।। ଲାଗେ ଭାରି ଭଲଲାଗେ ।।

                 କୈଳାସ ଚ଼ନ୍ଦ୍ର ପାଢ଼ୀ 

 

ମୃତ୍ୟୁ ମୋତେରେ

ଦେଇଛି ଜୀବନ

            ଜୀବନ ଦେଇଛି ମୃତ୍ୟୁ,

ସେ ପଥରେ କେତେ

ଦେଖିଅଛି ପୁଣି

            ହର୍ଷ-ବିଷାଦ ଋତୁ ।।

 

ଭେଟି ଅଛି ପୁଣି

ତାରକା ମେଳରେ

           ଚ଼ାନ୍ଦ ଉଆଁର ବେଳା,

ସ୍ବପ୍ନ-ସାଗରେ

ଭସାଇଛି ପୁଣି

          ଜୀବନର-ଫୁଲଭେଳା ।।

 

ଅମାବାସ୍ୟାର

ଅନ୍ଧାର ପୁଣି

          ଭେଟି ଅଛି ବେଳେବେଳେ,

ରକ୍ତାକ୍ତ କେବେ

ହୋଇଅଛି ପୁଣି

          ଦିଶା ହୀନ ସ୍ବପ୍ନରେ ।।

 

ଜନ୍ମ-ମୃତ୍ୟୁ ର

ଏଇ ଖେଳ ମୋତେ

          ଲାଗେ ଭାରି ଭଲ ଲାଗେ,

ସତ୍ୟର ଏଇ

ଚ଼କ୍ର ବ୍ୟୁହରେ

          ଅନୁସନ୍ଧିତ୍ସା ଛାଡ଼େ ।।

         

କୁମାର ପୁର।ଅନନ୍ତପୁର।

ବାସୁଦେବପୁର।ଭଦ୍ରକ।