ରୋଟାରୀ ଏବଂ ଇନରହୁଇଲ କ୍ଲବ୍ ରିଭରସାଇଡ୍ ର ସ୍ବଦେଶୀ ଓ୍ବାକାଥନ୍
ରାଉରକେଲା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭର ଭାରତ ଅଭିଯାନକୁ ଉତ୍ସାହିତ କରିବା ପାଇଁ ଓ ଜନସାଧାରଣଙ୍କୁ ଅଧିକରୁ ଅଧିକ ଭାବେ ସ୍ୱଦେଶୀ ଆପଣେଇବାକୁ ବାର୍ତ୍ତା ଦେବା ଉଦ୍ଦେଶ୍ୟରେ ରୋଟାରୀ କ୍ଲବ୍ ଅଫ୍ ରାଉରକେଲା ରିଭରସାଇଡ୍ ଓ ଇନର ହୁଇଲ କ୍ଲବର ମିଳିତ ଆନୁକୂଲ୍ୟରେ ଛେଣ୍ଡ ଭିଏସଏସ ମାର୍କେଟ ଠାରେ ଏକ ବିଶାଳ ୱାକାଥନ ବା ଗଣପଦଯାତ୍ରାର ଆୟୋଜନ କରାଯାଇଥିଲା । ମୁଖ୍ୟଅତିଥି ଭାବେ ରୋଟାରୀ ଡିଷ୍ଟ୍ରିକ୍ଟ ଗଭର୍ଣ୍ଣର ଆଲମ୍ ସିଂ ରୁପ୍ରା ଯୋଗ ଦେଇ ଏହି ଗଣ 
ପଦଯାତ୍ରାକୁ ପତାକା ଦେଖାଇ ଶୁଭାରମ୍ଭ କରିଥିଲେ। ଏହି ଗଣପଦଯାତ୍ରାରେ ଉଭୟ ରୋଟାରୀ ଏବଂ ଇନରହୁଇଲ କ୍ଲବ୍ ର ସଦସ୍ୟ ସଦସ୍ୟା,ଛେଣ୍ଡ ଯୋଗ ଗ୍ରୁପ୍, ସକାଳ ୱାକରସ୍ ଗ୍ରୁପ୍, ଗୋପବନ୍ଧୁ ପାଠାଗାର ,ବୟସ୍କ ନାଗରିକ ସଂଘ, ହାଇଟେକ ମେଡିକାଲ କଲେଜ, ରି ମ୍ ସ ତଥା ଚିନ୍ମୟ ସ୍କୁଲ୍ ର ଛାତ୍ର ଛାତ୍ରୀ ମାନଙ୍କୁ ମିଶାଇ ଦୁଇ ଶହ ରୁ ଉର୍ଦ୍ଧ୍ବ ଉତ୍ସାହର ସହ ଅଂଶ ଗ୍ରହଣ କରିଥିଲେ। କ୍ଲବ୍ ତରଫରୁ ସମସ୍ତଙ୍କୁ ଟି ସାର୍ଟ, ଚା , ଗ୍ଲୁକୋଜ ପାନୀୟ ଓ ସ୍ୱଳ୍ପାହାର ପ୍ରଦାନ କରାଯାଇଥିଲା । ଗୋଟିଏ ଗ୍ରୁପ ତିନି କି.ମି ଓ ଅନ୍ୟ ଗ୍ରୁପ୍ ପାଞ୍ଚ କି.ମି ଦୁରତ୍ଵ ଚାଲିଥିଲେ। ଏହି ୱାକାଥନ ପ୍ରତିଯୋଗିତା ରେ ପ୍ରଥମ ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ବ୍ୟକ୍ତିଙ୍କୁ ଅର୍ଥ ଆକାରରେ ପୁରସ୍କାର ଦିଆଯାଇଥିଲା। ଏହି ସମସ୍ତ କାର୍ଯ୍ୟକ୍ରମରେ ଇନର୍ ହୂଇଲ ସଭାପତି ସିମ୍ରରନଜିତ୍ ସେଖୋନ୍ ଓ ରୋଟାରୀ କ୍ଲବ ସଭାପତି ଶଙ୍କର ପ୍ରସାଦ ତ୍ରିପାଠୀ ଓ ସଂପାଦକ ଶରତ କୁମାର ପାଣିଗ୍ରାହୀଙ୍କ ସହ ଦିଲୀପ ବେହେରା, ଆଦିତ୍ୟ ମହାପାତ୍ର, ଅଞ୍ଜଳି ହୋତା, ଅଜିତା ମହାନ୍ତି, ଘନଶ୍ୟାମ ମିରି, ପରମେଶ୍ବର ପ୍ରଧାନ, ପ୍ରଶାନ୍ତ ରଞ୍ଜନ ପାତ୍ର, ପ୍ରମିଳା ମିଶ୍ର, ଅଜୟ ସାହୁ , ଭଗବାନ ପାଢ଼ୀ, ମୀନା ଶତପଥୀ, ଡଃ ମିନତି ପଣ୍ଡା , ଝରଣା ଦାସ, ସୌଦାମିନୀ ଶତପଥୀ, ଅର୍ଚ୍ଚନା ଦେବତା, ରଞ୍ଜିତା ପଣ୍ଡା, ସୁପ୍ରିୟା ମହାନ୍ତି, ଡ. ଖୁସବୁ ମିଶ୍ର, ଆରତୀ ଷଡ଼ଙ୍ଗୀ, ମହିମା ମହାପାତ୍ର, ପ୍ରାଚୀ ମହାପାତ୍ର, ସବିତା ମହାନ୍ତି, ମଞ୍ଜୁବାଳା ପାଢ଼ୀ, ବିଜୟଲକ୍ଷ୍ମୀ ମିଶ୍ର, ଡାକ୍ତର ଗୀତାଞ୍ଜଳି ପତ୍ରୀ ଓ ଲକ୍ଷ୍ମଣନାଥ ଦାସ ପ୍ରମୁଖ ସକ୍ରିୟ ସହଯୋଗ କରିଥିବାବେଳେ କାବ୍ୟା ହୁଣ୍ଡାଇ, ଛେଣ୍ଡ ପୋଲିସ ଥାନା ଅଧିକାରୀ, ରାଉରକେଲା ସରକାରୀ ଡାକ୍ତରଖାନା, ଇଣ୍ଟରଷ୍ଟେଟ ସିଣ୍ଡିକେଟ ଓ ସିଂହବାହିନୀ ଟ୍ରାନ୍ସପୋର୍ଟ ଏହି କାର୍ଯ୍ୟକ୍ରମରେ ବିଶେଷ ସହଯୋଗ ଦେଇଥିବାରୁ ତାଙ୍କୁ ୱାକାଥନର ଆବାହକ ସୁଖଭିନ୍ଦର ସିଂ ଶେଖୋନ ଧନ୍ୟବାଦ ଅର୍ପଣ କରିଥିଲେ। ମୁଖ୍ୟ ଅତିଥି ଆଲମ୍ ସିଂ ରୁପ୍ରା, ସମ୍ମାନିତ ଅତିଥି ପୁଷ୍ପା ଖଇତାନ ଓ ନଳିନୀପ୍ରଭା ପଟ୍ଟନାୟକଙ୍କ ସହ ହରପାଲ ରୂପ୍ରା , ଡଃ ପି ସି ମହାପାତ୍ର, ଡଃ ସୁବୋଧ ମେହେର ପୁରସ୍କାର ବିତରଣ କରିଥଲେ। କାର୍ଯକ୍ରମକୁ ପ୍ରତିମା ମହାପାତ୍ର ସୁଚାରୁ ରୂପେ ପରିଚାଳନା କରିଥଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
