ଅକ୍ଷୟ ତୃତୀୟା
ଶରତ ଚନ୍ଦ୍ର ପଣ୍ଡା
ବୈଶାଖ ଶୁକ୍ଳ ତୃତୀୟା ତିଥି ରେ
ମହତ ଦିବସ ଓଡ଼ିଆ ପାଇଁ,,
ଅକ୍ଷୟ ତୃତୀୟା ଚଷାକୁଳ ଖୁସି
ଅନକୁଳ ଏହି ଦିନ ହୁଅଇ ll 1
ଗୀତଗୋବିନ୍ଦ ର ପ୍ରାରମ୍ଭ ଏ ଦିନ
ଜୟ ଦେବ ସ୍ଵାମୀ ଆରମ୍ଭି ଥିଲେ,,
କେନ୍ଦୁବିଲ୍ଵ ଗ୍ରାମେ ପବିତ୍ର କବିତା
ରାଧା କୃଷ୍ଣ ନାମେ ଦ୍ଵିଜ ରଚିଲେ ll 2
ଜଗନ୍ନାଥ ନାଥ ଜଗତ ନାଥଙ୍କ
ରଥ କାଠ ହୁଏ ଶୁଭ ଉନ୍ମୋଚ,,
ଶ୍ରୀକ୍ଷେତ୍ର ନଗରେ ପ୍ରତି ଘରେ ଘରେ
ଆନଂଦ ଉତ୍ସବ ହୁଏ ପ୍ରତୀତ ll 3
କୁବେର ମହାର୍ଜା ଏହି ପୁଣ୍ୟ ଦିନେ
ଭଣ୍ଡାର କୁ ପ୍ରାପ୍ତି ଯେ ହୋଇଥିଲେ,,
ଏହି ଦିବସରେ ସୂର୍ଯ୍ୟ ଦେବ ପ୍ରଭୁ
ପାଣ୍ଡବେ ଅକ୍ଷୟ ପାତ୍ର କୁ ଦେଲେ ll 4
ବିଶ୍ଵ ବୀର ପର୍ଶୁ ରାମ ଏ ତିଥିରେ
ଧରା ଧାମେ ପୁଣି ସ୍ଥିର ହୋଇଲେ,,
ଏହି ଦିନ ପୁଣି ପତିତ ପlବନୀ
ଧରାପୃଷ୍ଠେ ଅବତରଣ ହେଲେ ll 5
ଅନ୍ନପୂର୍ଣ୍ଣା ମତା ଏ ପବିତ୍ର ଦିନେ
ହୋଇଥିଲେ ଆବିର୍ଭାବ ସୁଜନେ,,
ମହାଭାରତ ବି ଏହି ଦିବସରେ
ଗଣେଶ ଲେଖିଲେ ବ୍ୟାସ ସଦନେ ll 6
ଶୁଭ କାର୍ଯ୍ୟ ପାଇଁ ଏ ଦିନ ବିଖ୍ୟାତ
କୌଣସି ପାଞ୍ଜି ଖୋଜlହୁଏନା,,
ଯାବତୀୟ ପୁଣ୍ୟ କାର୍ଯ୍ୟ କରାଯାଏ
ଏ ଦିବସ ଓଡ଼ିଆଙ୍କ ବାହାନା ll 7
ସା. ନଗୁଆଁ, ପୋ.ଦରକୁଣ୍ଡି,
ଭା.କବିରପୁର, ଜି.ଯାଜପୁର
