ଅସହାୟ ବିଧବା ବୃଦ୍ଧା ମହିଳାଙ୍କୁ ମିଳୁନି ଅନ୍ତୋର୍ଦୟ ଗୃହ
କାମାକ୍ଷାନଗର (ମନିସ)4/11/25 — ଢେଙ୍କାନାଳ ଜିଲ୍ଲା ଭୁବନ ବ୍ଲକ ଭୂଷଳ ଗ୍ରାମ ପଞ୍ଚାୟତ ଅନ୍ତର୍ଗତ ଅସୁରବନ୍ଧ ପାଟଣା ଗ୍ରାମରେ ଦେଖା ଦେଇଛି ଏକ ଅଭାବନୀୟ ଘଟଣା | ଜଣେ ଅସହାୟ ୮୦ ବର୍ଷିଆ ଗରିବ ବିଧବା ବୃଦ୍ଧା ମହିଳାଙ୍କୁ ଏ ପର୍ଯ୍ୟନ୍ତ ମିଳି ପାରିନାହିଁ ପକ୍କାଘର ଖଣ୍ଡିଏ | ଝାଟି ମାଟି ଚାଳ ଛପର କୁଡ଼ିଆରେ ରହୁଛନ୍ତି ଏହି ବୃଦ୍ଧା ମହିଳା | ବୃଦ୍ଧା ମହିଳାଙ୍କ ନାମ ହେଉଛି ଫୁଲ ବେହେରା ବୟସ – ୮୦ ବର୍ଷ | ୨୪ ବର୍ଷର ପୂର୍ବ ସରକାରର ଦୃଷ୍ଟି ଏ ବୃଦ୍ଧା ବିଧବା ମହିଳାଙ୍କ ଉପରେ ପଡ଼ି ପାରିଲା ନାହିଁ | ପ୍ରାୟ ଦଶ ବର୍ଷ ହେବ ବୃଦ୍ଧା ବ୍ଲକ କାର୍ଯ୍ୟାଳୟ ଧାଇଁ ଧାଇଁ ନୟାନ୍ତ ହୋଇ ବସିଛନ୍ତି | କିନ୍ତୁ ଏ ପର୍ଯ୍ୟନ୍ତ ଭୁବନ ବ୍ଲକ ତାଙ୍କ ଗୁହାରି ଶୁଣି ନାହିଁ | ଚଳିତ ବର୍ଷ ମଧ୍ୟ ପୁଣିଥରେ ସେ ପକ୍କାଘର ପାଇଁ ଆବେଦନ କରିଛନ୍ତି କିନ୍ତୁ ଆଶା ନାହିଁ ଘର ମିଳିବ କି ନାହିଁ | ଚାଳ ଛପର କୁଡ଼ିଆରେ ବାସ କରୁଛନ୍ତି ବୃଦ୍ଧା ଫୁଲ ବେହେରା | ଘରେ କେତେ ବେଳେ ଖରା ପଡ଼ୁଛି ତ ଆଉ କେତେବେଳେ ବର୍ଷା | ଖଣ୍ଡିଏ ଜରି ପାଲ ପାଇଁ ନିକଟସ୍ଥ ଆରଆଇଙ୍କୁ ଜଣାଇଲେ ଯେ ଆରଆଇ ତାଙ୍କୁ ଖଣ୍ଡିଏ ଜରି ପାଲ ଦେଲେ | କିନ୍ତୁ ଏତେ ଛୋଟ ଜରିଟିଏ ଦେଲେ ଯେ ସମୁଦ୍ରକୁ ଶଙ୍ଖେ ଭଳି ଏପଟେ ଦେଲେ ସେପଟେ ଫାଙ୍କା ଫାଙ୍କା ହୋଇ ପଡ଼ୁଛି | ପକ୍କାଘର ପାଇଁ ଭୁବନ ବ୍ଲକ ଉର୍ନୟନ ଅଧିକାରୀ ଆୟୁଷି ମହାପାତ୍ର କହିଛନ୍ତି ଆମ୍ଭେ ଏହାର ଅନୁସନ୍ଧାନ ନିଶ୍ଚୟ କରିବୁ | ଯଦି ସେ ଯୋଗ୍ୟ ହୋଇଥିବେ ଆମ୍ଭେ ତାଙ୍କୁ ପରବର୍ତ୍ତୀ ପର୍ଯ୍ୟାୟରେ ଅନ୍ତୋର୍ଦୟ ଗୃହ ଯୋଜନା କିମ୍ବା ପ୍ରଧାନମନ୍ତ୍ରୀ ଆବାସ ଯୋଜନାରେ ଅନ୍ତର୍ଭୁକ୍ତ କରାଇବୁ | ନୂଆ ସରକାର ଲୋକଙ୍କ ସରକାର,ଏ ଅସହାୟ ଗରିବ ବିଧବା ବୃଦ୍ଧା ମହିଳାଙ୍କ ଦୁଃଖ କେବେ ବୁଝୁଛନ୍ତି ତାହା ଦେଖିବା କୁ ବାକି ରହିଲା |
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
