ମେଧାଅନ୍ବେଷଣ ପ୍ରତିଯୋଗିତାରେ ୫ ଜଣଙ୍କୁ ମିଳିଲା ପ୍ରଥମ ସ୍ଥାନ
ଖଇରା,୦୨/୯/୨୫- ମନରେ ଆଗ୍ରହ ଓ ଇଚ୍ଛା ଶକ୍ତି ଜାଗ୍ରତ ଥିଲେ ବ୍ଯକ୍ତିର ବ୍ଯକ୍ତିତ୍ବ ପରିପ୍ରକାଶରେ ବାଧା ସୃଷ୍ଟି ହୁଏ ନାହିଁ । ପିଲା ଠାରୁ ବୁଢା ପର୍ଯ୍ୟନ୍ତ ସମସଙ୍କର କିଛି ନା କିଛି ଶିଖିବାର ଇଚ୍ଛା ଶକ୍ତି ଥାଏ । ଏହି ଆଗ୍ରହ ବା ଇଚ୍ଛା ଶକ୍ତିକୁ ଅଧିକରୁ ଅଧିକ ବୃଦ୍ଧି ନିମନ୍ତେ ପ୍ରତ୍ୟେକ ରବିବାର ମେଧାଅନ୍ବେଷଣ କାର୍ଯ୍ୟକ୍ରମ ହୋଇଥାଏ ” ମୋ ଅନୁଷ୍ଠାନ ” ହ୍ଵାଟ୍ସଆପ୍ ଗୃପରେ । ଏଥିରେ ଆବାଳବୃଦ୍ଧବନିତା ସମସ୍ତେ ଭାଗ ନେଇଥାନ୍ତି । ଏଇ ପରିପ୍ରେକ୍ଷୀରେ ଗତ ତା ୩୧/୮/୨୦୨୫ ରିଖ ରବିବାର ଦିନ ମେଧାଅନ୍ବେଷଣ ବା ଜି.କେ. ଅନୁଷ୍ଠିତ ହୋଇଥିଲା । ରାଜ୍ୟର ବିଭିନ୍ନ ସ୍ଥାନରୁ ମୋଟ ୨୯ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ବିଶେଷକରି ବହୁଳ ମାତ୍ରାରେ ସରସ୍ୱତୀ ଶିଶୁ ମନ୍ଦିର ଛାତ୍ରଛାତ୍ରୀ ମାନେ ଆଗ୍ରହର ସହିତ ଭାଗ ନେଉଛନ୍ତି । ସମସ୍ତ ଉତ୍ତର ଗୁଡିକୁ ସମୀକ୍ଷା କରିଥିଲେ ସୁ-ସାହିତ୍ୟିକା ଓ ସୁ-ଶିକ୍ଷିତା ଅପରାଜିତା ରଥ,ଭଦ୍ରକ । ସମୀକ୍ଷା କାର୍ଯ୍ୟରେ ଶ୍ରୀମତୀ ରଥଙ୍କୁ ସହଯୋଗ କରୁଛନ୍ତି ତାଙ୍କର କୁନି ପ୍ରତିଭା ଝିଅ ସାଇ ସମୀକ୍ଷା ରଥ, ଯାହାର ପ୍ରତିଭାରେ ମୁଗ୍ଧ ହୋଇ ଡିସେମ୍ବର ୨୭ ତାରିଖରେ ରୂପା ମୁକୁଟ ପ୍ରଦାନ କରିବ ” ମୋ ଅନୁଷ୍ଠାନ ” । ଛାତ୍ରଙ୍କ ମଧ୍ୟରେ ସରସ୍ବତୀ ଶିଶୁ ବିଦ୍ଯା ମନ୍ଦିର, ଧୂଷୁରୀ, ଭଦ୍ରକର ଛାତ୍ର ଭୂମିକ୍ ସାହୁ ଓ ଦର୍ଶନୀ ଚରଣ ସରକାରୀ ଉପ୍ରା ବିଦ୍ୟାଳୟ, ପାଣିସାଉଳି, ଖଇରା, ବାଲେଶ୍ଵରର ଛାତ୍ର ଜିତ୍ ଆଦିତ୍ୟ ରାଉତ ଅନ୍ତର୍ଭୁକ୍ତ । ସୁନ୍ଦର ଓ ନିର୍ଭୁଲ ସମୀକ୍ଷାରୁ ୫ ଜଣଙ୍କୁ ପ୍ରଥମ ସ୍ଥାନ ମିଳିଛି । ସେମାନେ ହେଲେ ଭୂମିକ୍ ସାହୁ, ଜିତ୍ ଆଦିତ୍ୟ ରାଉତ, ପୂର୍ଣ୍ଣ ଚନ୍ଦ୍ର ସିଂହ, ଅଡରବଜାର, ବାଲେଶ୍ବର, ନିବେଦିତା ପଣ୍ଡା, ରାଉରକେଲା, ସୁନ୍ଦରଗଡ଼ ଓ ବନଲତା ଜାଲି, କୃଷ୍ଣ ପ୍ରସାଦ, ପୁରୀ । ୫ ଜଣ ଯାକ ୧୦ ମାର୍କରୁ ୧୦ ମାର୍କ ରଖି ପ୍ରଥମ ସ୍ଥାନ ଅଧିକାର କରି ନିଜ ଅଞ୍ଚଳ ତଥା ଅନୁଷ୍ଠାନକୁ ଗୌରବାନ୍ବିତ କରିଥିବାରୁ ଅନୁଷ୍ଠାନର ସଭାପତି କୁଞ୍ଜଲତା ମାହୁଁନ୍ତ ସମସଙ୍କ ଇଚ୍ଛା ଶକ୍ତି ଓ ଆଗ୍ରହକୁ ସ୍ବାଗତ ଜଣାଇବା ସହିତ ଚଲାପଥ କୁସୁମିତ ନିମନ୍ତେ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛନ୍ତି । ସମସ୍ତ ୫ ଜଣଙ୍କୁ ଅନୁଷ୍ଠାନ ତରଫରୁ ରାଧାକୃଷ୍ଣ ଫଟୋ ଚିତ୍ର ଓ ଟ୍ରଫି ବାର୍ଷିକ ଉତ୍ସବରେ ପ୍ରଦାନ କରାଯିବ । ଏଥିସହିତ ସମସ୍ତ ପ୍ରତିଯୋଗୀଙ୍କୁ ବାର୍ଷିକ ଉତ୍ସବରେ ଯୋଗଦେବା ନିମନ୍ତେ ଅନୁରୋଧ କରିଛନ୍ତି ସମ୍ପାଦକ ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
