ଯୁକ୍ତ ଦୁଇ ବାଳକ କବାଡି ପ୍ରତିଯୋଗିତା
ଆସିକା,୨୨.୦୯.୨୦୨୫ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡିଶା ଆନୁକୁଲ୍ୟରେ ଧରାକୋଟ ବ୍ଲକର ମୁଣ୍ଡମରାଇ ସ୍ଥିତ ସୋମନାଥ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଯୁକ୍ତ ଦୁଇ ବାଳକ ବିଭାଗ କବାଡି ଖେଳ ଅନୁଷ୍ଠିତ ହୋଇଯାଇଛି । ଏଥିରେ ଗଞ୍ଜାମ ଜିଲ୍ଲାର ବିଭିନ୍ନ ଯୁକ୍ତ ଦୁଇ କଲେଜ୍ ର କବାଡି ଦଳ ଅଂଶଗ୍ରହଣ କରିଛନ୍ତି। ଏହି ଟୁର୍ଣ୍ଣାମେଣ୍ଟ କୁ କଲେଜ ଅଧ୍ୟକ୍ଷ ଦିଗାମ୍ବର ବିଷୋୟୀ ଉଦଘାଟନ କରିଥିବା ବେଳେ ଅତିଥି ଭାବରେ ଓଡ଼ିଶା ରାଜ୍ୟ ଶାରୀରିକ ଶିକ୍ଷା ଶିକ୍ଷକ (ଅବସର ପ୍ରାପ୍ତ) ସଂଘ ର ସଭାପତି ସଚ୍ଚିଦାନନ୍ଦ ଦାସ , ଧରାକୋଟ ବ୍ଲକ୍ ଶାରୀରିକ ଶିକ୍ଷା ଶିକ୍ଷକ ସଂଘ ସଂପାଦକ ପାଣ୍ଡବ ସ୍ୱାଇଁ ଯୋଗ ଦେଇଥିଲେ। ଆଜିର ପ୍ରତିଯୋଗିତାର ବିଜୟୀ ଦଳ ମଧ୍ୟରେ ଆସିକା କଲେଜ, ବୁଗୁଡ଼ା କଲେଜ, ଋଷିକୂଲ୍ୟା କଲେଜ (ସୋରଡ଼ା) , କଙ୍କରୋଡା କଲେଜ , ପୋଡ଼ାମାରି କଲେଜ ଓ ସାଉଁଟିଆ ପଲି ବିଜୟୀ ହୋଇଛନ୍ତି । ମୁଣ୍ଡମରାଇ କଲେଜ କ୍ରୀଡା ଶିକ୍ଷକ କେ. ନାନବାବୁ ଦୋରା ଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ପରିଚାଳିତ ଏହି ପ୍ରତିଯୋଗିତା ତିନି ଦିନ ଧରି ଚାଲିବ । ଆସନ୍ତା କାଲି ଛତ୍ରପୁର କଲେଜ ଓ ଆଜିର ବିଜୟୀ ଦଳ ମଧ୍ୟରେ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ କଲେଜ ର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ସହଯୋଗ ପ୍ରଦାନ କରିଥିଲେ। ପ୍ରକାଶ ଯୋଗ୍ୟ ସମଗ୍ର ଓଡ଼ିଶାର15 ଗୋଟି କଲେଜ ରେ ଏପରି ପ୍ରତିଯୋଗିତା ଅନୁଷ୍ଠିତ ହେଉଛି ।
ଆସିକା ରୁ ଶିବ ଶଙ୍କର ମିଶ୍ର ଙ୍କ ରିପୋର୍ଟ ମସିହା ନ୍ୟୁଜ
