ଦୁଇ ମୋଟରସାଇକେଲ ମୁହାଁ ମୁହିଁ ଧକ୍କା ଜଣେ ମୃତ, ଜଣେ ଗୁରୁତର
ଡାବୁଗାଁ, ୧୧/୫ (ମ. ନି. ସ.)- ରବିବାର ମଧ୍ୟାନ୍ନରେ ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ମାନିଗାଁ ଗ୍ରାମ ଛକ ରେ ଡାବୁଗାଁ – ମଇଦଲପୁର ରାସ୍ତା ରେ ଦୁଇ ମୋଟରସାଇକେଲ ମୁହାଁ ମୁହିଁ ଧକ୍କା ହୋଇ ଜଣେ ମୃତ:ଜଣେ ଗୁରୁତର ହୋଇଥିବା ଦେଖାଦେଇଛି l ସୂଚନାଯୋଗ୍ୟ :- ଡାବୁଗାଁ ଦେଶୀ ମଦ ଭାଟି ର କର୍ମଚାରୀ ସମ୍ଭୁ ରାୟ (୫୫) ଡାବୁଗାଁ – ମଇଦଲପୁର ମୁଖ୍ୟ ରାସ୍ତା ରେ ମୋଟରସାଇକେଲ ନଂ ଓଡି ୨୪ – ୯୫୨୯ ଯୋଗେ ଦେଶୀ ମଦ ନେଇ ମାନିଗାଁ ଗ୍ରାମ ମଧ୍ୟ କୁ ଯାଉଥିବା ବେଳେ ବିପରୀତ ଦିଗରୁ ତେନ୍ତୁଳୀଖୁଣ୍ଟି ବ୍ଳକ ବନ୍ଧଗୁଡ଼ା- ମେରୀଗୁଡ଼ା ଗ୍ରାମର ଦେବେନ୍ଦ୍ର ଭତ୍ରl (୨୮)ତାଙ୍କ ଗ୍ରାମରୁ ଡାବୁଗାଁ ବ୍ଳକ ପାଖରେ ଥିବା ଖୁଟୁବାଇ ତାଙ୍କ ଶ୍ଵଶୁର ଘର ଙ୍କୁ ନିଜ ମୋଟରସାଇକେଲ ନଂ ଓ ଡି ୨୪ ଏମ ୩୫୩୯ ଯୋଗେ ଦ୍ରୁତ ଗତିରେ ଆସୁଥିବାରୁ ଦୁଇ ବାଇକ ମୁହାଁ ମୁହିଁ ଧକ୍କା ହେବା ଫଳରେ ଭାଟି କର୍ମଚାରୀ ଜଣ ଙ୍କ ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା l ଦେବେନ୍ଦ୍ର ଗୁରୁତର ହୋଇ ଥିଲା l ଗ୍ରାମବାସୀ ୧୦୮ ଆମ୍ବୁଲାନ୍ସ ଯୋଗେ ଦେବେନ୍ଦ୍ର କୁ ଡାବୁଗାଁ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର କୁ ନେଇଥିଲେ l ସେଠାରେ ବାମ ଗୋଡ ଓ ବାମ ହାତ ଭାଙ୍ଗି ଥିବାରୁ ପ୍ରାଥମିକ ଚିକିତ୍ସା ପରେ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ ଙ୍କୁ ସ୍ଥାନାନ୍ତରିତ କରାଯାଇଛି l ଘଟଣା ସ୍ଥଳରେ ଡାବୁଗାଁ ଥାନା ଏସ୍ ଆଇ ଚନ୍ଦନ ସାହୁ ଓ ଭାଟି କର୍ମଚାରୀ ପହଂଚି ଶବ ଡାବୁଗାଁ କୁ ବ୍ୟବଚ୍ଛେଦ ନିମନ୍ତେ ଅଣା ଯାଇଥିଲା l ଏ ନେଇ ଭାଟି ମ୍ୟାନେଜର ଅମିତ ଭଗତ ଡାବୁଗାଁ ଥାନା ରେ ଏତଲା ଦେଇଥିଲେ l ଉକ୍ତ ଏତଲାକୁ ଭିତ୍ତି କରି ଥାନା ସବନିସ୍ପେକ୍ଟର ବିକ୍ରମ କିଶୋର ସାହୁ ଡାକ୍ତରଖାନା ରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ l ଶବ ବ୍ୟବଚ୍ଛେଦ ପରେ ମଦ ଭାଟି କର୍ମଚାରୀ ମାନଙ୍କୁ ହସ୍ତାନ୍ତର କରାଯାଇଛି l ଏନେଇ ଥାନା କେସ ନଂ 95/25 ରେ ଏକ ମାମଲା ରୁଜୁ କରାଯାଇଛି l
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ
