ମିରାବାଲି ପଞ୍ଚାୟତରେ ଗ୍ରାମ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣି ଅନୁଷ୍ଠିତ
ରାଯଗଡ଼ ତା ୧୮-୮-୨୦୨୫ — ରାୟଗଡ଼ ବ୍ଲକର ମିରାବାଲି ପଞ୍ଚାୟତ କାର୍ଯ୍ଯାଳୟ ଠାରେ ଗ୍ରାମ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣି ଅନୁଷ୍ଠିତ ହୋଇଯାଇଛି । ଉପଜିଲ୍ଲାପାଳ ରାୟଗଡ ଶ୍ରୀ ରମେଶ କୁମାର ଜେନା ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣିଥିଲେ । ବିଡିଓ ସୁଜିତ କୁମାର ମିଶ୍ର ଲୋକଙ୍କ ସମସ୍ୟା ଗୁଡିକୁ ବିଭାଗ ଅନୁଯାଇ ସମାଧାନ ନିମନ୍ତେ ହସ୍ତାନ୍ତର କରିଥିଲେ । ମୋଟ ଶୋହଳ ଗୋଟି ଅଭିଯୋଗ ମଧ୍ୟରୁ ଦୁଇଗୋଟି ସାମୁହିକ ଓ ଅବଶିଷ୍ଟ ବ୍ୟକ୍ତିଗତ ଥିଲା । ଡେଙ୍ଗାଯୋଡି ଗ୍ରାମଠାରୁ କାରୁବାଇ ପର୍ଯ୍ୟନ୍ତ ଆର୍ ଡି ରାସ୍ତା ରାୟଗଡ ଠାରୁ ମିରାବାଲି ଓ ଆନ୍ଧ୍ର ସୀମାନ୍ତ ନିମନ୍ତେ ମୁଖ୍ଯ ରାସ୍ତା ଅଟେ । ଏହାର ଅବସ୍ତା ଶୋଚନୀୟ ଥିବାରୁ ଏହାର ମରାମତି ଗ୍ରାମବାସୀ ଦାବୀ କରିଥିଲେ । ଜାଙ୍ଗିଲି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ରାତ୍ର ସମୟରେ ଡାକ୍ତର ରହୁନଥିବା ଅଭିଯୋଗ ହୋଇଥିଲା । ଅନ୍ତୋଦୟ ଗୃହ ଯୋଜନାରେ ଦୁଇଟି, ଭତ୍ତା ନିମନ୍ତେ ଏଗାର ଗୋଟି ଅଭିଯୋଗ ପ୍ରାପ୍ତ ହୋଇଥିଲା । ଅଭିଯୋଗ ଗୁଡିକର ସମାଧାନ ନିମନ୍ତେ ସଂପୃକ୍ତ ଉପବିଭାଗକୁ ହସ୍ତାନ୍ତର କରାଯାଇଥିଲା । ସରପଞ୍ଚ ଅଶୋକ ପୁଆଲା, ନିର୍ବାହୀ ଅଧିକାରୀ ମୃଣାଳକାନ୍ତି ସାହୁ ସମେତ ସିଡିପିଓ ମିନାକ୍ଷୀ ଦାଶ, ଯୋଗାଣ ଅଧିକାରୀ ମାନସ ରଞ୍ଜନ ସୁନା, ପଶୁଧନ ଅଧିକାରୀ ଡ: ସୁବ୍ରତ ପାଣିଗ୍ରାହୀ, ଜିପିଡିଓ ସ୍ମୃତିରେଖା ନାୟକ ଆଦି ବ୍ଲକ ସ୍ତରୀୟ ଅଧିକାରୀ ଯୋଗଦେଇଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
