ମା ହୋଇଲେ ସାହା
ପୁରୁବ ଆକାଶୁ ଆସନ୍ତି ସବିତା ଶାନ୍ତିର ବାରତା ନେଇ
ଘଟଗାଁ ପିଠ ହସି ଉଠୁଅଛି ବସିଛି କରୁଣା ମୟୀ।
ଅତି ମନଲୋଭା କେନ୍ଦୁଝର ଶୋଭା ବଢ଼ାଇ ଯାହାର ପାଇଁ
ସେହି ମା ଯଦି ସାହା ହୋଇ ଥିବ ସାତ ସିନ୍ଧୁ ଯିବି ଡେଇଁ।
ନାଲି ମୁଖ ଦିଶେ ସୁଶୋଭିତ ଗଳାରେ ମନ୍ଦାର ମାଳ
ମାଟି ଘୋଡା ଚଢି ଜଗତ ବୁଲଇ ନିତି ଲୋଡା ଶ୍ରୀଫଳ।
ଶାଳ ଗଛ ମୂଳେ ବସିଅଛି ମାଆ ଦେଖିବ ତାର ଭକତ
ମା ତାରିଣୀ ମୋ ସାହା ହୋଇ ଥିଲେ
ଦୂର ହେବ ମୋର କଷ୍ଟ।
ତୁହି ମା ମଙ୍ଗଳା ତୁହି ମା ଶାରଳା ତୁହି ମା ଅଟୁ ବିରଜା
ତୁ କରୁଣା ମୟୀ ଜଗତଜନନୀ ଉଡେ ତୋ କିରତି ଧ୍ବଜା।
ଜନରଞ୍ଜନ ପ୍ରଧାନ
ଆଳୋଇ
ବାଲିପାଟଣା
ଖୋର୍ଦ୍ଧା
