ତିନି ଠାକୁର ସୁନା ବେଶରେ ଦେଲେ ଦର୍ଶନ
ନବରଙ୍ଗପୁର:(୨୫|୭)(ରବି ନାରାୟଣ ମହାନ୍ତି)- ନବରଙ୍ଗପୁର ସହର ଠାରେ ପବିତ୍ର ବଡ ଏକାଦଶୀ ଅବସରରେ ରଥାରୁଢ଼ ତିନି ଠାକୁର ସୁନାବେଶରେ ଦର୍ଶନ ଦେଇଛନ୍ତି। ସନ୍ଧ୍ୟା ରଥ ଉପରେ ଚତୁର୍ଦ୍ଧାମୂର୍ତ୍ତି ଶ୍ରୀ ଚକ୍ର ରାଜ ସୁଦର୍ଶନ, ଶ୍ରୀ ବଳଭଦ୍ର, ଶ୍ରୀ ଜଗନ୍ନାଥ ଓ ଦେବୀ ସୁଭଦ୍ରାଙ୍କୁ ସନ୍ଧ୍ୟା ଆଳତି କରାଯିବା ପରେ ରଥରେ ତିନି ଠାକୁର ସୁନାବେଶ ରେ ଦର୍ଶନ ଦେଇଥିଲେ। ସମସ୍ତ ଭକ୍ତ ମଣ୍ଡଳୀ ବିଳମ୍ବିତ ରାତ୍ରି ପର୍ଯ୍ୟନ୍ତ ଏହି ଦୂଲଭ ବେଶ ଦର୍ଶନ କରି ଚର୍ମ ଚକ୍ଷୁ ର ସାର୍ଥକତା ଲାଭ କରିଥିଲେ। ଏହି ଅବସରରେ ନବରଙ୍ଗପୁର ଦେବୋତ୍ତର ବିଭାଗ ଅଧିକାରୀ ଶ୍ରୀ ଭୋଳେଶ୍ବର ନାୟକ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀ ମୋନଜ କୁମାର ବେହେରା, ରାଜ ପୁରୋହିତ ଶ୍ରୀ ନରସିଂହ ତ୍ରିପାଠୀ, ପୂଜକ ଶ୍ରୀ ଶେଷ ବ୍ରହ୍ମା ଓ ଶ୍ରୀ ଦେବୀ ପ୍ରସାଦ ସହ ମନ୍ଦିର ପରିଚାଳନା କମିଟି ସଭାପତି ଶ୍ରୀ ସତ୍ୟବାଦୀ ଷଡ଼ଙ୍ଗୀ, ନୀତି ନିଯୋଗ ପକ୍ଷରୁ ଶ୍ରୀ ନରେଶ ତ୍ରିପାଠୀ , କୁନା ପାତ୍ର, ସହିତ ସମସ୍ତ ସେବାୟତ ସହଯୋଗ କରିଥିଲେ। ଏହା ସହିତ ରଥଯାତ୍ରା -୨୦୨୬, ବାହୁଡା଼ ଯାତ୍ରା ଓ ସୁନାବେଶ ର ପ୍ରତ୍ୟେକ୍ଷ ଧାରା ବିବରଣୀ ଶିକ୍ଷାବିତ ଶ୍ରୀ ଶଶାଙ୍କ ଶେଖର ତ୍ରିପାଠୀ, ଶ୍ରୀମତୀ ହେମଲତା ମାଝି, ଶ୍ରୀମତୀ ଜେମାମଣୀ ବିଷୋୟୀ, ଡଃ ପୂର୍ଣ୍ଣ ଚନ୍ଦ୍ର ମହାପାତ୍ର ଓ ଶ୍ରୀମତୀ ପ୍ରଭାସିନୀ ମହାନ୍ତି ପ୍ରମୁଖ ଧାରା ବିବରଣୀ ପ୍ରଦାନ କରିଥିଲେ। ଏହା ପରେ ଭୋଜନ ସନ୍ଧ୍ୟା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
