ରୋଟାରୀ କ୍ଲବ ଅଫ ବ୍ରହ୍ମପୁର ଇଷ୍ଟ ପକ୍ଷରୁ ବୃତ୍ତିଗତ ଉତ୍କର୍ଷ ସମ୍ମାନ
ବ୍ରହ୍ମପୁର ;- ପ୍ରତିବର୍ଷ ଜାନୁଆରୀ ମାସରେ ରୋଟାରୀ କ୍ଲବ ଅଫ ବ୍ରହ୍ମପୁର ଇଷ୍ଟ ପକ୍ଷରୁ “ବୃତ୍ତିଗତ ଉତ୍କର୍ଷ ସମ୍ମାନ” ସମାଜର ବିଭିନ୍ନ ବର୍ଗର ବ୍ୟକ୍ତିବିଶେ ଷଙ୍କୁ ପ୍ରଦାନ କରାଯାଇଥାଏ । ଚଳିତ ବର୍ଷ ମଧ୍ୟ ପରିବେଶ ସୁରକ୍ଷା ଓ ସମାଜ କଲ୍ୟାଣ ଦିଗରେ ଦୃଷ୍ଟାନ୍ତମୂଳକ ପଦକ୍ଷେପ ନେଇ ଚର୍ଚ୍ଚାରେ ରହି ଆସିଥିବା ଗୋଷ୍ଠୀ ଶିକ୍ଷାଧିକାରୀ ଡାଃ ଶଙ୍କର ନାରାୟଣ ବେଜ ଓ ସାମ୍ବାଦିକତା ଓ ଗଣମାଧ୍ୟମରେ ନିଜ ପ୍ରତିଭାର ଭୂୟୋ ବିକାଶ ସାଧନ କରିବା ସଙ୍ଗେ ସଙ୍ଗେ ସାମାଜିକ ବିକାଶକୁ ପ୍ରାଧାନ୍ୟ ଦେଉଥିବା ଅଗ୍ରଣୀ ବରିଷ୍ଠ ସାମ୍ବାଦିକ ଶ୍ରୀ ସୁଦୀପ କୁମାର ସାହୁଙ୍କୁ ବୃତ୍ତିଗତ ଉତ୍କର୍ଷ ସମ୍ମାନ ରେ ସମ୍ମାନିତ କରାଯାଇଛି । ଚଳିତ ସାଧାରଣତନ୍ତ୍ର ଦିବସ ସମାରୋହ ଅବସରରେ ଏ ବିଶିଷ୍ଠ ବ୍ୟକ୍ତିତ୍ଵ ଦ୍ଵୟଙ୍କୁ ରୋଟାରୀ କ୍ଲବ ଅଫ ବ୍ରହ୍ମପୁର ଇଷ୍ଟର ପ୍ରାକ୍ତନ ସଭାପତି ରୋଟାରିଆନ ନରଶୁ ଜେନା ଓ ପ୍ରାକ୍ତନ ସଭାପତି ରୋଟାରିଆନ ଗଦାଧର ରାଉଳଙ୍କ ଦ୍ଵାରା ଯଥାକ୍ରମେ ସମ୍ମାନିତ କରଯାଇଥିଲା । ପ୍ରକାଶ ଥାଉ କି ପୂର୍ବରୁ ମଧ୍ୟ ପୌଷ୍ଟିକ ମାଣ୍ଡିଆରୁ ପ୍ରସ୍ତୁତ ବିଭିନ୍ନ ସୁସ୍ଵାଦୁ ଖାଦ୍ୟ ପ୍ରସ୍ତୁତି ଓ ତାଲିମ ପାଇଁ ଶ୍ରୀମତୀ ସସ୍ମିତା ଦଳେଇଙ୍କୁ କ୍ଲବର ସନନ୍ଦ ସଭ୍ୟ ରୋଟାରିଆନ ଯୋଗେନ୍ଦ୍ର କପୂରଙ୍କ ଦ୍ଵାରା ସମ୍ମାନିତ କରଯାଇଥିଲା । ସଭାପତି ରୋଟାରିଆନ ଡାଃ. ପ୍ରଦୀପ୍ତ କୁମାର ପଟ୍ଟନାୟକଙ୍କ ପୌରହିତ୍ୟରେ ଆୟୋଜିତ ଏ ସମାରୋହରେ କ୍ଲବର ବହୁ ପ୍ରାକ୍ତନ ସଭାପତି ଓ ସଦସ୍ୟ ଅଂଶ ଗ୍ରହଣ କରିଥିଲେ। ଶେଷରେ କ୍ଲବର ସମ୍ପାଦକ ରୋଟାରିଆନ ଅଶ୍ଵିନୀ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ।
