ପ୍ରଧାନ ଶିକ୍ଷକଙ୍କୁ ଅବସର କାଳୀନ ବିଦାୟ ସମ୍ବର୍ଦ୍ଧନା
ଆସିକା, ୪/୫/୨୫ // ଧରାକୋଟ ବ୍ଲକ ଅନ୍ତର୍ଗତ ବାହାରପୁର ପ୍ରାଥମିକ ବିଦ୍ୟାଳୟରୁ ନିକଟରେ ଚାକିରୀରୁ ଅବସର ଗ୍ରହଣ କରିଥିବା ପୂର୍ବତନ ପ୍ରଧାନ ଶିକ୍ଷକ ଶ୍ରୀଯୁକ୍ତ ଶୁରସେନ ସାହୁ ଙ୍କୁ ବାହରପୂର କ୍ଲଷ୍ଟର ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ସି.ଆର.ସି.ସି. ଙ୍କ ତରଫରୁ ଅବସର କାଳୀନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ।
ଶ୍ରୀ ସାହୁ ତାଙ୍କ ଚାକିରି କାଳରେ ଅନେକ ବିଦ୍ୟାଳୟ ରେ କାର୍ଯ୍ୟ ସମ୍ପାଦନ କରିବା ସହ ଅନେକ ଛାତ୍ରଛାତ୍ରୀଙ୍କ ସୁନ୍ଦର ଭବିଷ୍ୟତ ନିର୍ମାଣ କରିଥିବା ବେଳେ ବାହାରପୁର ପ୍ରାଥମିକ ବିଦ୍ୟାଳୟରେ ୨୦୨୧ ମସିହାରେ କାର୍ଯ୍ୟରେ ଯୋଗ ଦେଇଥିଲେ ଓ ସୁଚାରୁ ରୁପେ ଶିକ୍ଷାଦାନ କରି ଛାତ୍ର ଛାତ୍ରୀ ମାନଙ୍କ ଚରିତ୍ର ଗଠନ ରେ ନିଜକୁ ନିୟୋଜିତ କରିଥିଲେ । ବାସ୍ତବରେ ଶ୍ରୀ ସାହୁ ଜଣେ ଜ୍ଞାନୀ, ଗୁଣୀ, ସିଷ୍ଟାଚାରୀ ଛାତ୍ର ବଛଳ କର୍ମନିଷ୍ଠ,ଦକ୍ଷ ଶିକ୍ଷକ ରୂପେ ଅଞ୍ଚଳରେ ସୁପରିଚିତ ଥିଲେ । ତାଙ୍କ ଅବସରରେ କ୍ଳଷ୍ଟର ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଦୁଃଖ ପ୍ରକାଶ କରିବା ସହ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ଶିକ୍ଷକ ଶିକ୍ଷୟିତ୍ରୀ ତାଙ୍କ ଗୁଣ ଗରିମା ବର୍ଣ୍ଣନା କରିଥିଲେ । ଏହି ଅବସରରେ କ୍ଲଷ୍ଟର ସ୍ତରର ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷକ ଏବଂ ସହକାରୀ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ କବିତା ମାଧ୍ୟମରେ ପ୍ରଶଂସିତ କରିବା ସହିତ ତାଙ୍କ କେତେକ ଅନୁଭୂତି ବର୍ଣ୍ଣନା କରି ବହୁ ଅମୂଲ୍ୟ ଦିଗ୍ ଦର୍ଶନ ପ୍ରଦାନ କରିଥିଲେ । ସମ୍ବର୍ଧନା ଉତ୍ସବରେ ପ୍ରଧାନ ଶିକ୍ଷକ ରାଧା ମୋହନ ତ୍ରିପାଠୀ, ପ୍ରମୋଦ କୁମାର ପାଢୀ, ପ୍ରଦୀପ କୁମାର ବେହେରା, ପଦ୍ମ ଚରଣ ପଣ୍ଡା,ଅନିଲ କୁମାର ମହାରଣା, ଗୌତମ ବେହେରା, ସନ୍ତୋଷ କୁମାର ସ୍ବାଇଁ, ସ୍ବପ୍ନା ରାଣୀ ବେହେରା ଓ ସି ଆର ସି ସି ଅଜିତ କୁମାର ସାହୁ ପ୍ରମୁଖ ଉପସ୍ଥିତ ରହିଥିଲେ ।
ଆସିକା ରୁ ଶିବ ଶଙ୍କର ମିଶ୍ର ମସିହା ନ୍ୟୁଜ
