ଗାଁ ଗହଳିରେ ପାଚିଲା ଆମ୍ବ ପାଇଁ ଆମ୍ବତୋଟାରେ ଜମୁଛି ପିଲାଙ୍କ ଭିଡ଼
ଡାବୁଗାଁ, ୭/୬ (ମ.ନି.ସ.)- ପାଚିଲା ଆମ୍ବ ଖାଇବାକୁ କାହାର ବା ଇଛା ନ ଥାଏ | ଋତୁ କାଳୀନ ଏହି ଫଳ ପ୍ରତି ପିଲା ଠାରୁ ବୁଢ଼ା ପର୍ଯ୍ୟନ୍ତ ସମସ୍ତଙ୍କ ଆଗ୍ରହ ରହିଛି | ସହରାଞ୍ଚଳରେ ଲୋକେ ବଜାରରୁ କିଣି ଖାଉଥିବା ବେଳେ ଗ୍ରାମାଞ୍ଚଳ ର କଥା କିନ୍ତୁ ଅଲଗା | ଗ୍ରାମ ମାନଙ୍କରେ ଥିବା 
ଆମ୍ବତୋଟା ମାନଙ୍କରେ ଏବେ ମାଳମାଳ ଶିଶୁ ଓ ଯୁବକ ଯୁବତୀ ମାନଙ୍କ ଭିଡ଼ ଜମାଇଥାନ୍ତି | କାରଣ କେତେବେଳେ ପାଚିଲା ଆମ୍ବଟେ ଝଡି ପଡିବ |ଆମ୍ବ ପଡ଼ୁ ପଡ଼ୁ ଧାଇଁ ପଡୁଛନ୍ତି ପିଲାମାନେ |ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଞ୍ଚଳରେ ଏଭଳି ବହୁ ପୁରୁଣା ଆମ୍ବତୋଟା ସବୁ ରହିଛି |ଏବେ ଆମ୍ବ ଖାଇବାକୁ ଆମ୍ବତୋଟା ମାନଙ୍କରେ ପିଲାମାନଙ୍କ ଭିଡ଼ ଲାଗିରହିଥିବା ଦେଖିବାକୁ ମିଳୁଛି |ହାତରେ ମୋଟା ବାଡ଼ି ଓ ଟେକାପଥର ଫିଙ୍ଗି ଆମ୍ବ ତୋଳୁଛନ୍ତି |ତାତି ବଢିବା ସହ ପବନରେ ପାଚିଲା ଆମ୍ବ ସବୁ ଝଡି ପଡୁଛି |ଝଡି ପଡୁଥିବା ଆମ୍ବ ଗୋଟାଇ ପିଲାମାନେ ଖୁସିରେ ଖାଉଛନ୍ତି |ଘରୁ ବାହାରି ଆମ୍ବତୋଟା ମାନଙ୍କରେ ଆସର ଜମାଉଛନ୍ତି ପିଲାମାନେ | ବର୍ତ୍ତମାନ ଖରା ଛୁଟି ଚାଲିଥିବାରୁ ସ୍ଥାନୀୟ ପିଲାମାନେ ତୋଟା କୁ ଯାଇ ଆମ୍ବ ତୋଳି ଖାଇବାର ମଜା ନିଆରା ବୋଲି ବୟସ୍କ ବ୍ୟକ୍ତି ମାନେ କହିଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
