୍ୟ,ନିରୋଦ କୁମାର, ବଟକୃଷ୍ଣ ତ୍ରିପାଠୀ, ଅମରେଶ ନାଥ ,ପିନାକୀ ଦାସ ,ଶୁଭଶ୍ରୀ ପାଣ୍ଡେ, ଦୟା ସିଂ ଅଭିନୟ 
କରିଥିଲାବେଳେ ପ୍ରତାପ ରାଉତ ସଂଗୀତ ରେ,ଆଲୋକ ରେ ବିକାଶ ପ୍ରଧାନ,ମଞ୍ଚସଜ୍ଜା ରେ ରବୀନ୍ଦ୍ର ନାଥ ସାହୁ ଓ ପ୍ରଳୟ ଶତପଥୀ ତଥା ସହ ନିର୍ଦ୍ଦେଶନା ବଟକୃଷ୍ଣ ତ୍ରିପାଠୀ ସହଯୋଗ କରିଥିଲେ। ଆଜିର ନାଟକରେ ପ୍ରାରମ୍ଭରେ ସଭାପତି ମହେନ୍ଦ୍ର କୁମାର ପଟ୍ଟନାୟକ ସ୍ବାଗତ ଭାଷଣ ଦେଇଥିବାବେଳେ ଉଦଘାଟକ ଭାବେ ନାଟ୍ୟଭିନେତା ସୁଦେଶ ନାୟକ ଓ ଡ଼ଃ ଅଜୟ ମିଶ୍ର ମଞ୍ଚ ସଂଯୋଜନା କରିଥିଲେ। ଅନ୍ୟ ଅତିଥି ମାନଙ୍କ ମଧ୍ୟରେ ସମାଜସେବୀ ସୁନୀଲ କାୟଲ,ଋଶି ଆର୍ଯ୍ୟ,ଛଗନଲାଲ ଜୈନ, ରାଜେନ୍ଦ୍ର ଅଗ୍ରୱାଲ ପ୍ରମୁଖ ଯୋଗଦେଇ ଥିବା ବେଳେ ବିଜୟ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ। ଅନ୍ୟ ମାନଙ୍କ ମଧ୍ୟରେ ଡ ସୁଶାନ୍ତ ପାଣି, ନିରୁପମା ପତି, ସରୋଜ ଶଙ୍ଖୁଆ, ଗୀତାଞ୍ଜଳି ବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
