177ତମ ଉତ୍କଳ ଗୌରବ ମଧୁସୂଦନ ଦାସ ଜୟନ୍ତୀ – ଆଇନଜୀବି ଦିବସ – 2025 ପାଳିତ
ମୟୁରଭଞ୍ଜ (ବାରିପଦା) – 28/04/2025ରିଖ ସୋମବାର ଦିନ ଜ଼ିଲ୍ଲା ଓକିଲ ସଙ୍ଘ, ବାରିପଦା, ମୟୁରଭଞ୍ଜ ଅନାକୁଲ୍ୟରେ ଓଡିଶାର ସର୍ବ ବୃହତ ଓ ଅଭିଭକ୍ତ ଜ଼ିଲ୍ଲା ମୟୁରଭଞ୍ଜର ସଦର ମହକୁମା ବାରିପଦା ସ୍ଥିତ “ସହିଦ ଶ୍ମୃତି ଭବନ” ଠାରେ “177ତମ ଉତ୍କଳ ଗୌରବ ମଧୁସୂଦନ ଦାସ ଜୟନ୍ତୀ – ଆଇନଜୀବି ଦିବସ – 2025” ଅତି ଆନନ୍ଦ ଉଲ୍ଲାସରେ ପାଳିତ ହୋଇଛି l ଉକ୍ତ ଜୟନ୍ତୀ ସମାରୋହରେ ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି R. K. ଦାସ ମୁଖ୍ୟ ଅତିଥି ଭାବେ ଯୋଗ ଦେଇଥିବା ସ୍ଥଳେ ଜ଼ିଲ୍ଲାର ମୁଖ୍ୟ ବିଚାରପତି ଅରବିନ୍ଦ ପଟ୍ଟନାୟକ ତଥା ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଆଇନ ସମ୍ବନ୍ଧୀୟ ବ୍ୟକ୍ତବ୍ୟମାନ ରଖିଥିଲେ l ପ୍ରକାଶ ଥାଉ କି ଏହି ସମାରୋହରେ ସମ୍ପୃକ୍ତ ସମସ୍ତ ବିଚାର ବିଭାଗୀୟ judge ଓ ଅନ୍ୟାନ୍ୟ କର୍ମଚାରୀ ବୃନ୍ଦ ଯୋଗ ଦେଇଥିଲେ l ପୁନଶ୍ଚ ଏଠାରେ ଉଲ୍ଲେଖ କରାଯାଇପାରେ ଯେ ଏହା ଏକ ଆଇନଜୀବି ପରିବାର ସଦୃଶ ଯାହାଫଳରେ କି କୁନି କୁନି ପିଲା ମାନଙ୍କୁ ନେଇ ବିଭିନ୍ନ ପ୍ରକାରର ମନୋହରା, ମନଲୋଭା ଓ ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ମାନ ପରିବେଷଣ ହୋଇଯାଇଥିବା ସ୍ଥଳେ ଉପସ୍ଥିତ ଥିବା ସମସ୍ତଙ୍କୁ ମୃଦୁ ପାନୀୟଜଳ ଓ ଚା ପ୍ରଭୃତି ଦେବା ସହିତ ସୁସ୍ୱାଦ ମଧ୍ୟାନ ଭୋଜନର ଆୟୋଜନ ସଂଘର ସଭାପତି, ଉପ-ସଭାପତି, ସାଧାରଣ ସମ୍ପାଦକ, ସହ ସମ୍ପାଦକ, କୋଷାଧକ୍ଷ ସମେତ ସମସ୍ତ ସଂଘର ସଦଶ୍ୟ ଓ ସଦଶ୍ୟା ମାନଙ୍କ ସହଯୋଗ କ୍ରମେ ବ୍ୟବସ୍ଥା ମଧ୍ୟ କରାଯାଇଥିଲା l ବାସ୍ତବରେ ଉକ୍ତ ସମାରୋହଟି ଅନେକ ଚିତ୍ତାକର୍ଷକ ହେବା ସଙ୍ଗେ ସଙ୍ଗେ ମନ ମୁଗ୍ଧକର ହୋଇଥିବାର ଲୋକ ମାନଙ୍କ ମଧ୍ୟରେ ପ୍ରକାଶ ହୋଇଥିବାର ସୂଚନା ମିଳେ l ବର୍ତ୍ତମାନ ଆସନ୍ତୁ ଦେଖିବା ଏହାର ଝଲକମାନ l
ବାରିପଦା ରୁ ନରେନ୍ଦ୍ର ନାଥ ବେହେରାଙ୍କ ରିପୋର୍ଟ
