ବିବାହର ପ୍ରଲୋଭନ ଦେଖାଇ ନାବାଳିକାକୁ ଅପହରଣ ଅଭିଯୋଗ ରେ ଯୁବକ ଗିରଫ
ଡାବୁଗାଁ, ୧୮/୮ (ମ. ନି. ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଞ୍ଚଳରେ ବିବାହର ପ୍ରଲୋଭନ ଦେଖାଇ ନାବାଳିକା କୁ ଅପହରଣ ଅଭିଯୋଗ ରେ ଜଣେ ଯୁବକ କୁ ସୋମବାର ପୋଲିସ ଗିରଫ କରି କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଞ୍ଚଳରେ ୧୬ ବର୍ଷୀୟ ଜଣେ ନାବାଳିକା ୨ ବର୍ଷ ତଳେ ତାଙ୍କ ଗ୍ରାମର ପାଖ ଗ୍ରାମ ର ଜଣେ ୨୪ ବର୍ଷ ର ଯୁବକ ସହ ପ୍ରେମ ସମ୍ପର୍କ ଗଢିଉଠିଥିଲା | ଯୁବକ ଜଣଙ୍କ ବିବାହର ପ୍ରଲୋଭନ ଦେଇ ଧୀରେ ଧୀରେ ପ୍ରେମ ସମ୍ପର୍କ କୁ ଶାରେରୀକ ସମ୍ପର୍କରେ ପରିଣତ ହୋଇଥିଲା | ପରେ ନାବାଳିକା ଜଣଙ୍କ ଯୁବକ ଙ୍କୁ ବିବାହ କରିବା ପାଇଁ ଜିଦ ଧରିଥିଲେ | ନାବାଳିକାକୁ ବିବାହ କରିବାକୁ ମନା କରିଥିଲେ | ଏହାପରେ ନାବାଳିକା ଘଟଣା ବିଷୟରେ ପରିବାର ଲୋକଙ୍କୁ କହିଥିଲା | ଏଥିରେ ପରିବାର ଲୋକେ ରାଜି ହୋଇନଥିଲେ | ପରେ ୧୬/୬/୨୫ ଦିନ ରାତିରେ ଯୁବକ ଜଣଙ୍କ ନାବାଳିକା କୁ ନେଇ କେଉଁ ଆଡେ ଫେରାର ହୋଇଯାଇଥିଲେ l ଏହାପରେ ୧୮/୬/୨୫ ଦିନ ରାତିରେ ନାବାଳିକା ର ବାପା ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୧୩୩/୨୫ ରେ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଥିଲା | ପୋଲିସ ବିଭିନ୍ନ ସ୍ଥାନ ରେ ଖୋଜଖୋଜି କରିବା ପରେ ତାମିଲନାଡୁ ରାଜ୍ୟରୁ ଯୁବକ ଙ୍କୁ ଥାନାକୁ ଆଣି ସୋମବାର ଗିରଫ କରି କୋର୍ଟ ଚାଲାଣ କରାଯାଇଛି | ଥାନା ସବଇନିସ୍ପେକ୍ଟର ଚନ୍ଦନ ସାହୁ ମାମଲାର ତଦନ୍ତ କରୁଛନ୍ତି |
ଡାବୁଗାଁ ରୁ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ
