ବୀର ବଜରଙ୍ଗୀ ଯୁବକ ସଂଘ ତରଫରୁ ରକ୍ତଦାନ ଶିବିର
କୋଇଡା – ୨୬/୦୮ — ସୁନ୍ଦରଗଡ଼ ଜିଲ୍ଲାର କୋଇଡା ବ୍ଲକର ପାଟମୁଣ୍ଡା ପଂଚାୟତ ଅନ୍ତର୍ଗତ ବଳଡିହି ଗ୍ରାମ ରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି I ବୀର ବଜରଙ୍ଗୀ ଯୁବକ ସଂଘ ଦ୍ୱାରା ଆୟୋଜିତ ଏହି ରକ୍ତଦାନ ଶିବିର ରେ ମୋଟ ୪୭ ୟୁନିଟ ରକ୍ତ ସଂଗୃହିତ ହୋଇଥିଲା I ଆଖପାଖ ଗ୍ରାମ ର ପାଟମୁଣ୍ଡା, ସଣୁଆ, ରାଣୀଶାଳ ଏବଂ ତେହେରାଇ ରୁ ଅନେକ ଜନସାଧାରଣ ଏହି କାର୍ଯ୍ୟକ୍ରମ ରେ ଯୋଗ ଦେଇ ରକ୍ତଦାନ କରିଥିବା ବେଳେ କୋଇଡା ପ୍ରେସ କ୍ଲବ ର ସମ୍ପାଦକ ବିଜୟ ନନ୍ଦ ଜେନା,ବରିଷ୍ଠ ସାମ୍ବାଦିକ ସମ୍ବିତ ଜେନା, ସୁରେଶ ଦାସ,ଦାମୁ ପାତ୍ର ଜୟରାମ ପାତ୍ର ଯୋଗଦାନ କରିଥିଲେ I ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ କୋଇଡା ଗୋଷ୍ଟୀ ଉନ୍ନୟନ ଅଧିକାରୀ ସମେନ୍ଦ୍ର ସାରା କୋଇଡା ତହସିଲଦାର ନିର୍ମଳ ବିଶ୍ୱାଳ ଯୋଗ ଦେଇଥିଲେ I ସମ୍ମାନିତ ଅତିଥି ଭାବେ ପାଟମୁଣ୍ଡା ଗ୍ରାମ ପଂଚାୟତ ର ପୂର୍ବତନ ସରପଞ୍ଚ ଅବିନାଶ ସୁମନ ବାଗେ ଉପସ୍ଥିତ ଥିଲେ I ମୁଖ୍ୟ ଅତିଥି କୋଇଡା ଗୋଷ୍ଟୀ ଉନୟନ ଅଧିକାରୀ ସମେନ୍ଦ୍ର ସାରା ନିଜର ଅଭିଭାଷଣ ରେ କହିଥିଲେ ଯେ ରକ୍ତଦାନ ମହତ ଦାନ । ମଣିଷ ସମାଜ ଅମ୍ଳଜାନ ଠାରୁ ଆରମ୍ଭ କରି ଜୀବନ ବଞ୍ଚାଇବା ପାଇଁ ଦରକାର ପଡୁଥିବା ଅଧିକାଂଶ ଜିନିଷ ତିଆରି କରି ପାରୁଥିବା ବେଳେ କେବଳ ରକ୍ତ ର କୌଣସି ବିକଳ୍ପ ନାହିଁ I ଏହାକୁ କେବଳ ଜଣେ ମନୁଷ୍ୟ ରକ୍ତଦାନ ଦ୍ୱାରା ଆଉ ଜଣକୁ ଦେଇପାରିବ I ଜଣଙ୍କ ରକ୍ତରେ ୩ ଜଣଙ୍କ ଜୀବନ ରକ୍ଷା ରେ ସାହାଯ୍ୟ କରିବ ।ତେଣୁ ବଳଡ଼ିହି ପରି ଏକ ଉପାନ୍ତ ଅଂଚଳ ରେ ଏହି କାର୍ଯ୍ୟକ୍ରମ ହେଉଥିବାରୁ ଆୟୋଜକ ସଂଘ ର ସମସ୍ତ ସଦସ୍ୟ ମାନଙ୍କୁ ଏହି ମହତ କାର୍ଯ୍ୟ ପାଇଁ ପ୍ରଶଂସା କରିଥିଲେ I ଏହି କାର୍ଯ୍ୟକ୍ରମ ର ସଫଳ ଆୟୋଜନ ରେ ବଣାଇ ରକ୍ତ ଭଣ୍ଡାର ର ଡାକ୍ତର ଓ କୋଇଡା ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ର ଡାକ୍ତର ସନତ ପଶୁପାଳକ ପ୍ରମୁଖ ଭୂମିକା ଗ୍ରହଣ କରିଥିଲେ I ବୀର ବଜରଙ୍ଗୀ ଯୁବକ ସଂଘ ର ସଭାପତି ନକୁଳ ପାତ୍ର ସମ୍ପାଦକ ତପନ ପାତ୍ର ଓ ସଂଘ ର ସମସ୍ତ ସଦସ୍ୟ ରକ୍ତ ଶିବିର ସଫଳ ଆୟୋଜନ ରେ ମୁଖ୍ୟ ଭୂମିକା ଗ୍ରହଣ କରିଥିଲେ I
କୋଇଡାରୁ ଅକ୍ଷୟ ବିଶ୍ବାଳ ମସିହା ନିଉଜ
