ଇମ୍ଫା ,ଥେରୁବାଲି ଦ୍ଵାରା ସାପ୍ତାହବ୍ୟାପି ପରିବେଶ ଦିବସ ପାଳନ
ଇମ୍ଫା ,ଥେରୁବାଲି ଦ୍ଵାରା ୩୦ ମଇ ରୁ ୫ ଜୁନ ପର୍ଯ୍ୟନ୍ତ ଏକ ସପ୍ତାହ ବ୍ୟାପି ବିଶ୍ୱ ପରିବେଶ ଦିବସ ପାଳନ କରାଯାଇଥିଲା, ଯାହାର ମୂଳ ଉଦ୍ଦେଶ୍ୟ ଥିଲା ପରିବେଶ ସଚେତନତା ଓ ସସ୍ଥାୟୀତାକୁ ଉତ୍ସାହିତ କରିବା। ଏହି କାର୍ଯ୍ୟକ୍ରମରେ ଶ୍ରମିକ କର୍ମଚାରୀ ଓ ଛାତ୍ରଛାତ୍ରୀଙ୍କୁ ପରିବେଶପ୍ରତି ଦାୟିତ୍ୱବାନ ରୂପେ ଗଢି ତୋଳିବା ପାଇଁ ବିଭିନ୍ନ କାର୍ଯ୍ୟକ୍ରମ ର ବ୍ୟବସ୍ଥା କରାଯାଇଥିଲା।
ଉତ୍ସବରେ ମୁଖ୍ୟ ଅତିଥି ଭାବେ ଶ୍ରୀ ଅଶୋକ କୁମାର ଭୋଇ, କ୍ଷେତ୍ରୀୟ ଅଧିକାରୀ, ପ୍ରଦୂଷଣ ନିୟନ୍ତ୍ରଣ ବୋର୍ଡ (SPCB), ରାୟଗଡା, ଏବଂ ତାଙ୍କ ସହିତ ଶ୍ରୀ ଆର.କେ. ସାହୁ, ଉପ ପରିବେଶ ଇଞ୍ଜିନିୟର ଓ ଶ୍ରୀ ଏ.କେ. ରାୟ, ଉପ-ସଭାପତି ଭରପ୍ରାପ୍ତର ମୁଖ୍ୟ କାର୍ଯ୍ୟନିର୍ବାହୀ ,ଇମ୍ଫା ଉପସ୍ଥିତ ଥିଲେ। ଅତିଥିମାନଙ୍କର ପ୍ରେରଣାଦାୟୀ ବକ୍ତବ୍ୟଗୁଡିକ ଉପସ୍ଥିତ ଶ୍ରମିକ ଓ କର୍ମଚାରୀ ଓ ଛାତ୍ରଛାତ୍ରୀ ମଣ୍ଡଳୀଙ୍କୁ ପରିବେଶ ପାଇଁ ଦୃଢ଼ ପଦକ୍ଷେପ ନେବାରେ ଉତ୍ସାହିତ କରିଥିଲା।
ପ୍ରଦୂଷଣ ନିୟନ୍ତ୍ରଣ, ବର୍ଜ୍ୟବସ୍ତୁ ର ପରିଚାଳନା ଓ ସଂରକ୍ଷଣ ବିଷୟରେ ଆଲୋଚନା ସଭା ଓ ଆନ୍ତର୍କ୍ରିୟାମୂଳକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ସପ୍ତାହ ଦୂରାନ୍ତେ କର୍ମଚାରୀ ଓ ତାଙ୍କ ପରିବାର ମାନେ ଏକ ସଚେତନତା ଶୋଭଯାତ୍ରା ଅଂଶଗ୍ରହଣ କରି ସ୍ଥାନୀୟ ଅଞ୍ଚଳରେ “ ପରିବେଶ ସୁରକ୍ଷିତ ରହିଲେ ଆମେ ସୁରକ୍ଷିତ ରହିବା “ ବାର୍ତ୍ତା ପ୍ରଚାର କରିଥିଲେ।ସେଥିପାଇଁ ଏକ ବୃହତ ବୃକ୍ଷରୋପଣ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା, ଯାହାର ମୁଖ୍ୟ ଉଦ୍ଦେଶ୍ୟ ଥିଲା ପ୍ରାକୃତିକ ସନ୍ତୁଳନ ଓ ସବୁଜ ଆବରଣ ବୃଦ୍ଧି କରିବା।ମୁଖ୍ୟ ଅତିଥି ଓ ସମ୍ମାନୀୟ ଅତିଥି ଇମ୍ଫା ଥେରୁବାଲି ପକ୍ଷରୁ ଗ୍ରହଣ କରାଯାଉଥିବା ସସ୍ଥାୟୀ ପଦକ୍ଷେପ ଉପରେ ପ୍ରଶଂସା କରି, ପରିବେଶ ସୁରକ୍ଷାରେ ବ୍ୟକ୍ତିଗତ ଓ ସାମୂହିକ ଭୂମିକାର ଉଲ୍ଲେଖ କରିଥିଲେ।
ଉଦଯାପନୀ ଦିବସରେ , ସମସ୍ତ ଅଂଶ ଗ୍ରହଣକାରି ଆଗାମୀ ଦିନରେ ମଧ୍ୟ ପରିବେଶ ପାଇଁ ସକ୍ରିୟ ଓ ଦାୟିତ୍ୱବାନ ରହିବେ ବୋଲି ଶପଥ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମକୁ ଶ୍ରୀ ପ୍ରସାନ୍ତ କୁମାର ନାୟକ ( ବରିଷ୍ଠ ପରିଚାଳକ , ଗୁଣବତ୍ତା ନିୟନ୍ତ୍ରଣ) ଓ ଶ୍ରୀ ଦୀପକ କୁମାର ଓଝା (ସହକାରୀ ପରିଚାଳକ ,ଲୋକ ସଂପର୍କ)ଙ୍କ ଯୁଗ୍ମ ସଂଯୋଜନାରେ ଉପ-ସଭାପତି ଭରପ୍ରାପ୍ତର ମୁଖ୍ୟ କାର୍ଯ୍ୟନିର୍ବାହୀ ,ଇମ୍ଫା ଶ୍ରୀ ଏ.କେ. ରାୟ ଙ୍କ ନିର୍ଦ୍ଦେଶନାରେ ବ୍ୟବସ୍ଥାପିତ ଓ ଆୟୋଜିତ ହୋଇଥିଲା।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
