ଭାଇବ୍ରାଣ୍ଟ ର ସାମାଜିକ କାର୍ଯ୍ୟକ୍ରମ
ରାଉରକେଲା: ରୋଟାରୀ କ୍ଲବ ଅଫ୍ ରାଉରକେଲା ଭାଇବ୍ରାଣ୍ଟ ର ନୂତନ ସଭାପତି ଭାବେ ରୋଟାରୀଆନ ଡ ସଞ୍ଜୁକ୍ତା ପତି ମନୋନୀତ ହେବା ପରେ ପ୍ରଥମ ପ୍ରୟାସ ସ୍ଵରୁପ ଅନୁଷ୍ଠାନର ସାମାଜିକ କାର୍ଯ୍ୟକ୍ରମରେ ଛେଣ୍ଡ ପ୍ରଥମ ଫେଜ ରେ ଥିବା ଡାକଘର ଠାରେ ଏକ ୱଟର କୁଲର ଉନ୍ମୋଚନ କରାଯାଇଛି। ଏହି କାର୍ଯ୍ୟକ୍ରମରେ ନୂତନ ଭାବେ ଦାୟିତ୍ଵ ନେଇଥିବା ୩୨୬୧ ଜିଲ୍ଲା ଗଭର୍ଣ୍ଣର ଆଲାମ ସିଂ ରୂପ୍ରା ଓ ଫାଷ୍ଟ ଲେଡି ହରପାଲ ରୂପ୍ରା ଅତିଥି ଭାବେ ଯୋଗ ଦେଇ ଏହି ଥଣ୍ଡା ପାନୀୟ ଯନ୍ତ୍ରକୁ ଉଦ୍ଘାଟନ କରିଥିଲେ। ଫଳରେ ଏଠାରେ ଆବଶ୍ୟକ ହେଉଥିବା ତଥା ସେହି ରାସ୍ତା ରେ ଯାଉଥିବା ସମସ୍ତ ପଥଚାରୀ ଏହାର ସୁଫଳ ପାଇପାରିବେ ବୋଲି କୁହାଯାଇଛି। ପ୍ରାରମ୍ଭରେ ସଭାପତି ରୋଟାରୀଆନ ଡ ପତି ସ୍ବାଗତ ଭାଷଣ ଦେଇଥିବା ବେଳେ ଶେଷରେ ସାଧାରଣ ସମ୍ପାଦକ ରୋଟାରୀଆନ ବିଜୟଲକ୍ଷ୍ମୀ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ସମସ୍ତ ରୋଟାରୀଆନ ତଥା ପ୍ରାକ୍ତନ ସଭାପତି ଡ ମୀନତି ପଣ୍ଡା, ପ୍ରଶାନ୍ତ କୁମାର ପତି,ଅଜିତ ପୁଜାରୀ, ଗଣେଶ୍ୱର ପଟ୍ଟନାୟକ, ପ୍ରଶାନ୍ତ ରଞ୍ଜନ ପାତ୍ର, ସବିତା ମହାନ୍ତି, ବସନ୍ତ କୁମାର ତନ୍ତୀ, ସଞ୍ଜୟ ମହାନ୍ତି,ସୋମା ମହାପାତ୍ର, ବିଗ୍ନେଶ ପତି, ଶ୍ରୀଧର ମଲ୍ଲିକ, ଅଞ୍ଜଳି ହୋତା ,ସଞ୍ଜିତ ଛୋଟରାୟ, ଅଶୋକ କୁମାର ମିଶ୍ର, ସ୍ଥାନୀୟ ବିଶିଷ୍ଟ ବ୍ୟକ୍ତିଙ୍କ ମଧ୍ୟରେ ସନ୍ତୋଷ ମହାପାତ୍ର, ନିତ୍ୟାନନ୍ଦ ବିଶ୍ବାଳ, ପ୍ରସନ୍ନ ତ୍ରିପାଠୀ, ରବିନ୍ଦ୍ର ପଣ୍ଡା, ବ୍ରଜକିଶୋର ପାଣି ପ୍ରମୁଖ ଉପସ୍ଥିତ ଥିଲେ। ଏଭଳି କାର୍ଯ୍ୟକ୍ରମକୁ ସାଧାରଣରେ ପ୍ରଶଂସା କରାଯାଇଛି।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
