ଧାନ ଫସଲ କ୍ଷେତ୍ର ପ୍ରଦର୍ଶନ କାର୍ଯ୍ୟକ୍ରମ
ଡାବୁଗାଁ, ୯/୧୧ (ମ.ନି.ସ.)- ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ଅଧୀନ ଗାଦବାକତ୍ରା ଗ୍ରାମ ଠାରେ ଭିଏନଆର କମ୍ପାନୀ ତରଫରୁ ଧାନ ଫସଲ ସଫଳତାର କ୍ଷେତ୍ର ପ୍ରଦର୍ଶନ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି | ଏହି କାର୍ଯ୍ୟକ୍ରମ ରେ ପାପଡାହାଣ୍ଡି, କୋଷାଗୁମୁଡା, ନବରଙ୍ଗପୁର, ନନ୍ଦାହାଣ୍ଡି, ତେନ୍ତୁଳିଖୁଣ୍ଟି ଓ ଡାବୁଗାଁ ବ୍ଲକ ର ବିହନ ବିକ୍ରେତା ମାନେ ଯୋଗଦେଇଥିଲେ | 
ସ୍ଥାନୀୟ ଧାନ ଚାଷୀ ପଦ୍ମ ଲୋଚନ ଅଗରିଆ ଓ ପ୍ରତାପ କୁର୍ମି ଙ୍କ ଧାନ ଜମିରେ ହୋଇଥିବା କମ୍ପାନୀର ହାଇବ୍ରୀଡ ଧାନ ଭିଏନଆର-୨୪୨୫ ପାୱାର ଓ ଭିଏନଆର ୨୨୫୩ କୁ ବିକ୍ରେତା ମାନେ ବୁଲି ଦେଖିଥିଲେ | ଏହି କାର୍ଯ୍ୟକ୍ରମ ରେ କମ୍ପାନୀ ର ନବରଙ୍ଗପୁର ଏରିଆ ସେଲ୍ସ ମ୍ୟାନେଜର ବିଶ୍ଵ ଭୂଷଣ ମହାକୁଲ ଓ ଟେରିଟୋରି ସେଲ୍ସ ମ୍ୟାନେଜର ଆଶିଷ କୁମାର ଗିରି ଯୋଗ ଦେଇ କହିଥିଲେ ଯେ ଏହି ହାଇବ୍ରିଡ ଧାନ ଅଧିକ ଉତ୍ପାଦନ ହେବ | ରୋଗ ଓ ପୋକ ପ୍ରତି ଅଧିକ ସହନଶୀଳତା ପ୍ରଦାନ କରେ | ଯାହା ଦ୍ୱାରା ଚାଷୀ ଭାଇ ମାନେ ଅଧିକ ମୂଲ୍ୟ ପାଇବେ | ଏହି ସଫଳତା ଦେଖି ସମସ୍ତ ବିହନ ବ୍ରିକ୍ରେତା ମାନେ ବେଶ ଖୁସି ହୋଇଥିଲେ | ଏଥିରେ ଡିଲର ସୁବ୍ରତ କୁମାର ସାହୁ ଓ ସୁଶାନ୍ତ ସାହୁ ଯୋଗ ଦେଇ ଚାଷୀ ମାନଙ୍କୁ ଉତ୍ସାହିତ କରିଥିଲେ | ଏଥିରେ କ୍ଷେତ୍ର କର୍ମଚାରୀ ତୁଷାରକାନ୍ତ ମିଶ୍ର, ମୁରଲୀଧର ନାୟକ, ବିଶ୍ଵରଞ୍ଜନ ମିଶ୍ର ଆଶିଷ କୁମାର ସାହୁ ଓ ପ୍ରମୁଖ ସହଯୋଗ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
