କାଶିଆବେଡାରେ ପୋଖରୀରେ ଚାଷୀ ମୃତ
ମୟୂରଭଂଜ – ୮/୧୦ — ମୟୂରଭଂଜ ଜିଲ୍ଲାର ବାଦାମ ପାହାଡ଼ ଥାନା ଅନ୍ତର୍ଗତ କାଶିଆବେଡା ଗ୍ରାମରେ ଜନୈକ ଚାଷୀ ଭଞ୍ଜ ପିଙ୍ଗୁଆ(୩୦) ଗ୍ରାମ୍ୟ ପୋଖରୀରେ ବୁଡି ମୃତ୍ଯୁ ହୋଇଥିବା ଅଭିଯୋଗ ହୋଇଛି ।ସୂଚନାଯୋଗ୍ୟ କାଶିଆବେଡା ଗ୍ରାମର ଚାଷୀ ଭଂଜ ପିଙ୍ଗୁଆ ଵିଲକାମ ସାରି ଅପରାହ୍ନରେ ପାଖାପାଖି ସମୟରେ ଗାଁ ପୋଖରୀରେ ଗାଧୋଉଥିବା ବେଳେ ଗୋଡ ଖସି ଯାଇଥିଲା ।ସେ ପାଣିରେ ବୁଡି ଯାଇଥିଲେ ।ସେଠାରେ ମଧ୍ଯ ତାଙ୍କ ପତ୍ନୀ ଘର ବାସନକୁସନ ଧୁଆ ଧୋଇ କରୁଥିଲେ ।କିଛି ଛୋଟପିଲା ମଧ୍ୟ ସେଠାରେ ଖେଳାଖେଳି କରୁଥିଲେ ।ସେମାନେ ଲୋକଟି ବୁଡି ଯାଉଥିବା ଦେଖି ଚିତ୍କାର କରିଥିଲେ ।ତଦସହ ପୋଖରୀ ଭିତରେ ପଶି ପାଣିରୁ ଲୋକଟିକୁ ଉଦ୍ଧାର କରି ବାଦାମ ପାହାଡ଼ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ ।ପରେ ପରିସ୍ଥିତି ଗୁରୁତର ହେଵାରୁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ଆଣୁଥିବା ସମୟରେ ରାଇରଙ୍ଗପୁର ଗୋଲେଇ ଛକରେ ପ୍ରାଣବାୟୁ ଉଡିଯାଇଥିଲା ।ପରେ ରାଇରଙ୍ଗପୁର ହସ୍ପପିଟାଲରେ ଡାକ୍ତର ମୃତ ଘୋଷଣା କରିଥିଲେ ।ବାଦାମ ପାହାଡ଼ ପୋଲିସ ଏକ ଅପମୃତ୍ୟୁ ମାମଲା କେଶ ନମ୍ବର ୧୯/୨୫ ରୁଜୁ କରି ଶବଟିକୁ ବ୍ୟବଚ୍ଛେଦ କରାଇ ପରିବାରବର୍ଗଙ୍କୁ ହସ୍ତାନ୍ତର କରିଥିଲେ ।
ମୟୂରଭଂଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
