ବିଂଝାରପୁର ବ୍ଲକ ସିଂହପୁର ଠାରେ ବ୍ରହ୍ମକୁମାରୀଜ ଆଧ୍ୟାତ୍ମିକ ପ୍ରବଚନ କାର୍ଯ୍ୟକ୍ରମ
ଯାଜପୁର ୨|୧୧ ( ମସିହା ନ୍ୟୁଜ ) : ପ୍ରଦୀପ କୁମାର ମଲ୍ଲିକ : ସିଂହପୁର ବ୍ୟବସାୟୀ ସଂଘ ତରଫରୁ ଆୟୋଜିତ କାଳୀପୂଜା ଅବସରରେ କଲେଜ ରୋଡ଼ ସିଂହପୁର ସ୍ଥିତ ପ୍ରଜାପିତା ବ୍ରହ୍ମ କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଗୀତା ପାଠଶାଳା ଦ୍ୱାରା ଆଧ୍ୟାତ୍ମିକ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ଉକ୍ତ କାର୍ଯ୍ୟକ୍ରମରେ ମୁଖ୍ୟ ପ୍ରବଚକ ଶ୍ରୀଯୁକ୍ତ ବ୍ରହ୍ମକୁମାର ଜୟକୃଷ୍ଣ ଭାଇ , ବ୍ର. କୁ ଭାବନା ଭଉଣୀ, ବ୍ର. କୁ ରୀତା ଭଉଣୀ, ବ୍ର.କୁ ରମା ଭଉଣୀ, ସରପଞ୍ଚ ଶ୍ରୀଯୁକ୍ତ ଶଶାଙ୍କ ଶେଖର ଖିଲାର, ବ୍ର.କୁ ବ୍ରଜ ଭାଇ,ରତ୍ନାକର ସାହୁ ଓ ଜ୍ଞାନେନ୍ଦ୍ର ବେଉରିଆ ଉପସ୍ଥିତ ଥିଲେ | ପ୍ରଥମେ ରତ୍ନାକର ସାହୁ ମୁଖ୍ୟ ଅତିଥି,ମୁଖ୍ୟ ପ୍ରବଚକ ଏବଂ ଅନ୍ୟ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ | ଯାଜପୁର ସେବା କେନ୍ଦ୍ରର ସଂଚାଳିକା ବ୍ର.କୁ ଭାବନା ଭଉଣୀ ଅତିଥି ମାନଙ୍କୁ ଉତ୍ତରୀୟ ଓ ପୁଷ୍ପଗୁଛ ପ୍ରଦାନ କରି ସ୍ୱାଗତ ଜଣାଇଥିଲେ | କାର୍ଯ୍ୟକ୍ରମର ମୁଖ୍ୟଆକର୍ଷଣ ଥିଲେ ଖୋର୍ଦ୍ଦାରୁ ଆସିଥିବା ବ୍ର.କୁ ଜୟକୃଷ୍ଣ ଭାଇ | ସେ ତାଙ୍କର ପ୍ରବଚନ କଥା ଏବଂଗୀତ ମାଧ୍ୟମରେ ପରିବେଷଣ କରିଥିଲେ | ପରମାତ୍ମାଙ୍କର ବାଣୀକୁ ଅତି ସୁନ୍ଦର ଭାବରେ ବୁଝାଇଥିଲେ | ଆଜିର ଦୁନିଆଁ ଅଶାନ୍ତ, କଳୁଷିତ ଓ ବିପଥଗାମୀ ହେବାରେ ଲାଗିଛି |ଆତ୍ମ ସ୍ଥିତିରେ ସ୍ଥିତ ହୋଇ ପରମାତ୍ମାଙ୍କୁ ସ୍ମୃତିରେ ରଖିଲେ ବିକର୍ମ ବିନାଶ ହେବା ସହିତ ନିଜର ସ୍ୱକଲ୍ୟାଣ ହୋଇପାରିବ |ସହଜ ରାଜଯୋଗ ଶିକ୍ଷା ଦ୍ୱାରା ମନୁଷ୍ୟ ଦୈବୀଗୁଣ ଧାରଣ କରି ଶ୍ରେଷ୍ଠତା ପ୍ରାପ୍ତ କରି ପାରିବ | ବ୍ର.କୁ ରୀତା ଭଉଣୀ ଏକ ଉପାଦେୟ କବିତା ଆବୃତ୍ତି କରି ସମସ୍ତଙ୍କର ଆତ୍ମ ଚେତନା ଜାଗ୍ରତ କରାଇଥିଲେ | ବ୍ର.କୁ ରମା ଭଉଣୀ ଆହ୍ୱାନ କରିଥିଲେକି ନିକଟସ୍ଥ ସେବାକେନ୍ଦ୍ରକୁ ଆସନ୍ତୁ,ରାଜଯୋଗ ଶିକ୍ଷା ଆପଣାନ୍ତୁ ଏବଂ ଜୀବନକୁ ଚିନ୍ତାମୁକ୍ତ କରି ସୁଖଶାନ୍ତିରେ ବିତାନ୍ତୁ | ସିଂହପୁରର ଯୁବ ସରପଞ୍ଚ ଏହି ଆଧ୍ୟାତ୍ମିକ ପ୍ରବଚନକୁ ଭୁୟସୀ ପ୍ରଶଂସାକରିଥିଲେ |ବାଦ୍ୟଯନ୍ତ୍ରରେ ବୈଷ୍ଣବ ଚରଣ ମଲ୍ଲିକ ଓ ଦାଦନ ଜେନା ସହଯୋଗ କରିଥିଲେ |ଏହି ସଭାରେ ବହୁ ଆଧ୍ୟାତ୍ମିକ ପ୍ରେମୀ ଉପସ୍ଥିତ ରହି ଶେଷ ପର୍ଯ୍ୟନ୍ତ କାର୍ଯ୍ୟକ୍ରମ କୁ ଶୁଣିଥିଲେ ଶେଷରେ ବ୍ର.କୁ ବ୍ରଜ ଭାଇ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ |
