ବବି-ସଂଗ୍ରାମ ମୁକାବିଲା — ଯାଜପୁରରେ ରାଜନୀତି ରୋମାଞ୍ଚ !
ସଂଗ୍ରାମ ପାତ୍ର ଯୁବ ଶକ୍ତିର ପ୍ରତିକ, ବିଜେଡିର ପ୍ରଭାବକୁ ଦେଉଛନ୍ତି ଚ୍ୟାଲେଞ୍ଜ!
ଯାଜପୁର, ୨୯/୧୦ : (ମସିହା ନ୍ୟୁଜ) : ଯାଜପୁର ନିର୍ବାଚନମଣ୍ଡଳୀରେ ରାଜନୀତିକ ହାଲଚାଲ୍ ଏବେ ତୀବ୍ର ହୋଇଯାଇଛି।
ଜଣେ ସ୍ଥାନୀୟ ରାଜନୈତିକ ଚର୍ଚ୍ଚାକାରୀଙ୍କ ମତ — “ଏଠାରେ ବିଜେଡି ନେତା ପ୍ରଣବ ପ୍ରକାଶ ଦାସ (ବବି)ଙ୍କ ଦୀର୍ଘ ଅଧିପତ୍ୟକୁ ଏବେ ବିଜେପି ନେତା ସଂଗ୍ରାମ ପାତ୍ର ସକ୍ରିୟ ଭାବରେ ଚ୍ୟାଲେଞ୍ଜ କରୁଛନ୍ତି।”
ସଂଗ୍ରାମ ପାତ୍ର, ଯିଏ ଓଡ଼ିଶା ବିଜେପି ଯୁବମୋର୍ଚ୍ଚା ଉପସଭାପତି, ଗାଁଠାରୁ ସହର ପର୍ଯ୍ୟନ୍ତ ନିଜ ସକ୍ରିୟ ଯୁବ ନେତୃତ୍ୱରେ ଦଳକୁ ନୂଆ ଉତ୍ସାହ ଦେଇଛନ୍ତି।ତାଙ୍କର “ମାଟି ସହ ଯୋଗଦାନ ଓ ଯୁବମନର ସଂସ୍ପର୍ଶ” ଯାଜପୁରରେ ବିଜେପି ପାଇଁ ଆଣିଛି ନୂଆ ଶକ୍ତି। ସଂଗ୍ରାମଙ୍କ ନେତୃତ୍ୱରେ ଯୁବ ମୋର୍ଚ୍ଚା ଓ ଛାତ୍ର ସଂଗଠନର କାର୍ଯ୍ୟକର୍ତ୍ତାମାନେ ଏବେ ସଂଗଠନ ଗଢ଼ି ତୋଳୁଛନ୍ତି। ଯୁବ ମାନଙ୍କ ମତ — “ବିଜେପି ଯଦି ସଂଗ୍ରାମଙ୍କୁ ଯଥାଯୋଗ୍ୟ ମଞ୍ଚ ଓ ଦାୟିତ୍ୱ ଦିଏ, ଯାଜପୁରର ରାଜନୀତିକ ଚିତ୍ର ପୁରା ପରିବର୍ତ୍ତିତ ହେବ।”
ଏପଟେ, ବିଜେଡି ରାଜ୍ୟ ଉପସଭାପତି ପ୍ରଣବ ପ୍ରକାଶ ଦାସ (ବବି)ଙ୍କ ପ୍ରଭାବ ଗତ କିଛି ବର୍ଷରେ ଅଳ୍ପିତ ହୋଇଥିବା ଚର୍ଚ୍ଚା ଚାଲିଛି।ଗତ ନିର୍ବାଚନରେ ପରାଜୟ ପରେ ତାଙ୍କ ଗ୍ରାସରୁଟ ସଂପର୍କ ବହୁଳ ଅବସାଦଗ୍ରସ୍ତ ହୋଇପଡିଛି ।ଏବେ ବିଜେପି ଡବଲ ଇଞ୍ଜିନ୍ ସରକାର ଭିତରେ ଦୃଢ଼ ସଂଗଠନ ଗଢ଼ି ନେବାକୁ ଯେପରି ଚେଷ୍ଟାରତ, ସେଠି ସଂଗ୍ରାମ ପାତ୍ର ଅଗ୍ରସାର ହୋଇଛନ୍ତି।ବିଜେଡି ଓ କଂଗ୍ରେସ ଛାଡ଼ି ଯୁବପିଢ଼ି ଏବେ ଦିନକୁ ଦିନ ବିଜେପି ସହିତ ଯୋଡୁଛନ୍ତି — ଯାହା ସଂଗ୍ରାମଙ୍କ ଲୋକପ୍ରିୟତା ଓ ସଂଗଠନ ଶକ୍ତିର ପ୍ରମାଣ ହୋଇଉଠିଛି।ସ୍ଥାନୀୟ ରାଜନୈତିକ ବିଶ୍ଳେଷକ ମତ ଦେଇଛନ୍ତି —ଯାଜପୁର ନିର୍ବାଚନମଣ୍ଡଳୀରେ ବିଜେପି ଯଦି ସଂଗ୍ରାମ ପାତ୍ରଙ୍କୁ ମୁଖ୍ୟ ମଞ୍ଚ ଦିଏ, ତେବେ ଏହା କେବଳ ବବିଙ୍କ ବିରୋଧରେ ନୁହେଁ, ବରଂ ବିଜେଡି ଗଡ଼କୁ ଚେକ୍ ଦେବା ଲଢେଇ ହେବ। ସଂଗ୍ରାମଙ୍କ ଯୁବ ଉର୍ଜା ଓ ଜନସଂପର୍କ ବିଜେପି ପାଇଁ ନୂଆ ଆଶା ସୃଷ୍ଟି କରୁଛି।
