ବେଙ୍ଗି ପିତ୍ତଳରେ ତିଆରି ଶଙ୍ଖକୁ ସୁନା ଶଙ୍ଖ ବୋଲି ଠକି ବିକ୍ରି କରି ଧରାପଡିଲେ ଦୁଇ ଆସାମୀ ଜେଲ ଗଲେ
ନବରଙ୍ଗପୁର:(୨୫|୭)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅଞ୍ଚଳରେ ବେଙ୍ଗି ପିତ୍ତଳରେ ତିଆରି ଶଙ୍ଖକୁ ସୁନା ଶଙ୍ଖ ବୋଲି କହି ବିକ୍ରି କରି ଧରାପଡି ଜେଲ ଗଲେ ଦୁଇ ଆସାମୀ lଡାବୁଗାଁ ଥାନା ଅଧୀନ ଚାଟିଗୁଡା ଗ୍ରାମର ରାକେଶ ମଣ୍ଡଳ ଓ ମାଝୀଗୁଡ଼ା ଗ୍ରାମର ଦୁସମୁ ହରିଜନ ମିସ୍ତ୍ରୀ ଭାବେ ୭,୮ ବର୍ଷ ତଳେ ଭୁବନେଶ୍ବର ର ରସୁଲଗଡ ପାଖରେ କନଷ୍ଟ୍ରକସନ କାମ କରୁଥିଲେ l ତାଙ୍କ ସହିତ ଯାଜପୁର ଜିଲ୍ଲା ଇନ୍ଦ୍ରାଇ ଗ୍ରାମର ସୁବୋଧ ପାରାମାଣିକ (୪୪)ସେଠାରେ ସୁପରଭାଇଜର ଭାବେ କାମ କରୁଥିଲେ l ସେଠାରେ ଥିବା ସମୟରେ ଦୁସମୁ ସୁପରଭାଇଜର ଭାବେ କାମ କରୁଥିବା ସୁବୋଧ ଙ୍କ ଫୋନ ନମ୍ବର ଆଣିଥିଲା l ଗତ ତା ୧୦|୭ ଦିନ ଦୁସମୁ ତା ମୋବାଇଲ ନମ୍ବର ୯୬୬୮୬୦୪୧୬୪ ଯୋଗେ ସୁବୋଧ କୁ ଫୋନ କରିଥିଲା ମୋ ସାଙ୍ଗ ଚାଷ ଜମିରେ ଗୋଟିଏ ସୁନା ଶଙ୍ଖ ପାଇଛି,ତେଣୁ ତା ୧୧|୭ ଦିନ ସୁବୋଧ ବସ ଯୋଗେ ଡାବୁଗାଁ ଆସିଥିଲା l ତା ୧୨|୭ ଦିନ ଡାବୁଗାଁ ଥାନା ପାଖ ସରାଗୁଡା ଛକ ପାଖ ଜଙ୍ଗଲରେ କଥା ହୋଇଥିଲେ l ଗତ ତା ୧୩|୭ ଦିନ ସୁବୋଧ ର ଭାଇ ୬ ଲକ୍ଷ ଟଙ୍କା ଧରି ଏକ ଗାଡି ଭଡା କରି ତା ୧୪|୭ ରିଖ ସନ୍ଧ୍ୟା ପ୍ରାୟ ୪ ଘଣ୍ଟା ୩୦ ମିନିଟ୍ ରେ ଡାବୁଗାଁ ବସ ଷ୍ଟାଣ୍ଡରେ ପହଁଞ୍ଚି ଦୁସମୁକୁ ଫୋନ ଯୋଗେ ଯୋଗାଯୋଗ କରିଥିଲେ l ଦୁସମୁ ଏକ ମୋଟର ସାଇକେଲ ଧରି ତାଙ୍କ ପାଖେ ପହଞ୍ଚିଥିଲା l୬ ଲକ୍ଷ ଟଙ୍କା ସହ ସୁବୋଧ ଓ ତା ଭାଇ ପ୍ରଫୁଲ୍ଲ ପାରାମାଣିକ ସରାଗୁଡାରେ ଥିବା ଜଙ୍ଗଲ ପାଖକୁ ଯାଇଥିଲେ l ସେ ସ୍ଥାନରେ ପହଁଞ୍ଚିବା ବେଳକୁ ଦୁଇ ଜଣ ଆଗରୁ ସେଠାରେ ଉପସ୍ଥିତ ଥିଲେ, ଦୁଇ ଭାଇ ଙ୍କୁ ସେଠାରେ ଭୟ ଲାଗିବାରୁ ସାନ ଭାଇ କୁ ଭିଡିଓ କରିବାକୁ କହିଥିଲି l ଟଙ୍କା ଦେବା ସମୟରେ ଭିଡିଓ ରେକର୍ଡ କରିଥିଲୁ l ଦୁଇଟି ଗାଡି ଲାଲ ରଙ୍ଗର ହିରୋ ଏଚ୍ ଏଫ୍ ଡିଲକ୍ସର ନମ୍ବର ଓଡି ୧୦ ଜେ ୦୦୩୭ ର ଫଟୋ ଏବଂ ୩ ଜଣଙ୍କର ଫଟୋ ଉଠେଇଥିଲୁ l ଟଙ୍କା ଦେଇ ଅସଲି ସୁନା ଶଙ୍ଖ ଭାବି ସେହିଦିନ ଆମ ଗ୍ରାମକୁ ଫେରିଥିଲୁ ।ଗତ ତା ୧୮|୭ ରିଖ ଯାଜପୁର ଜିଲ୍ଲାର ହରିପୁର ଟାଉନରେ ସେ ନେଇଥିବା ସୁନା ଶଙ୍ଖକୁ ଧରି ଏକ ବଣିଆ ଦୋକାନ ପାଖକୁ ଯାଇ ସୁନା ଶଙ୍ଖକୁ ପରୀକ୍ଷା କରିବା ପରେ ଜାଣିଲେ ଯେ ସୁନା ଶଙ୍ଖଟି ବେଙ୍ଗି ପିତ୍ତଳ ଶଙ୍ଖ l ମୋଟର ସାଇକେଲ ନମ୍ବର ଦ୍ଵାରା ଠିକଣା ଜଣା ପଡ଼ିଥିଲା, ତିନି ଜଣଙ୍କ ଫଟୋ ଓ ଭିଡିଓ ଥିବାରୁ ସେମାନଙ୍କ ନାମରେ ଥାନାରେ ତା ୨୪|୭ ରିଖରେ ସୁବୋଧ ଏତଲା ଦେଇଥିଲେ l ଏତଲାକୁ ଭିତ୍ତି କରି ସୁଦକ୍ଷା ଥାନା ଅଧିକାରୀ ଶ୍ରୀମତୀ ଲଚିମ ପରଜା ,ସହ ନିରୀକ୍ଷକ ମହେଶ୍ଵର ବୁଡୁବାଡେ ଙ୍କ ସହ ପୋଲିସ କର୍ମଚାରୀ ଯାଇ ରାକେଶ ଓ ଦୁସମୁକୁ ଆସନ୍ତା କାଲି ରାତ୍ରରେ ଗିରଫ କରି ଆଜି ଜେଲକୁ ପଠାଇ ଦିଆଯାଇଛି lପ୍ରକାଶ ଥାଉକି ଆସାମୀ ଦୁଇ ଜଣଙ୍କ ଠାରୁ ଦୁଇ ଲକ୍ଷ ୧୧ ହଜାରଟଙ୍କା ଓ ଦୁଇଟି ମୋବାଇଲ ଜବତ ହୋଇଛି l
