ଧରାକୋଟ ରେ ଭୀମଭୋଇ ଦିବ୍ୟାଂଙ୍ଗ ସାମର୍ଥ୍ୟ ଅଭିଯାନ
ଆସିକା, ୧୮/୧୧/୨୫ — ଧରାକୋଟ ବ୍ଲକ ପରିସରରେ ଭୀମଭୋଇ ଦିବ୍ୟାଙ୍ଗ ସାମର୍ଥ୍ୟ ଅଭିଯାନ ଶିବିର ବ୍ଲକ ପ୍ରଶାସନ ଦ୍ବାରା ଆୟୋଜିତ ହୋଇଯାଇଛି । ବି ଡି ଓ ସଂଗ୍ରାମ କେଶରୀ ଜେନା ଙ୍କ ପୌରୋହିତ୍ୟରେଅନୁଷ୍ଠିତ ଏହି କାର୍ଯ୍ଯକ୍ରମରେ ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷା ଅଞ୍ଜଳି ସ୍ୱାଇଁ,ସମ୍ମାନୀତ ଅତିଥି ଭାବରେ ତହସିଲଦାର ଲମ୍ବୋଦର ମାରାଣ୍ଡି, ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ଅସିଓ ଶବର,ଏ ବି ଡି ଓ ସୁଶିଲ ପଟନାୟକ,ସାଂସଦ ପ୍ରତିନିଧି ମୁନା ପ୍ରଧାନ ପ୍ରମୁଖ ଉପସ୍ଥିତ ରହିଥିବା ବେଳେ ବି ଏସ ଏସ ଓ ସଚିନ ପାତ୍ର କାର୍ଯ୍ୟକ୍ରମରେ ସଂଯୋଜନା କରିଥିଲେ।
ଏହି ଶିବିରରେ 412 ଜଣ ଦୃଷ୍ଟି ବାଧିତ, ମୁକ ବଧିର, ଶାରୀରି ଭିନ୍ନକ୍ଷମ,ମାନସିକ ଅନଗ୍ରସର ଭଳି 21 ପ୍ରକାରର ଭିନ୍ନକ୍ଷମ ବ୍ୟକ୍ତିଙ୍କୁ ଉପକରଣ ନିମନ୍ତେ ଚିହ୍ନଟ କରାଯାଇଥିଲା । ସେମାନଙ୍କ ମଧ୍ୟରୁ 15 ଜଣଙ୍କୁ ଟ୍ରାଇ ସାଇକେଲ,18 ଜଣଙ୍କୁ ୱିଲ ଚେୟାର,23 ଜଣଙ୍କୁ ଆଶା ବାଡି,51 ଜଣଙ୍କୁ ଭିନ୍ନକ୍ଷମ ପ୍ରମାଣ ପତ୍ର ପ୍ରଦାନ କରାଯାଇଥିଲା । ଭତ୍ତା,ରାସନ କାର୍ଡ ଓ ଆବାସ ଯୋଜନା ପାଇଁ 131 ଜଣ ଭିନ୍ନକ୍ଷମ ଆଜିର ଶିବିରରେ ଆବେଦନ କରିଥିବା ଜଣାଯାଇଛି। ଏ ବି ଡି ଓ ସୁଶିଲ ପଟନାୟକ ଧନ୍ୟବାଦ ଅର୍ପଣ କରିଥିବା ବେଳେ ସମସ୍ତ କର୍ମଚାରୀ ଏଥିରେ ସହଯୋଗ ପ୍ରଦାନ କରିଥିଲେ।
ଆସିକା ରୁ ଶିବ ଶଙ୍କର ମିଶ୍ର ଙ୍କ ରିପୋର୍ଟ ମସିହା ନ୍ୟୁଜ
