ଅବସରପ୍ରାପ୍ତ ଆର ଏସ ପି କର୍ମଚାରୀ ସମାଜସେବୀ ମହେନ୍ଦ୍ର ଆର ପାରିରେ
ରାଉରକେଲା: ରାଉରକେଲା ଇସ୍ପାତ କାରଖାନା ର ଅବସରପ୍ରାପ୍ତ କର୍ମଚାରୀ ତଥା ସମାଜସେବୀ ସିଭିଲ ଟାଉନସିପ ର ବାସିନ୍ଦା ମହେନ୍ଦ୍ର ଧଳ ୮୫ବର୍ଷ ଙ୍କ ପରଲୋକ ହୋଇଯାଇଛି । ଗତ ୨ ବର୍ଷ ହେଲା ସେ ବାର୍ଦ୍ଧକ୍ୟ ଜନିତ ରୋଗରେ ପୀଡିତ ହୋଇ ଚିକିତ୍ସାଧିନ ଥିଲେ । ସେ ନିଜ ବାସଭବନ ରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ସେ ଯଥାର୍ଥ ରେ ଜଣେ ବିଶ୍ୱକର୍ମା ଥିଲେ । ସେ ସେକ୍ଟର ୧୬ ର ବାସିନ୍ଦା ଥିବା ବେଳେ ସେକ୍ଟର ୧୬ ଦୁର୍ଗାପୂଜା ମଣ୍ଡପ କେମିତି ପୁରସ୍କୃତ ହେବ ତାର ପରିକଳ୍ପନା କରି କାର୍ଯ୍ୟକ୍ରମ କରୁଥିଲେ ଏବଂ ଅବସର ପରେ ସିଭିଲ ଟାଉନସିପ ଅଞ୍ଚଳରେ ସମାଜସେବା ରେ ନିଜକୁ ନିୟୋଜିତ କରିଥିଲେ । ମୃତ୍ୟୁ ଶଯ୍ୟା ନିକଟରେ ଦୁଇପୁତ୍ର, ଦୁଇ ବୋହୁ,ଦୁଇଝିଅ ଏବଂ ଦୁଇଜ୍ୱାଇଁ ଙ୍କ ସମେତ ପତ୍ନୀ,ନାତି-ନାତୁଣୀ ଏବଂ ସମ୍ପର୍କୀୟ ଆତ୍ମୀୟ ସଜ୍ଜନ ଉପସ୍ଥିତ ଥିଲେ । ମୃତ୍ୟୁ ଖବର ପାଇ ରାଉରକେଲା ର ବହୁ ବିଶିଷ୍ଟ ବ୍ୟକ୍ତି ପ୍ରମୁଖ ତାଙ୍କ ସିଭିଲ ଟାଉନସିପ ସ୍ଥିତ ବାସଭବନ ରେ ପହଞ୍ଚି ଶେଷ ଦର୍ଶନ କରିଥିଲେ । ପାର୍ଥିବ ଶରୀର କୁ ସିଭିଲ ଟାଉନସିପ ଅଞ୍ଚଳରେ ପରିକ୍ରମା କରାଇବା ପରେ ବେଦବ୍ୟାସ ସ୍ଥିତ ସ୍ବର୍ଗଧାମ ଠାରେ ଶେଷକୃତ୍ୟ ସମ୍ପନ୍ନ କରାଯାଇଥିଲା। ବଡପୁଅ ଜଗନ୍ନାଥ ଧଳ ମୁଖାଗ୍ନି ଦେଇଥିଲା ବେଳେ ସାନ ପୁତ୍ର ସୁଶାନ୍ତ ଧଳ ଏବଂ ଦୁଇଜ୍ୱାଇଁ ଉପସ୍ଥିତ ଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
